ISAÍAS 37:19 - Biblia Guarani Tumpa Iñee

¹⁹ jare opa jókuae tëtaguasu reta itumpa-raanga reta oapɨ oeya, echa tumpa eteä, kuimbae reta ipo pe oyapogüeño, ɨvɨra jare ita peguaño ko. Jáeramo ko opa reta omboai.

ISAÍAS 37:19 ပူးပေါင်းရင်းမြစ်များ

2 SAMUEL 5:21

Jare filisteo reta opa oeya joko pe itumpa-raanga reta, David jare isundaro reta opa oapɨ.

ÉXODO 32:20

oipɨɨ jókuae toro taɨrusu vae iä jare oitɨ tata pe, jare opa omongúi omombɨuasɨ regua jare oitɨ ɨ pe, jare jókuae ɨ jouuka Israel iñemuña reta pe.

ISAÍAS 10:7

Ërei mburuvicha guasu Asiria pegua mbaetɨta jökorai oyemongeta, iyemongeta ambuaeyee ko. Iyemongeta pe jaeño oipota opa oporomboai, ikɨ̈reɨ opa omboai jeta tëtaguasu reta.

ISAÍAS 17:8

Ngaraa ye ma omae mɨmba oyeyuka oyeapɨ jese vae reta oyapo iyeupe reta vae re. Ngaraa ye ma omae jembiapo reta re, ngaraa ye ma omae Asera iä reta re, ngaraa ye ma omae kuaraɨ iä reta re.

ISAÍAS 2:8

¡Ërei tɨnɨe vi oï tumpa-raanga reta pe! Oyetavatɨka reta omboete jembiapo, ipo pe oyapogüe.

ISAÍAS 26:14

Jae reta opa ma ko omano, ngaraa ye ma oikove reta; jendagüe retaño ma ko opɨta; echa reinupa reta ko, remokañɨtei reta ko, opaeteita remoakañɨ chugüi reta vae.

ISAÍAS 41:24

¡Mase, pe reta mbaeä etei ko, mbaetɨ etei mbae pepuere peyapo! Pɨ̈chɨi yae ko, jókuae peparavo iyeupe vae.

ISAÍAS 41:29

¡Mase, metei ave ko mbaeä etei! Mbaetɨ ko mbae ipuere oyapo reta; osirivembae katuai ko kuae mbae iä reta oyeapogüe.”

ISAÍAS 41:7

Ɨvɨra pe oikatu oparavɨkɨ vae, omoäta ngatu korepoti pe oikatu oparavɨkɨ vae, martillo pe oparavɨkɨ vae, omoäta ngatu jiero pe oikatu oparavɨkɨ vae, omombeu oyoupe reta omboyagüe ikavi oï yave, javoi oikutu clavo pe jókuae itumpa-raanga reta, agüɨye vaerä okúe.

ISAÍAS 44:17

Jare jókuae ɨvɨra jembɨregüe oyapo tumpa-raangarä, javoi oyetavatɨka jóvai omboete vaerä, oyerure chupe körai: “¡Chereepɨ, nde ko chetumpa!”

JEREMÍAS 1:16

Jae kuae tembiporara aruta jókuae iyoa reta jare chereeya reta vae kotɨ vae, echa oapɨ reta ikäti kavi vae incienso tumpa ambuae reta pe, omboete reta, jae reta aeño oyapo vae.

JEREMÍAS 10:11

(Körai pere itumpa-raanga pota vae reta kotɨ: “Okañɨta ko ɨvɨ güi tumpa-raanga reta mbaetɨi oyapo ara jare ɨvɨ vae; mbaetɨ eteita opɨta chugüi reta metei ave ɨvɨ pe.”)

JEREMÍAS 16:20

¿Ipuere ra kuimbae oyapo iyeupe itumpa retarä? ¡Jökorai yave, jókuae tumpa reta mbaetɨ ko tumpa añetete vae!”

JEREMÍAS 2:11

¿Kia nunga tëtaguasu oipoepɨ ra itumpa reta? ¡Yepe tëi jókuae reta ko tumpa añetembae! Ërei kuae tëta chembae chereeya, iyemboetearä aiko tëi vae, chepoepɨ reta tumpa-raanga mbaetɨ mbae ra osirive vae ndive.

DANIEL 11:8

Opɨ̈rota güɨraja Egipto kotɨ itumpa-raanga reta, mbae iä reta jiero oyemondɨkui oyeapo vae pegua jare jembiporu reta ipöra yae vae korepoti pegua jare oro pegua. Ërei mbovɨ año rupi jae oyembosɨrɨta oiko mburuvicha guasu ɨvɨtuguasu kotɨgua güi,

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

OSEAS 8:6

Echa Israel imbae vi ko kuae, ipoki vae jembiapoño ko, Tumpaä ko; jaeramo opata ko oyemonguruvi, jókuae toro taɨrusu vae iä Samaria itumpa.

Gálatas 4:8

Añete ko, tenonde rupi mbaetɨ peikuaa Tumpa yave, peyeokuaise tumpambae reta pe.