ISAÍAS 4:3 - Biblia Guarani Tumpa Iñee

³ Sión pe jembɨre vae reta, jae ko Jerusalén pe jembɨre vae reta, ombojee retata, “Oñeñono tee Tumpa peguarä vae reta”. Opaete Jerusalén pe oikove vɨteri vae reta, jee oñemoapɨta ñogüɨnoi rami,

ISAÍAS 4:3 ပူးပေါင်းရင်းမြစ်များ

SALMOS 69:28

Opa vi emboai oikove vae reta jee oyekuatía ñogüɨnoia güi, jare agüɨye toyekuatía jupi vae reta jee ipɨte pe.

SALMOS 87:6

YandeYa omoapɨtata tembikuatía pe, tëta reta jee oñemoapɨta oïa pe, jare jeita: “Kuae oë chugüi.”

ISAÍAS 1:27

Sión oyeyora yeta morojäa rupi, jare oyerova ye chekotɨ vae reta oyeyorata jupi rupi;

ISAÍAS 28:5

Jókuae ara yandeYa Imbaepuere yae ete vae oïta tëta imbae vae jembɨregüe reta peguarä äka-regua yemboete pegua rami, jare mbae imopöraka ikavi yae vae rami,

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 46:3

Peyeapɨsaka cheré, Jacob iñemuña reta, opaete Israel iñemuña jembɨregüe reta: Che ko ayangareko peré ndei pea güive voi ma, che ko povoɨ pea ramo güive,

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 6:13

Jare opɨta yave mbovɨ yepe kuae tëta pe, jókuae jaenunga vi oyemboaita; ërei ngatu ɨvɨra roble jare encina jee vae reta oyeasɨa yave, jekuaeño opɨta iyɨpɨgüe, jökoraita ko opɨta ñemuña reta oñeñono tee vae jembɨregüe.”

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 62:12

Israel iñemuña reta pe jei retata: “Tëta oñeñono tee vae.” “IYa Tumpa oepɨgüe.” Nde ndembojee retata: “Tëta guasu ipotaa yae vae.” “Tëta guasu mbaetɨ oyeeya vae.”

EZEQUIEL 13:9

Aiporaraukata jókuae ñeemombeúa jei raangaiño vae pe, jare imbaekuaa rupi maratuta vae omombeu rami iyapu reve vae pe. Kuae reta ngaraa ma ñogüɨnoi chembae vae reta ipɨte pe, ngaraa jee oñemoapɨta Israel iñemuña reta jee oïa pe, jare ngaraa vi yogüeru ye Israel iɨvɨ pe. Jayave pe reta chekuaata che ko jae peYa vae.

EZEQUIEL 43:12

Kuae ko jae mborookuai tupao pegua: Opaete ɨvɨ tupao iyɨ́vɨri oï vae, ɨvɨtɨ iyapɨte re oï vae, oñeñono tee kavi yae vae ko.”

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

ABDÍAS 1:17

Ërei ɨvɨtɨ Sión pe oimeñota jembɨregüe oasayepe vae, yogüɨreko teeta Tumpa peguarä. Jacob iñemuña reta opɨ̈ro yeta iɨvɨ;

ZACARÍAS 14:2

Echa che amboatɨta opaete tëtaguasu reta oñeraro vaerä Jerusalén ndive jare opɨ̈rota tëta, omboaita o reta, jare kuña reta re oyuvangata: Jare tëta mbɨte rupi oyererajata tembipɨɨrä, jaeño mbovɨ opɨtata.

MALAQUÍAS 3:16

(Jayave yandeYa güi oipoɨu vae reta imiari oyoupe; yandeYa oyeapɨsaka jese jare oendu. Kuae reta jee oyemboguapɨ yandeYa jóvai metei tupapire pe, yandeYa güi oipoɨu vae reta jare omboete vae reta regua.)

San Lucas 10:20

Ërei agüɨye peyerovia mbaepuere aña reta re penoi vae re. Ërei peyerovia peree oyekuatía ma oï ara pe vae re.

Hechos 13:48

Jare judiombae vae reta oendu yave kuae ñee, oyerovia yae reta jare ombotuicha Tumpa iñee. Jare güɨrovia opaete jókuae Tumpa oiparavo tekove opambae vae güɨnoi vaerä vae reta.

Romanos 11:4

Ërei Tumpa jei chupe körai: “Oimeño siete mil kuimbae che aiparavo vae reta. Mbaetɨ oyetavatɨka tumpa-raanga Baal jóvai vae reta.”

Romanos 11:5

Jökorai vi añave oime amogüe jembɨre, Tumpa oiparavo ipɨakavi rupi vae.

Efesios 1:4

jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;

Filipenses 4:3

Jare che romoñera, nde cheparavɨkɨ ïru ete, remborɨ vaerä kuae kuña reta. Echa jae reta oparavɨkɨ täta che ndive, romombeu vaerä ñee ikavi vae. Oparavɨkɨ reta Clemente ndive jare ïru che ndive oparavɨkɨ vae reta ndive vi. Kuae reta jee oñemoapɨta ma tupapire tekove pegua pe.

Colosenses 3:12

Peyemonde Tumpa jembiparavo, jae oñono tee iyeupeguarä jare jembiaɨu reta rami: Peporoparareko ete kavi, pepɨakavi oyoupe, peñemomichi, pepɨaguasu oyoupe,

Hebreos 12:14

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 17:8

Mbaemɨmba guasu reecha vae oikose, ërei mbaetɨ ma oiko. Oëta ɨvɨkua guasu güi, ërei ojo yeta kañɨtei pe. Jare ɨvɨ pe yogüɨreko vae reta oecha yave jókuae mbaemɨmba guasu oikose vae, ipɨakañɨ retata, jókuae jee mbaetɨ oyekuatía oï tembikuatía tekove opambae vae pegua pe ɨvɨ oyeapo güire vae reta. Ipɨakañɨ retata oecha yave mbaemɨmba guasu oikose, mbaetɨ ma oiko, oiko yeta vae.

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.

Apocalipsis 21:27

Ërei ngaraa etei oike jókuae tëta guasu pe oipotagüe ikɨa vae jare oipotagüe pɨ̈chɨi vae oyapo vae jare iyapu vae. Jaeño Vecha kuimbae taɨrusu vae jembikuatía tekove pegua pe jee oyekuatía oï vae reta.

Apocalipsis 3:5

Oporomoamɨri vae pe ameeta temimonde tïi vae omonde, jare ngaraa amboai jee tembikuatía tekove pegua güi, aikuaaukata cheRu jóvai jare iaraɨgua reta jóvai.