ISAÍAS 37:6 - Biblia Guarani Tumpa Iñee

⁶ Jare Isaías omombeu chupe reta, jei reta vaerä körai mburuvicha guasu pe: “YandeYa jei körai: ‘Agüɨye ekɨɨye jókuae ñee reta ikavimbae jei chekotɨ, mburuvicha guasu Asiria pegua jembiokuai reta vae güi.

ISAÍAS 37:6 ပူးပေါင်းရင်းမြစ်များ

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

ISAÍAS 35:4

Pere okɨɨye vae reta pe: “¡Peñemoäta ngatu, agüɨye pekɨɨye! ¡Mase, ko oï peTumpa pereepɨ vaerä, oiporaraukata tovaicho reta pe, jeko reta oï rupi; Tumpa etei outa pereepɨ vaerä!”

ISAÍAS 37:5

Jökorai yogüɨraja mburuvicha guasu Ezequías iyɨvɨrigua reta ñeemombeúa Isaías pɨri.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

ISAÍAS 7:4

jare ere chupe: ‘Eyeandu, jare eyembopɨaguasu; agüɨye ekɨɨye jare agüɨye eyembopɨtu, jókuae mókoi tatasɨgüe jätati ñogüɨnoi vae güi, Rezín mburuvicha guasu Siria pegua güi jare Peka, Remalías taɨ mburuvicha guasu Israel pegua pochɨ ñogüɨnoi vae güi.

LEVÍTICO 26:8

pegüi pandepo vae ombotekuaraita cien tovaicho, jare pegüi cien vae ombotekuaraita diez mil tovaicho, jare perovaicho reta opata pemoamɨri.

San Marcos 4:40

Jesús jei chupe reta: —¿Maera pa pekɨɨye? ¿Mbaetɨño pa penoi mborogüɨrovia?

San Marcos 5:36

Ërei Jesús kuae oendu yave, jei Jairo pe tupao pe tenondegua vae pe: —Agüɨye ndepɨatɨtɨ. Eporogüɨroviaño.

JOSUÉ 11:6

Ërei yandeYa jei Josué pe: “Agüɨye ekɨɨye chugüi reta, echa pɨareve koyave etei che opata amee pepo pe, jare ikavayu reta ipɨ opa peakɨo jare ikäretou reta opa peapɨ.”