ISAÍAS 4:5 - Biblia Guarani Tumpa Iñee

⁵ jare yandeYa oyapota amapɨtu pɨtumimbi vae ara pe, tembipe jare tata jendɨ vae pɨ̈tu yave, opaete o ñavo re Sión pe, jare opaete oyomboatɨa re. Echa yandeYa iyemboetea oïta opaete mbaembae iárambo küaraɨa rami,

ISAÍAS 4:5 ပူးပေါင်းရင်းမြစ်များ

NEHEMÍAS 9:12

Ara pe reroata reta metei jɨsɨ vae amapɨtu rupi, jare pɨ̈tu yave metei jɨsɨ tata ara re vae rupi, omoembipe vaerä chupe reta kerupi ra yogüɨrajata vae.

SALMOS 105:39

Tumpa ombou amapɨtu, pɨpe omoküaraɨa reta vaerä, jare tata, pɨpe pɨ̈tu yave omoembipe vaerä chupe reta.

SALMOS 111:1

¡Tamboete cheYa, opaete chepɨa ndive! Jupi vae reta oyemboatɨ vae ndive.

SALMOS 78:14

Ara pe güɨroata reta metei jɨsɨ vae amapɨtu rupi, jare pɨ̈tu yave metei jɨsɨ tata omboesape chupe reta vae rupi.

SALMOS 85:9

Añetete, köiño yae oï Tumpa iporogüɨroasayepe, oipoɨu chugüi vae reta peguarä, iyemboetea oiko vaerä yandeɨvɨ pe.

SALMOS 89:7

Tumpa kɨɨyea araɨgua reta ipɨte pe, tuicha yae opaete iyɨ́vɨri rupi ñogüɨnoi vae reta pe.

ÉXODO 14:24

Jare köe ma ou yave yandeYa omae Egiptoɨgua reta kotɨ jókuae amapɨtu güi, metei jɨsɨ tata vae güi, jare ombopɨajopa Egiptoɨgua reta,

ÉXODO 24:16

Javoi yandeYa iyemboetea ogüeyɨ ɨvɨtɨ Sinaí re, jare amapɨtu opa oyasoi ova ara rupi; jare chiúa ara pe Tumpa oenɨi Moisés amapɨtu iyɨvɨte güi.

ÉXODO 26:1

Toyapo reta tupao guakapi pegua payandepo asoya güɨnoi vae, lino oñepövagüe pegua, jare vecharaagüe inimbo jovɨ vae, pɨ̈taü vae, pɨ̈taasɨ vae pegua; jare toyapo reta jese ipoki rupi kavi araɨgua reta iä.

ÉXODO 26:7

Toyapo reta vi once asoya kavara jaa pegua, oyeapo vaerä tupao guakapi pegua iaramboguarä.

ISAÍAS 32:18

Jare tëta chembae vae oiko pɨagüiveta, jëguambaea pe oikota, jare oputuuta,

ISAÍAS 33:20

Pemae Sión re, tëta guasu yandearete mbaemboete pegua jenda re; pemae Jerusalén re, tëta guasu oiko pɨagüive vae re, tëta guasu ngaraai oyererosɨrɨ o guakapi pegua rami vae, ietaka ave ngaraa oyeekɨ ani iïcha ave ngaraa oso.

ISAÍAS 37:35

Echa che ko ayangarekota kuae tëta guasu re, aroasayepe vaerä, che ayeaɨu jeko pegua, jare cherembiokuai David aaɨu jeko pegua.’ ”

ISAÍAS 46:13

Che, aruta yereroasayepe; aruta ete ma, köi yae ma ou. Che ameeta yereroasayepe Sión pe, jare cheyemboete tëtaguasu Israel pe.

ISAÍAS 60:1

Epüa Jerusalén, emboesape, echa oväe ma ndeve tembipe, yandeYa iyemboetea ou nderé.

ISAÍAS 60:2

Mase, pɨtumimbi oñovata ɨvɨ, jare tëtaguasu reta, ërei nderé omboesapeta yandeYa, nderé oyekuaata iyemboetea.

San Mateo 18:20

Echa mókoi ani mboapɨ vae oyemboatɨ yave cheree re, che oime ko aï jae reta ipɨte pe.”

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!