ISAÍAS 37:36 - Biblia Guarani Tumpa Iñee

³⁶ Jare oë yandeYa iaraɨgua, ojo jare oyuka Asiriaɨgua reta jeyupa pe ciento ochenta y cinco mil kuimbae; jare köe yave opüa reta yave, oecha reta opaete tëogüe yepeaiño ma.

ISAÍAS 37:36 ပူးပေါင်းရင်းမြစ်များ

2 SAMUEL 24:16

Jare Tumpa iaraɨgua ipo omopüa Jerusalén kotɨ omboai vaerä yave jasɨ yandeYa ipɨa pe jókuae, jayave jei araɨgua oporoyuka oï vae pe: “¡Joko peño mo, agüɨye mo!” Jókuae yandeYa iaraɨgua oï Jebús pegua Arauna itrigo oyembopiriría pe.

2 REYES 19:35

Jókuae pɨ̈tu voi yandeYa iaraɨgua oë, jare oyuka Asiriaɨgua reta jeyupa pe ciento ochenta y cinco mil kuimbae; köe yave opüa reta yave, oecha reta opaete tëogüe yepeaiño ma.

1 CRÓNICAS 21:12

Eiparavo: Karuai mboapɨ añota vae, ani mboapɨ yasɨ neamɨrita reiko nderovaicho reta jóvai vae, ani yandeYa oiporaraukata mboapɨ ara vae, kuae ko jae mbaerasɨ ovakatu vae yandeYa iaraɨgua güeruta opaete kuae ɨvɨ Israel re vae. Eiparavo añave, amombeu vaerä chembou vae pe.

1 CRÓNICAS 21:16

David omopüa iñäka yave oecha yandeYa iaraɨgua oyekuaa oï ɨvate, güɨnoi ipo pe ikɨsepuku güɨnoe jɨru güi vae güɨropövee Jerusalén kotɨ. Jayave David jare tenondegua reta ndive, oyetavatɨka itindɨasɨ reve ɨvɨ re, oñeapeva reve temimonde mbɨatɨtɨ pegua pe,

JOB 24:24

Michi raɨ pegua oiko kavi jeko pɨ̈chɨi vae reta, ërei jarembae mbaetɨ ma oiko, ipiru ñana oyeapomondoro rami, avati oyemboyeapa vae rami.

JOB 34:20

Kuimbae reta aramoete omano, pɨare mbɨte yave jäsémbai vae jare oasa, Tumpa oitɨ imbaepuere yae vae, mbaetɨ reve kia omborɨ.

ÉXODO 12:23

Echa yandeYa güeruta mano Egiptoɨgua reta re; jare oecha mbaerugüɨ öke iárambo jare iyɨke yɨke re yave, yandeYa oasata jókuae o jöke güi, jare ngaraa omaeño mano re oike vaerä pero pe oporoyuka.

ÉXODO 12:30

Jókuae pɨ̈tu opüa Faraón jare opaete jembiokuai reta, jare opaete Egiptoɨgua reta; jare täta yae jäse oyaeo reta opaete Egipto pe, echa o ñavo rupi oime tëogüe.

ISAÍAS 10:12

Ërei yandeYa opa ma oyapo ɨvɨtɨ Sión pe jare Jerusalén pe oyapota vae yave, oinupata mburuvicha guasu Asiria pegua, ipɨapochɨ jare ipɨayemboete rupi oyapo jeko pegua.

ISAÍAS 10:25

Echa köi yae ma oï chearasɨ poi vaerä pekotɨ, jayave opata amokañɨtei tovaicho reta.

ISAÍAS 10:26

Che peYa Imbaepuere yae ete vae ainupata Madián pegua reta ayuka ɨvɨtɨ Oreb pe rami; chembaepuere amboyekuaata Asiria re, Egipto re amboyekuaa rami.

ISAÍAS 27:7

Tumpa mbaetɨ ko oiporarauka Israel pe, Israel jovaicho reta pe oiporarauka rami, mbaetɨ ko oyuka Israel, Israel jovaicho reta oyuka rami.

ISAÍAS 29:5

Ërei güɨramoiño, outa yandeYa Imbaepuere yae ete vae oiporarauka vaerä nderovaicho reta pe ara rɨapu rupi, ɨvɨkana rupi, mbae täta jɨapu vae rupi, ama ɨvɨtuai reve jare kusumirou guasu rupi, jare tata yavaetegüe rupi. Jare jókuae nderovaicho jeta yae vae opɨtata ɨvɨkúi rami, jare jëia yae vae reta opɨtata ɨtɨ rami.

ISAÍAS 31:8

Asiria ñamɨrita ñeraro pe, ërei kuimbae potaä omoamɨri. Otekuaraita ñeraro güi, jare taɨrusu vae reta ñeraro regua opata oyepɨɨ tembipɨɨrä;

DANIEL 3:28

Jayave Nabucodonosor jei: “Toyemboete Sadrac, Mesac jare Abed-nego iTumpa, echa ombou iaraɨgua oepɨ jembiokuai reta oyeko jese ramo, jare mbaetɨ oyapo reta cheporookuai, oñeñono reta oiporara vaerä, omboete äragüe ïru tumpa iTumpa güi.

MIQUEAS 5:6

Kuae reta omboaita ɨvɨ Asiria pegua reta kɨsepuku pe, Nimrod iɨvɨ; jare yandereepɨta Asiriaɨgua reta güi, yogüeru opɨ̈ro yandeɨvɨ yandegüi yave.

NAHUM 1:12

YandeYa jei tëta imbae vae pe körai: “Yepe tëi Asiriaɨgua reta imbaepuere yae jare jeta yae jökorai reve opata oyemboai, opata okañɨtei reta. Che ko jeta aiporarauka ndeve, ërei ngaraa ye ma aiporarauka ndeve.

NAHUM 3:3

¡Kavayu regua reta oporepeña! ¡Kɨsepuku jembipe, mii overa! ¡Jetagüe ipere, jetagüe omano! ¡Jeta yeyé tëogüe! ¡Tëogüe re ipɨ̈sa yeyuka vae!

Hechos 12:23

Jare jupiveiño metei yandeYa iaraɨgua omombaerasɨ Herodes, echa mbaetɨ omboeteuka Tumpa. Jare taso opa jou jökorai omano.