ISAÍAS 37:32 - Biblia Guarani Tumpa Iñee

³² echa Jerusalén pe oimeta jembɨregüe reta, ɨvɨtɨ Sión pe oasayepegüe reta. YandeYa Imbaepuere yae ete vae, oporoaɨu yae vae jeko pegua oyapota kuae.

ISAÍAS 37:32 ပူးပေါင်းရင်းမြစ်များ

2 REYES 19:31

Echa Jerusalén güi ñogüɨnoeta jembɨregüe reta; ɨvɨtɨ Sión güi oasayepegüe reta. YandeYa imbaepuere yae ete vae, oporoaɨu yae vae jeko pegua oyapota kuae.

ISAÍAS 10:20

Jókuae ara rupi, Israel pegua reta oasayepegüe, Jacob iñemuña pegua reta oasayepegüe, ngaraa ye ma oyeko reta imoamɨría re, ërei ngatu oyeko retata añetete pegua yandeYa re, Iyoambae Israel pegua re.

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 37:20

Añave, oreYa Tumpa, orereepɨ jókuae mburuvicha ipo güi, opaete tëtaguasu reta oikuaa vaerä, ndeño ko jae oreYa Tumpa añetete vae.”

ISAÍAS 37:4

Mbae mona ndeYa Tumpa oendu Rabsaces jeigüe, echa juvicha guasu Asiria pegua ombou iñeeasɨ katu vaerä jare jei vaerä mbae ikavimbae Tumpa oikove vae kotɨ, toiporarauka chupe jókuae jeigüe re; jae oendu ko opaete jókuae ñee reta. Eyerure chupe jembɨre vɨteriño vae reta re.”

ISAÍAS 4:2

Jókuae ara, yandeYa ombojokɨta vae, ipörata jare imboetea yaeta, Israel pe jembɨreño vae reta peguarä; jare ɨvɨ pe yagüɨyeta vae, imboetea yaeta jare tuichagüe yaeta, Israel pe jembɨreño vae reta peguarä.

ISAÍAS 42:13

YandeYa oëta, metei jëia yae ñeraro regua vae rami, jare oñerarota, ñeraro regua yavaetegüe rami; osapúkai pukaita jare omoamɨrita jovaicho reta.

ISAÍAS 59:17

Oyemonde jupi vae pe, jete regua temimonde ñeraro pegua pe rami, jare oyemonde mborogüɨroasayepe pe, äka-ɨru ñeraro pegua pe rami, yepɨse pe oyemonde, temimonde pe rami, jare oñeova arasɨ pe, ñeapevaka pe rami.

ISAÍAS 63:15

Emae ara güi, jókuae ikɨambaea jare iyemboetea yaea pe reikoa güi. ¿Ketɨ pa oime nerägüɨro, ndembaepuere, ndepɨaä jare ndeporoaɨu orekotɨ vae? ¿Opa ma pa rembosɨrɨ oregüi?

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JOEL 2:18

Jayave yandeYa oipararekota imbae vae reta jare iñïrota chupe reta,

ZACARÍAS 1:14

Jare araɨgua imiari che ndive vae jei cheve: “Emoërakua rere reve: ‘Körai jei yandeYa Imbaepuere yae ete vae: Cherägüɨro yae Jerusalén re, jae ko Sión.