ISAÍAS 36:2 - Biblia Guarani Tumpa Iñee

² Jare tëta Laquis güi mburuvicha guasu Asiria pegua ombou isundaro ruvicha Rabsaces jetagüe sundaro reta ndive, oporepeña vaerä Ezequías re, Jerusalén pe; oyembojeyupa reta ɨrɨru ɨvate kotɨgua kotɨ ɨ ou vae jape iyɨ́vɨri, Mbaeputuka renda kotɨ tape ojo vae rupi.

ISAÍAS 36:2 ပူးပေါင်းရင်းမြစ်များ

1 REYES 20:2

Omondo vi ñee jerajaa reta jókuae tëta guasu pe, Acab pɨri, mburuvicha guasu Israel pegua, jei reta chupe:

2 REYES 18:11

Mburuvicha guasu Asiria pegua güɨraja tembipɨɨrä Israel iñemuña reta Asiria pe; opa güɨraja oñono reta tëta Halah pe, ɨvɨ Habor pe, ɨ̈aka Gozán jembeɨ pe, jare tëta guasu reta ɨvɨ Media pegua rupi;

ISAÍAS 36:8

Romoñera añave, remomɨari vaerä ndeyeupe cheruvicha guasu Asiria pegua, jare che ameeta ndeve dos mil kavayu, nde ndepuereta remee opo vaerä jese vae reta yave.

ISAÍAS 7:3

Jayave yandeYa jei Isaías pe: “Ekua, nde jare nderaɨ Sear-jasub ndive peövaiti mburuvicha guasu Acaz, sekia ɨrɨru tuicha vae kotɨ ojo vae iyapɨ kotɨ, tape ojo Mbaeputuka renda kotɨ vae pe,

JEREMÍAS 34:7

Jökorai ramboeve, mburuvicha guasu Babilonia pegua isundaro reta opüa ñogüɨnoi Jerusalén re, jare tëta guasu reta Laquis jare Azeca re, echa jaeño ete tëta guasu reta oñekëse kavi vae, Judá pegua opɨta vɨteri vae.

MIQUEAS 1:13

Peyokua pekäretou reta pekavayu reta re, tëta Laquis pegua reta, pe reta pemboɨpɨ peyoa Sión pe, echa Israel iñemuña reta rami pepɨarai.

MIQUEAS 1:9

Echa Samaria ipere, okuerambae ko, jare ou oväe Judá pe, ou oväe cherëta jöke pe, Jerusalén pe.