ISAÍAS 38:18 - Biblia Guarani Tumpa Iñee

¹⁸ Tɨvɨa pe ñogüɨnoi vae reta mbaetɨ ko ipuere ndemboete, omanogüe reta ndemboete rapeä ko, tɨvɨa pe oñeñonogüe reta mbaetɨ ko ipuere oyeko nderé.

ISAÍAS 38:18 ပူးပေါင်းရင်းမြစ်များ

SALMOS 28:1

CheYa Tumpa, ndeveño asapukaita; ita guasu cheñepɨ̈roa, eendu chesapúkai, echa mbaetɨ yave reendu cheyerure, omano vae reta rami ma ko aï.

SALMOS 30:9

¿Mbaerä yé pa asiriveta ndeve amano yave, aja yave tɨvɨa pe? ¡Ɨvɨkúi ngaraa ma ipuere ndemboete, ngaraa ma ipuere omoërakua neñee!

SALMOS 6:5

Echa omano vae mbaetɨ ipuere imaendúa nderé; omanogüe reta ñogüɨnoia güi, ¿kia pa imaenduata nderé?

SALMOS 6:6

Chepuere veä ma ayaeo, ¡pɨ̈tu ñavo cheräse ayaeo! Cherupa amoäkɨ cheresaɨ pe.

PROVERBIOS 14:32

Iyoa vae, oyemboai jeko kavimbae pe aeño; ërei kuimbae jupi vae, oyeepɨ jeko kavi rupi.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

NÚMEROS 16:33

Jökorai jae reta opaete imbaembae ndive oa jekove reve omanogüe reta ñogüɨnoia pe, jare ɨvɨ oyeokenda ye. Jökorai opa okañɨtei reta opaete yatɨ vae reta ipɨte güi.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

San Mateo 8:12

Ërei mborookuaía pe yogüɨrekota tëi vae reta oyemomboukata pɨtumimbi pe ikatu pe. Joko pe oyaeo retata jare jäi ombokɨrɨrɨuta.