ISAÍAS 39:6 - Biblia Guarani Tumpa Iñee

⁶ “Metei ara, opaeteita oyereraja Babilonia kotɨ kuae ndero pe oimegüe, neñemuñagüe reta omboatɨgüe. Mbaetɨ eteita mbae jembɨre. Che ndeYa ko jae körai.

ISAÍAS 39:6 ပူးပေါင်းရင်းမြစ်များ

2 REYES 24:13

Jaɨkue rupi Nabucodonosor güɨnoe joko güi opaete yandeYa jo pe mbaembae jepɨ vae oñeñovatu vae, jare opaete mbaembae jepɨ vae mburuvicha guasu jo pe oñeñovatu vae, jare opaetei oyoka mbaembae oro pegua, Salomón mburuvicha guasu Israel pegua oyapo yandeYa jo peguarä vae reta, yandeYa omoërakua rami.

2 CRÓNICAS 36:10

Año oväe ye vae re, mburuvicha guasu Nabucodonosor ombou güɨrajauka Babilonia pe, tembiporu reta jepɨ yae vae yandeYa jo pegua ndive, jare jëtara Sedequías omboguapɨ mburuvicha guasurä Judá jare Jerusalén re.

2 CRÓNICAS 36:18

Jaeramiño vi tembiporu Tumpa jo pegua, tuicha vae ani michi vae, jare tupao pe mbaembae oñeñovatu vae jare mburuvicha guasu imbae jare iyɨvɨrigua reta imbae, opaetei güɨraja Caldeaɨgua reta juvicha guasu Babilonia pe.

JEREMÍAS 20:5

Ameeta vi tovaicho reta ipo pe opaete mbaeyekou kuae tëta guasu pegua, opaete mbaembae jare opaete mbaembae jepɨ vae reta, jare opaete mburuvicha guasu Judá pegua imbaembae jepɨ vae reta, güɨraja vaerä Babilonia pe.

EZEQUIEL 23:26

Opaeteita ndetɨrumboi reta, jare oyemombaeta ndembaembae jepɨ vae reñemopöra pɨpe vae reta re.

DANIEL 1:2

Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.

DANIEL 1:3

Jare mburuvicha guasu jei Aspenaz pe, jembiokuai eunuco reta juvicha pe, güeru vaerä Israel iñemuña reta güi amogüe mburuvicha iñemuña reta,