ISAÍAS 39:2 - Biblia Guarani Tumpa Iñee

² Jare Ezequías oyerovia yae jókuae tupapire jerúa reta ndive, jare oechauka chupe reta imbaembae jepɨ vae oñeñovatúa, ikorepoti, ioro, ikäti kavi vae, asaite oyeambae vae, opaete tembiporu ñeraro pegua jare opaete mbaembae joko pe oime vae. Mbaetɨ etei mbae jo pe jare opaete jókuae iɨvɨ pe oechaukambae chupe reta vae.

ISAÍAS 39:2 ပူးပေါင်းရင်းမြစ်များ

1 REYES 10:10

Javoi jae omee mburuvicha guasu pe tres mil noveciento sesenta kilo oro, jare jeta yeyé mbae ikäti kavi vae jare ita ipöra yae vae reta. Mbaetɨi Israel pe jeta ou mbae ikäti kavi vae mburuvicha kuña Sabá pegua ombopota mburuvicha guasu Salomón pe vae rami.

1 REYES 10:15

Oyepapambae reve omaemee vae reta omboepɨ vae jare ïkotɨa güi mbae güeru omee vae reta omboepɨgüe, jare opaete mburuvicha guasu reta Arabia pegua jare mburuvicha reta ïru ɨvɨ pegua.

1 REYES 10:2

Jare ou Jerusalén pe, jeta jupiegua reta ndive, camello reta ombovoɨta mbae ikäti kavi vae pe, jeta yeyé oro jare ita ipöra yae vae reta; ou Salomón pɨri yave oparandu chupe opaete ipɨa pe güɨnoi vae re.

1 REYES 10:25

jare opaete vae año ñavo güɨraja chupe mbota: Mbae ipöra yae vae korepoti pegua jare oro pegua, ñeapevaka reta, tembiporu ñeraro pegua, mbae ikäti kavi yae vae, kavayu jare mburika guasu.

2 REYES 20:13

Ezequías oyeapɨsaka jese reta oechauka opaete jo pegua mbaembae jepɨ vae oñeñovatu vae: Korepoti, oro, mbae ipiche kavi vae, ikäti kavi yae vae, jare tembiporu reta ñeraro pegua, opaete imbaembae jepɨ vae oñeñovatúa pegua; mbaetɨ metei ave Ezequías oechaukambae vae jo pegua jare opaete güɨnoigüe.

2 CRÓNICAS 32:25

Ërei Ezequías mbaetɨ omee yasoropai jókuae yemborɨ omboresive vae re, jaeño ipɨayemboete yae, jókuae jeko pegua yandeYa iyarasɨ ikotɨ, Judá kotɨ jare Jerusalén kotɨ.

2 CRÓNICAS 32:27

Ezequías oikokatu yae jare imboetea yae, güɨnoi jeta korepoti, oro, ita ipöra vae, ikäti kavi vae, yeopiaka jare oipotagüe mbaembae jepɨ vae.

2 CRÓNICAS 32:31

Ërei Babilonia pegua mburuvicha reta ombou ñee jerajaa reta opou vaerä ípɨri yave jare oikuaa reta vaerä mɨakañɨ oasa jókuae ɨvɨ pe vae re yave, Tumpa omaeño Ezequías re, ojäa vaerä jare oikuaauka vaerä kërai ko ipɨa pe yemongeta güɨnoi vae.

2 CRÓNICAS 9:1

Mburuvicha kuña Sabá pegua oendu Salomón jërakua yae vae yave, ou Jerusalén pe jeta iyɨvɨrigua reta ndive, güeru mbae ikäti kavi yae vae camello reta re, jare jeta oro jare ita ipöra vae, ou ojäa vaerä Salomón mbarandu yavai vae pe. Ou oväe Salomón jóvai yave oparandu chupe opaete ipɨa pe güɨnoi oparandu vaerä vae re.

2 CRÓNICAS 9:9

Jare omee mburuvicha guasu pe tres mil noveciento sesenta kilo oro, jare jeta yae mbae ikäti kavi yae vae reta, ita reta ipöra yae vae. Mbaetɨi oyekuaa jeta mbae ikäti kavi vae Israel pe, mburuvicha kuña Sabá pegua ombopota mburuvicha guasu Salomón pe vae rami.

JOB 31:25

Mbaetɨi jae cheyeupe: “Tayemboikokatu yae, ani tanoi jeta korepoti.”

PROVERBIOS 4:23

Opaete mbaembae reñovatu vae güi, eñovatu kavi ndepɨa, echa jese ko oï nderekove.

ECLESIASTÉS 7:20

Añetete, mbaetɨ metei ave jupi vae kuae ɨvɨ pe, ikavi vae iyapoa jare mbaetɨi iyoa vae.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

2 Corintios 12:7

Jáeramo, yandeYa oechauka cheve mbaembae tuichagüe vae rupi agüɨye vaerä oasa ete ayembotuicha, ou cheve metei yuu yanderete re oï vae rami vae, jae ko Satanás jembiokuai oiporarauka cheve vae.

1 Juan 1:8

Yae yave mbaetɨ ko yandeyoa, yayembotavɨ ko yande aeño. Mbaetɨ etei ko oï yanderé añete vae.