ISAÍAS 36:18 - Biblia Guarani Tumpa Iñee

¹⁸ Ërei Ezequías jei yave peYa Tumpa pereepɨta ko, agüɨye peyembotavɨuka chupe. ¿Peecha pa ïru tumpa-raanga reta oepɨ jëtaguasu, mburuvicha guasu Asiria pegua ipo güi?

ISAÍAS 36:18 ပူးပေါင်းရင်းမြစ်များ

SALMOS 12:4

körai jei reta vae: “Ñaneñee rupi ñaporomoamɨrita ko, yandeyuru yandembae ko. Ngaraa kia ñanemokɨ̈rii.”

ISAÍAS 10:11

Samaria pe ayapo rami jare itumpa-raanga reta pe ayapo rami, ¿mbaetɨta pa chepuere ayapo jökorai Jerusalén jare itumpa-raanga reta?’ ”

ISAÍAS 10:7

Ërei mburuvicha guasu Asiria pegua mbaetɨta jökorai oyemongeta, iyemongeta ambuaeyee ko. Iyemongeta pe jaeño oipota opa oporomboai, ikɨ̈reɨ opa omboai jeta tëtaguasu reta.

ISAÍAS 36:10

¿Nde rerovia pa ayu ko aporepeña jare amboai kuae tëtaguasu Tumpa oikuaambae reve? ¡Jae ko chembou aporepeña jare opa vaerä amboai!”

ISAÍAS 36:15

Echa oipota yave güɨroviauka peve jare jei yave: “YandeYa ko yandereepɨta, jae ngaraa omaeño oa kuae tëta mburuvicha guasu Asiria pegua ipo pe.”

ISAÍAS 36:17

Ou regua pereraja metei ɨvɨ, kuae peɨvɨ rami vae pe, ɨvɨ kavi trigo peguarä jare uva peguarä vae pe, tembíu katúa pe.

ISAÍAS 36:7

Ërei rere yave cheve: OreYa Tumpa re ko royeko, ¿mbaetɨ yera Ezequías opa omboaiuka mɨmba oyeyuka oyeapɨ jese vae reta Tumpa imbae, jare jei Judá pegua reta pe, jare Jerusalén pegua reta pe, ombaemboete reta vaerä meteia peño vae?

ISAÍAS 37:10

“Agüɨye eyembotavɨuka neTumpa pe, echa güɨroviauka ndeve kërai Jerusalén mbaetɨta ko oa chepo pe vae.

ISAÍAS 37:11

Nde reikuaa, mbae ko oyapo mburuvicha guasu reta Asiria pegua opaete tëtaguasu reta pe vae, ¿nde reasayepeta ra?

ISAÍAS 37:4

Mbae mona ndeYa Tumpa oendu Rabsaces jeigüe, echa juvicha guasu Asiria pegua ombou iñeeasɨ katu vaerä jare jei vaerä mbae ikavimbae Tumpa oikove vae kotɨ, toiporarauka chupe jókuae jeigüe re; jae oendu ko opaete jókuae ñee reta. Eyerure chupe jembɨre vɨteriño vae reta re.”

EZEQUIEL 31:5

Jeta yae ɨ güɨnoi ramo, ɨvate yae okuakuaa ïru ɨvɨra reta güi, jäka reta oyembojeta, jare matɨ oñemoai.

DANIEL 3:15

Añave, peendu oñemoñee mimbɨ vecha kuimbae-räti, jare angúa ipu, arpa, ngitara, zampoña, jare opaete temimbɨ tairari pegua yave, ¿peyetavatɨkata pa pemboete mbae iä amopüaukagüe? Echa mbaetɨ yave pemboete, jupiveiño peyemomboukata metei horno jendɨvuku oï vae japɨpe; ¿jare kia nunga tumpa pa ipuereta pereepɨ chepo güi?