ISAÍAS 40:1 - Biblia Guarani Tumpa Iñee

¹ PeTumpa jei: “Pemoäta ngatu, pemoäta ngatu, tëta chembae;

ISAÍAS 40:1 ပူးပေါင်းရင်းမြစ်များ

NEHEMÍAS 8:10

Jaɨkue rupi jei chupe reta: “Pekua, peu soo ikɨra kavi vae jare vino jëe kavi vae, jare pemee vi tokaru mbaetɨ güɨnoi vae reta; echa ara oñeñono tee yandeYa pe vae ko; agüɨye pepɨatɨtɨ, echa yandeYa Tumpa pegua yerovia ñanemomɨ̈rata vae ko.”

SALMOS 85:3

rembosɨrɨ ndeyeugüi opaete ndearasɨ yae vae.

SALMOS 85:8

Ayeapɨsakata aï cheYa Tumpa jeita vae re; echa imiarita mbɨakatu, imbae vae reta pe jare jupi rupi yogüɨreko vae reta pe, agüɨye vaerä ma oyerova ye ikavimbae kotɨ.

ECLESIASTÉS 3:4

Oime ara, yayaeo vaerä, oime vi ara, yapuka vaerä. Oime ara, ñaporoäpiro vaerä, oime vi ara, yapɨrae vaerä.

ISAÍAS 12:1

Jókuae ara rupi retairarita körai: “Yasoropai amee ndeve cheYa, echa yepe tëi ndearasɨ chekotɨ, ërei oasa ma ndearasɨ chembopɨakatu ye ma.

ISAÍAS 3:10

Ere jupi vae pe, ojo kavita ko, echa oyekouta jembiapo re.

ISAÍAS 41:27

Che ko amoërakua kuae regua Sión pe iyɨpɨ güive, che ko ambou metei ñee jerajaa omoërakua vaerä ñee kavi Jerusalén pe.

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

ISAÍAS 51:3

Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

ISAÍAS 52:9

¡Petairari mbaemboete, peyerovia päve Jerusalén oyemboaigüe; echa yandeYa ombopɨakatu jëta, oepɨ ye Jerusalén!

ISAÍAS 60:1

Epüa Jerusalén, emboesape, echa oväe ma ndeve tembipe, yandeYa iyemboetea ou nderé.

ISAÍAS 61:2

amoërakua vaerä yandeYa ipɨakavi iara ou ma oväe vae, jare ñaneTumpa oyepɨ vaerä iara ou ma vae regua; ambopɨakatu vaerä mbɨatɨtɨ pe ñogüɨnoi vae reta;

EZEQUIEL 16:42

Jayave chepɨakatuta jare chearasɨ poita cherägüɨro nderé vae güi; aiko pɨagüiveta, ngaraa ma chearasɨ aiko.

ZACARÍAS 1:13

Jare yandeYa jei ñee ikavigüe, ñee oporombopɨakatu vae, araɨgua imiari che ndive vae pe.

ZACARÍAS 1:17

Jei ye cheve: “Emoërakua ye rere reve: ‘Körai jei yandeYa Imbaepuere yae ete vae: Tëta chembae vae reta güɨnoi yeta jeta mbae jare ambopɨakatu vɨterita Sión, jae ko Jerusalén aiparavo vae.’ ”

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

2 Corintios 1:4

echa jae yandembopɨakatu opaete yaiporara vae rupi, yandepuere vaerä vi yambopɨakatu ïru oiporara ñogüɨnoi vae reta, Tumpa yandembopɨakatu rami.

1 Tesalonicenses 4:18

Jáeramo, peñomoäta ngatu päve kuae ñee reta pe.