ISAÍAS 39:3 - Biblia Guarani Tumpa Iñee

³ Jayave ñeemombeúa Isaías ojo mburuvicha guasu Ezequías pɨri, jare oparandu chupe: —¿Ketɨ güi pa yogüeru jókuae kuimbae reta, jare mbae pa jei reta ndeve? Ezequías jei: —Matɨ güi ko yogüeru reta; Babilonia kotɨ güi.

ISAÍAS 39:3 ပူးပေါင်းရင်းမြစ်များ

2 SAMUEL 12:1

YandeYa omondo Natán, David kotɨ, jare ou oväe yave jei chupe: —Oiko mókoi kuimbae reta metei tëta pe, metei oikokatu jare ïru iparavete.

2 CRÓNICAS 16:7

Jókuae ara rupi ou mbae re oecha voi vae Hanani opou mburuvicha guasu Asa pɨri, jare jei chupe: “Mburuvicha guasu Siria pegua isundaro reta oasayepe ko ndegüi, echa reyeko mburuvicha guasu Siria pegua re, jare mbaetɨ reyeko yandeYa Tumpa re.

2 CRÓNICAS 19:2

Jare mbae re oecha voi vae Jehú, Hanani taɨ oë oövaiti jare jei chupe: “¿Maera pa remborɨ jeko kavimbae, reñemoïru güɨröɨro yandeYa vae reta ndive? Kuae jeko pegua yandeYa iyarasɨ ndeve.

2 CRÓNICAS 25:15

Kuae jeko pegua yandeYa iyarasɨ Amasías kotɨ, jare ombou chupe metei ñeemombeúa jei vaerä chupe: —¿Maera pa reeka ndeyeupe ïru tëtaguasu reta itumpa reta, jókuae mbaetɨ jëtaɨgua reta oepɨ ndepo güi vae?

ISAÍAS 38:1

Jókuae ara rupi mburuvicha guasu Ezequías imbaerasɨ pɨ̈chɨi yae, oyuka vaerä güɨnoi. Jare ñeemombeúa Isaías, Amoz taɨ ou ípɨri, jare jei chupe: —YandeYa jei körai: “Emboarakuaa kavi neñemuña reta, echa remanota, mbaetɨta ma rekuera.”

ISAÍAS 38:5

ojo vaerä jei Ezequías pe: “Neñemuñagüe David iTumpa jei körai: ‘Aendu ndeyerure, aecha nderesaɨ. Ameeta ndeve quince año reiko ye vaerä.

ISAÍAS 39:4

Jare Isaías oparandu ye chupe: —¿Mbae pa oecha reta, kuae ndero pegua? Ezequías jei: —Opaetei mbaembae oecha reta. Mbaetɨ etei mbae jembɨre mbae oñeñovatúa pe aechaukambae chupe reta vae.

JEREMÍAS 4:16

“Pere tëtaguasu reta pe jare Jerusalén pe: ‘Matɨ güi yogüeru ma tovaicho reta, jäsémbai osapúkai reta ñeraro pegua, tëta guasu reta Judá pegua kotɨ.

JEREMÍAS 5:15

YandeYa jei ye: “Israel pegua reta, mase, ko aru peve matɨ güi jeta vae, jëia yae jare tëta ñɨma yae vae pegua reta. Mbaetɨ peikuaa iñee reta jare iyemongeta reta vae.

JEREMÍAS 8:19

Mase, cherëtaɨgua reta jäse oyeendu opaete kuae ɨvɨ pe körai: “¿Mbaetɨ ma ra oï yandeYa Sión pe? ¿Mbaetɨ ma ra Juvicha guasu oï joko pe?” Jare yandeYa Jei: “¿Maera pa chemboarasɨuka tumpa-raangarä peñopa kavi peyapo vae rupi, jókuae tumpa-raanga mbaetɨ mbaerä osirive vae jare peikuaambae vae rupi?”

DEUTERONOMIO 28:49

YandeYa güeruta peve metei tëtaguasu matɨ güi, ɨvɨ iyapɨ kotɨ güi, güɨraké rami iñäkua vae; tëtaguasu mbaetɨ iñee peikuaa vae;

JOSUÉ 9:6

Jare yogüeru reta Josué pɨri teyupa pe, Gilgal pe, jei reta chupe jare Israel iñemuña reta pe: —Mombɨrɨ güi ko royu. Peyapo ñemoïru ore ndive.

JOSUÉ 9:9

Jare jae reta jei: —Mombɨrɨ güi ko royu peYa Tumpa jërakua yae jeko pegua. Roikuaa opaete jae oyapo Egipto pe vae,