ISAÍAS 36:17 - Biblia Guarani Tumpa Iñee

¹⁷ Ou regua pereraja metei ɨvɨ, kuae peɨvɨ rami vae pe, ɨvɨ kavi trigo peguarä jare uva peguarä vae pe, tembíu katúa pe.

ISAÍAS 36:17 ပူးပေါင်းရင်းမြစ်များ

2 REYES 18:32

che ayu pogüɨraja peɨvɨ rami vae pe regua, trigo jare uva oimea pe, tembíu jare vino oimea pe, ɨvɨra olivo jare ei oime pɨpea pe. Joko pe pepuereta peiko kavi, mbaetɨta pemano. Ërei agüɨye perovia Ezequías, echa pembotavɨ ko jei yave peve yandeYa ko yandereepɨta.

2 REYES 24:11

Javoi ou vi Nabucodonosor tëta guasu Jerusalén kotɨ, iyɨvɨrigua mburuvicha reta oñova ma güɨnoi yave.

JOB 20:17

Mbaetɨta oecha ei jare neche ɨ rami osɨrɨ ɨ̈aka rupi vae.

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

PROVERBIOS 12:10

Jupi vae oyangareko kavi jɨmba reta re, ërei iyoa vae reta ipɨa-pïría yae ko.

ISAÍAS 36:16

Agüɨye perovia Ezequías re. Mburuvicha guasu Asiria pegua chembou peyapo vaerä jae ndive mbɨakatu, peñemaeño, jayaveño pepuereta peu pɨagüive peuva ia, peɨva ia jare peu peɨ ae ae peɨrɨru güi.

ISAÍAS 36:18

Ërei Ezequías jei yave peYa Tumpa pereepɨta ko, agüɨye peyembotavɨuka chupe. ¿Peecha pa ïru tumpa-raanga reta oepɨ jëtaguasu, mburuvicha guasu Asiria pegua ipo güi?

DEUTERONOMIO 11:12

Jae ko ɨvɨ yandeYa Tumpa etei oyangareko jese vae, año oyemboɨpɨ güive año opa regua.