ISAÍAS 40:19 - Biblia Guarani Tumpa Iñee

¹⁹ Ipoki ombaapo vae omondɨkui, mbae iä oyapo vaerä, oro pe oikatu oparavɨkɨ vae oñova oro pe, oyapo karena raɨ korepoti pegua chupe.

ISAÍAS 40:19 ပူးပေါင်းရင်းမြစ်များ

SALMOS 135:15

Tëtaguasu reta itumpa-raanga reta ko, korepoti jare oro peguaño; kuimbae reta jembiapoño ko.

SALMOS 135:18

Opaete jókuae tumpa-raanga reta rami ko iyapoa reta, jare oyeko jese vae reta.

ISAÍAS 2:20

Jókuae ara kuimbae reta omombota itumpa-raanga reta korepoti pegua jare oro pegua anguya reta pe jare andɨra reta pe. Jókuae itumpa-raanga reta oyapo reta omboete reta vaerä vae,

ISAÍAS 2:8

¡Ërei tɨnɨe vi oï tumpa-raanga reta pe! Oyetavatɨka reta omboete jembiapo, ipo pe oyapogüe.

ISAÍAS 30:22

Jayave, reröɨrota remae mbae iä korepoti pe jare oro pe oñeova vae reta re. Opata kuae mbaembae reta renoe remombo mbae ikavimbae rami, ɨtɨ rami remaeta jese reta.

JEREMÍAS 10:9

Tarsis güi güeru reta korepoti oyemboipegüe itumpa-raangarä, jare oro güeru reta Ufaz güi; ipoki omondɨkui mbae omopöra oyapogüe ko, omboemimonde temimonde jovɨ vae jare pɨ̈ta vae pe; opaete kuae reta, ipoki mbae oyapo vae reta jembiapoño ko.

DANIEL 5:4

Jou reta pɨpe vino jare omboete reta itumpa reta oro pegua, korepoti pegua, jiero iyu vae pegua, jiero pegua, ɨvɨra pegua jare ita pegua.

OSEAS 8:6

Echa Israel imbae vi ko kuae, ipoki vae jembiapoño ko, Tumpaä ko; jaeramo opata ko oyemonguruvi, jókuae toro taɨrusu vae iä Samaria itumpa.

JUECES 17:4

Micaía omee ye güire korepoti ichɨ pe, jae omee jókuae dosciento reare korepoti, ipoki mbae iä korepoti pegua oyapo vae pe, oyapouka vaerä metei mbae iä oñeova korepoti pe vae, oñono vaerä Micaía jo pe.