ISAÍAS 37:30 - Biblia Guarani Tumpa Iñee

³⁰ Javoi Isaías jei Ezequías pe: “Kuae rupi reikuaata jókuae oasata vae: Kuae año jare kutɨgua año pe peuta trigo äre ia, ërei mboapɨa año pe peñotɨta jare peipoota, peñotɨta uva jare peuta iagüe.

ISAÍAS 37:30 ပူးပေါင်းရင်းမြစ်များ

2 REYES 19:29

Jayave Isaías jei Ezequías pe: “Kuae ko jae mɨakañɨ oyeapota vae: Kuae año re jare ïru año re peuta trigo äre ia, ërei mboapɨa año re peñotɨta jare peipoota, peñotɨta uva jare peuta iagüe.

2 REYES 20:9

Isaías jei chupe: —Kuae mɨakañɨ jae ko yandeYa oechaukata ndeve vae; yandeYa oyapota ko jei vae: ¿Reipota pa kuaraɨ iküaraɨa oñejäa vae osɨrɨ jenonde kotɨ payandepo ani reipota pa osɨrɨ ye payandepo jaɨkue kotɨ?

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ISAÍAS 38:7

Jayave Isaías jei chupe: —Kuae rupi reikuaata añetete ko yandeYa ombopota jeigüe vae:

ISAÍAS 65:21

Oyapo retata o, jare joko pe yogüɨreko retata; oñotɨ retata uva jare jou retata iagüe.

ISAÍAS 7:11

“Eiporu cheve ndeyeupe mɨakañɨ reikuaa oyeapota ra vae, mɨakañɨ matɨ ɨvɨgüɨ kotɨ, ani ɨvate yae ara kotɨ vae.”

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

LEVÍTICO 25:11

Jókuae año cincuenta toiko peve año yeyora pegua; agüɨye pemaetɨ, agüɨye temitɨ äre reta pearɨvo, agüɨye peitɨo peuva jare agüɨye vi peipoo.