ISAÍAS 35:8 - Biblia Guarani Tumpa Iñee

⁸ Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 35:8 ပူးပေါင်းရင်းမြစ်များ

SALMOS 118:20

Jae ko yandeYa jöke, jokoropi ko oiketa jupi vae reta.

SALMOS 119:130

Neñee oyemombeu kavi vae, omboesape rami ko, omboe ipɨa yemboetembae reta.

SALMOS 19:7

YandeYa iporookuai jupigüe ko, oporopoepɨ vae ko; yandeYa iporookuai jupi ko, arakuaa oupitɨ katumbae pe omee arakuaa.

SALMOS 23:4

Yepe tëi aguata ɨvɨtɨ päu ñamano rape katúa rupi, ërei ngaraa akɨɨye mbae nunga ikavimbae güi, echa nde reïta che ndive; ndeɨvɨra jare ndepopoka chemoäta ngatuta.

PROVERBIOS 16:17

Jupi vae reta jeko, jae ko osɨrɨ vaerä ikavimbae güi; oyangareko jeko re vae, jekove re ko oyangareko.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

PROVERBIOS 8:20

Che aja tape isɨmbi vae rupi, tape ikavigüe rupi.

PROVERBIOS 9:4

jei reta: “¡Peyu kuae kotɨ, yarakuaambae reta!” Omondo jei mbaetɨ oyemongeta kavi vae reta pe:

ISAÍAS 11:16

Oyepeata tape, tëta imbae vae jembɨregüe pe, Asiria kotɨ güi oyerova reta ye yave, jëtara Israel iñemuña reta oyerova ye Egipto kotɨ güi yave rami.

ISAÍAS 19:23

Jókuae ara oimeta tape tuicha vae ojo Egipto güi Asiria kotɨ vae. Asiriaɨgua reta yogüɨrajata oväe Egipto pe jare Egiptoɨgua reta Asiria pe; jare jae reta omboete päveta yandeYa.

ISAÍAS 30:21

Pepia pota tëi tape güi yave, peenduta pekupe kotɨ ñee jei peve: “Kuae ko jae tape, peguata kuae rupi. Agüɨye pepia ketɨ ave yepe.”

ISAÍAS 33:8

Tape reta opa oñererokomegua, mbaetɨ kia oguata jupi vae, mbaetɨ mboromboete morogüɨrökuavee päve oyeapogüe re, güɨröɨro reta, mbaetɨ mboromboete kia peguarä ave.

ISAÍAS 4:3

Sión pe jembɨre vae reta, jae ko Jerusalén pe jembɨre vae reta, ombojee retata, “Oñeñono tee Tumpa peguarä vae reta”. Opaete Jerusalén pe oikove vɨteri vae reta, jee oñemoapɨta ñogüɨnoi rami,

ISAÍAS 42:16

Jesambae reta arajata tape, jae reta oikuaambaea rupi, jae reta japerä rupi pɨtumimbi amoembipeta, tape pɨ̈chɨi vae ambokavita. Kuaekuae, ayapota chupe reta, mbaetɨta aeya reta jae aeño.

ISAÍAS 43:19

mase, ko ayapota mbae ipɨau vae, jare peechata añave voi. Aipea yeta tape ñuu rupi, jare ɨvɨ otini vae rupi ɨ̈aka reta.

ISAÍAS 51:10

opa ko remondɨpa ɨguasu, ɨguasu rupi reyapo tape, reyoragüe reta oasa vaerä jokoropi.

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 52:11

¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

ISAÍAS 57:14

Jayave oyeenduta jei: “Peyapo kavi jare pemboipe tape, pembosɨrɨ tape güi mbae oporomboavai vae reta, chembae vae reta oasa vaerä.”

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 62:10

Peasa, peasa öke reta rupi, peipea tape chembae vae reta peguarä. Peñono kavi tape oyeguata jupi vae, pembosɨrɨ tape güi ita reta, peupi bandera, oecha vaerä opaete vae tëtaguasu reta.

ISAÍAS 62:12

Israel iñemuña reta pe jei retata: “Tëta oñeñono tee vae.” “IYa Tumpa oepɨgüe.” Nde ndembojee retata: “Tëta guasu ipotaa yae vae.” “Tëta guasu mbaetɨ oyeeya vae.”

JEREMÍAS 31:21

Israel, emokañɨmaa tape yavaimbae reve reväe ye vaerä. ¡Israel, emae kavi jese, eyerova ye jokoropi; eyerova ye nerëta guasu reta kotɨ!

EZEQUIEL 43:12

Kuae ko jae mborookuai tupao pegua: Opaete ɨvɨ tupao iyɨ́vɨri oï vae, ɨvɨtɨ iyapɨte re oï vae, oñeñono tee kavi yae vae ko.”

EZEQUIEL 44:9

Körai jei yandeYa Tumpa: Metei ave ketɨgua ipɨa oyembocircuncidambae jare isoo oyembocircuncidambae, mbaetɨta oike chetupao pe, opaete ketɨgua reta yogüɨreko Israel iñemuña reta ipɨte pe vae.

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

LEVÍTICO 26:6

Jare che ameeta mbɨakatu peve peɨvɨ pe, jare peke pɨagüiveta, ngaraa oime peiämondo vae; opata aekɨuka peɨvɨ güi mɨmba pochɨ vae reta ñana rupigua, jare ngaraa etei oime ñeraro peɨvɨ pe.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

1 Tesalonicenses 4:7

echa Tumpa mbaetɨ ko ñanereenɨi yaiko vaerä pɨ̈chɨi vae pe, ñanereenɨi ko yaiko tee vaerä chupeguarä.

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

Hebreos 12:14

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.

1 Pedro 1:16

echa oyekuatía oï körai: “Peiko tee mbaeyoa güi, echa che ko iyoambae.”

2 Pedro 3:13

Ërei yande reta ñaäro ñaï jae güɨrökuavee vae, ara ipɨau vae jare ɨvɨ ipɨau vae, joko pe oimeta jupi vaeño.

1 Juan 2:20

Ërei Cristo peñeñono tee ma Espíritu Santo rupi, jáeramo pe reta peikuaa opaete.

1 Juan 2:27

Ërei Tumpa omee ma peve Espíritu Santo vae oiko pepɨa pe. Jáeramo mbaetɨ ma kia ipuere pemboe ye vaerä, echa Espíritu Santo etei pemboe opaete mbaembae re, jare añetete ko, mbaetɨ apu; jae pemboe rami peiko avei Jesucristo re.

Apocalipsis 21:27

Ërei ngaraa etei oike jókuae tëta guasu pe oipotagüe ikɨa vae jare oipotagüe pɨ̈chɨi vae oyapo vae jare iyapu vae. Jaeño Vecha kuimbae taɨrusu vae jembikuatía tekove pegua pe jee oyekuatía oï vae reta.