ISAÍAS 36:22 - Biblia Guarani Tumpa Iñee

²² Jayave Eliaquim, Hilcías taɨ, jae ko mburuvicha guasu imbaembae iyangarekoa, jare Sebna, jae ko ombaekuatía vae jare Joa, Asaf taɨ, jae ko mburuvicha, omondoro reta jemimonde ipɨatɨtɨ güi, yogüɨraja Ezequías pɨri, jare omombeu reta Rabsaces iñee chupe.

ISAÍAS 36:22 ပူးပေါင်းရင်းမြစ်များ

2 REYES 18:18

Javoi oenɨi reta mburuvicha guasu; ërei jekovia pe ñogüɨnoe oövaiti reta Eliaquim, Hilcías taɨ, mburuvicha guasu imbaembae iyangarekoa, jare Sebna ombaekuatía vae, jare mburuvicha Joa, Asaf taɨ.

2 REYES 5:7

Mburuvicha guasu Israel pegua omongeta güire jókuae tupapire, omondoro jemimonde ipɨatɨtɨ güi, jare jei: —¿Tumpa yera che, tekove oekɨ vae jare omee ye tekove vae, ombou vaerä kuae cheve, metei kuimbae ambogüera vaerä ipire mbaerasɨ ókui vae güi? ¡Peikuaa kavi añave, oeka kërai chemboeko vaerä jare oporepeña vaerä cheré!

ESDRAS 9:3

Aendu kuae yave, amondoro cheremimonde jare cheñeapevaka chepɨatɨtɨ güi, amondoro chea jare cherendɨvaa, jare aguapɨ chepɨatɨtɨ yae reve.

ISAÍAS 22:15

YandeYa Imbaepuere yae ete vae jei cheve: “Ekua, emae Sebna re, mburuvicha guasu imbaembae iyangarekoa re, jare ere chupe:

ISAÍAS 22:20

Jókuae ara aenɨita cherembiokuai Eliaquim, Hilcías taɨ;

ISAÍAS 29:2

Ërei aruta chupe mbaesusere, jäseta jare oyaeota, jare jókuae tëta guasu oïta cheve Arielrä.

ISAÍAS 33:7

¡Mase, kërai jäseta tëta guasu ikatu pe, omondo imiari jekovia pe vae reta, yogüɨraja mbɨakatu oyapo vaerä vae reta täta oyaeota!

ISAÍAS 36:11

Jayave Eliaquim, Sebna jare Joa jei reta Rabsaces pe: —Ore romoñera, nemiari vaerä oreve ñee arameo pe, ore roikuaa jókuae ñee, agüɨye nemiari oreve ñee Judá pegua pe, echa opaete vae kuae tëta guasu ikësea re ñogüɨnoi vae reta oendu ñogüɨnoi kuae.

ISAÍAS 36:3

Jare oë oövaiti Eliaquim, Hilcías taɨ, jae ko mburuvicha guasu imbaembae iyangarekoa; jare Sebna, jae ko ombaekuatía vae; jare mburuvicha Joa, Asaf taɨ.

JEREMÍAS 36:24

Mburuvicha guasu jare iyɨvɨrigua mburuvicha reta oendu yave, mbaetɨ etei okɨɨye reta, jare mbaetɨ kërai ave omboyekuaa reta ipɨatɨtɨ.

San Mateo 26:65

Jayave sacerdote tenondegua ete kuae oendu yave, pochɨ ramo omondoro jemimonde, jei reve: —Jei ma ikavimbae yae vae Tumpa kotɨ. ¿Mbaerä ye pa yaekata kia imiari vaerä jese? Mase, pe reta etei peendu ma ikavimbae yae jei Tumpa kotɨ vae.