ISAÍAS 36:20 - Biblia Guarani Tumpa Iñee

²⁰ ¿Kia nunga tumpa-raanga reta pa oepɨ jëtaguasu, mburuvicha guasu Asiria pegua ipo güi? ¿Perovia pa peYa Tumpa oepɨta Jerusalén chepo güi?

ISAÍAS 36:20 ပူးပေါင်းရင်းမြစ်များ

1 REYES 20:23

Jare mburuvicha guasu Siria pegua imborɨa reta, jei chupe: —Israel iñemuña reta itumpa reta, jae ko tumpa reta ɨvɨtɨ rupigua; jáeramo ñanemoamɨri. Ërei ñañoraro yave ɨvɨpe kavi pe jae reta ndive ñamoamɨrita.

1 REYES 20:28

Jayave ou kuimbae Tumpa iñeemombeúa mburuvicha guasu Israel pegua jóvai, jare jei chupe: —Körai yandeYa jei: “Echa Siriaɨgua reta jei, che jae Tumpa ɨvɨtɨ rupiguaño, mbaetɨ ko ɨvɨpe kavi rupigua ramo, ameeta ndepo pe kuae jeta yae vae. Jökorai peikuaata che jae ko peYa.”

2 CRÓNICAS 32:15

Jáeramo, agüɨye peyembotavɨuka Ezequías pe, agüɨye peyererajauka jae iñee rupi, agüɨye ave perovia, echa metei ave jókuae tëtaguasu reta itumpa mbaetɨ ipuere oepɨ iɨvɨ cheñemuñagüe güi jare chembaepuere güi vae, añave ngaraa etei ko peTumpa ipuere pereepɨ chembaepuere güi.’ ”

2 CRÓNICAS 32:19

Jei reta ñee ikavimbae Jerusalén pegua reta iTumpa kotɨ, ïru tëtaguasu reta itumpa kotɨ jei reta rami, jókuae tumpa reta kuimbae reta oyapogüe kotɨ.

SALMOS 50:21

Opaete kuae reyapo, ërei che chekïriiño; nde reyemongeta, che nde ramiño. Ërei che amboetata ndeve, ¡jaeta ndeve nderova pe etei!”

SALMOS 73:9

Jei reta mbae ikavimbae ara kotɨ, jare jei reta mbae ikavimbae ɨvɨ pegua reta kotɨ.

ÉXODO 5:2

Ërei Faraón jei: —¿Kia pa jókuae “peYa”, ayeapɨsaka vaerä iñee re jare amaeño vaerä yogüɨraja Israel iñemuña reta? Che mbaetɨ ko aikuaa peYa, ngaraa vi amaeño yogüɨraja Israel iñemuña reta.

ISAÍAS 36:15

Echa oipota yave güɨroviauka peve jare jei yave: “YandeYa ko yandereepɨta, jae ngaraa omaeño oa kuae tëta mburuvicha guasu Asiria pegua ipo pe.”

ISAÍAS 37:4

Mbae mona ndeYa Tumpa oendu Rabsaces jeigüe, echa juvicha guasu Asiria pegua ombou iñeeasɨ katu vaerä jare jei vaerä mbae ikavimbae Tumpa oikove vae kotɨ, toiporarauka chupe jókuae jeigüe re; jae oendu ko opaete jókuae ñee reta. Eyerure chupe jembɨre vɨteriño vae reta re.”

EZEQUIEL 35:13

Pe reta peyembotuicha chekotɨ peñee rupi, jeta ñee ikavimbae pere chekotɨ. Che aendu ko.

DANIEL 3:15

Añave, peendu oñemoñee mimbɨ vecha kuimbae-räti, jare angúa ipu, arpa, ngitara, zampoña, jare opaete temimbɨ tairari pegua yave, ¿peyetavatɨkata pa pemboete mbae iä amopüaukagüe? Echa mbaetɨ yave pemboete, jupiveiño peyemomboukata metei horno jendɨvuku oï vae japɨpe; ¿jare kia nunga tumpa pa ipuereta pereepɨ chepo güi?