ISAÍAS 40:15 - Biblia Guarani Tumpa Iñee

¹⁵ Chupegua, tëtaguasu reta, ɨ otɨkɨ jɨru güi vae ramiño ko, ɨvɨkúi michi yae vae mbaejäaka pe oï rami, ɨvɨkúi ramiño omboaita tëta reta ɨguasu ipäu rupigua reta.

ISAÍAS 40:15 ပူးပေါင်းရင်းမြစ်များ

GÉNESIS 10:5

Kuae reta oñemoëta ɨguasu jembeɨ rupi tëtaguasu reta metei tëtara jare metei iñee pe imiari vae.

SALMOS 62:10

Agüɨye eyeko ndepɨarai re, jare repɨ̈rogüe rupi remboatɨ vae re; reikokatu yae ma yave, agüɨye ndepɨa jeseiño.

SALMOS 62:9

Añetete, kuimbae reta mbaeä etei ko, paravete vae ani oikokatu vae; mbaejäaka pe oñejäa reta yave, mbaetɨ etei oñejäa ramiñota ko.

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 17:13

Ërei Tumpa iñeeäta rupi matɨ opa otekuarai reta; ɨvɨtu jenonde ɨtɨ güɨraja vae rami, kusumirou güɨraja ɨvɨkúi vae rami.

ISAÍAS 2:22

Agüɨye peyeko kuimbae re, echa jekove ipɨ̈túe reño ko oï. Jae mbaeä etei ko.

ISAÍAS 29:5

Ërei güɨramoiño, outa yandeYa Imbaepuere yae ete vae oiporarauka vaerä nderovaicho reta pe ara rɨapu rupi, ɨvɨkana rupi, mbae täta jɨapu vae rupi, ama ɨvɨtuai reve jare kusumirou guasu rupi, jare tata yavaetegüe rupi. Jare jókuae nderovaicho jeta yae vae opɨtata ɨvɨkúi rami, jare jëia yae vae reta opɨtata ɨtɨ rami.

ISAÍAS 40:22

Tumpa oikoa, güɨnoi ko ara re, joko güi oecha ɨvɨ pegua reta tuku ramiño ko vae. Jae oipɨso ara, asoya oyepɨso rami, jae omoata ara, küaraɨa guakapi pegua oñemoata rami.

ISAÍAS 41:5

Tëtaguasu reta ɨguasu jembeɨ rupigua Tumpa oikuaambae reta oecha jare okɨɨye yae reta; opaetei ɨvɨ okana. Ko ma yogüeru, köi ma yogüeru.”

ISAÍAS 59:18

YandeYa omboepɨukata metei ñavo pe, jeko ae re, oiporaraukata jovaicho reta pe. Imotareɨa reta pe omboepɨukata jeko oï rupi; tëtaguasu reta ɨguasu jembeɨ rupigua reta pe ave.

ISAÍAS 66:19

Jare amokañɨmaata chupe reta: Chugüi reta ojoyepegüe, amondota tëtaguasu reta kotɨ, jae ko: Tarsis, Fut jare Lud pe; kuae tëtaguasu Lud pegua reta oikatu oiporu uvɨ, Tubal jare Javán kotɨ, jare matɨ rupi tëtaguasu reta ñogüɨnoi ɨguasu jembeɨ rupi vae, jókuae mbaetɨ oendu reta cheregua vae, jare mbaetɨ vi oecha reta cheyemboetea; jae reta omoërakuata cheyemboetea tëtaguasu reta pe.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

DANIEL 11:18

Jaɨkue rupi oporepeñata tëta guasu reta ɨguasu jembeɨ rupigua re, jare jeta opɨ̈rota; ërei metei sundaro ruvicha omboapɨta chugüi imbaeyuvanga, omomarai yaeta oeya.

DANIEL 4:32

jare kuimbae reta ipɨte güi ndemombo retata, jare mɨmba reta ñana rupigua ndive reikota, jare guaka reta rami ndemongaru retata; jökorai chiu año reikota, reikuaa regua kërai Tuichagüe yae ete vae ko güɨnoi mbaepuere kuimbae reta iporookuaía re jare jae omee mborookuaía kia nunga vae pe oipota omee yave.”

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

SOFONÍAS 2:11

YandeYa ngaraa ipïri jese reta. Opata omboai tumpa-raanga reta jókuae ɨvɨ pegua, jare opaete vae tëtaguasu omboeteta, ɨguasu ipäu pegua reta ave.