ISAÍAS 35:6 - Biblia Guarani Tumpa Iñee

⁶ iköcho vae reta oporiseta guasukaka rami, jare iupa vae reta osapukaita oyerovia güi. Echa ñuu güi, ɨvɨ otini yae vae güi oëta jeta ɨ osɨrɨ vae.

ISAÍAS 35:6 ပူးပေါင်းရင်းမြစ်များ

NEHEMÍAS 9:15

Yɨmbɨaɨ reta yave, remee mbɨyape ara güi chupe reta, iɨuve reta yave, remee ɨ ɨ̈vavira güi chupe reta. Javoi rere chupe reta oike vaerä yogüɨreko, ɨvɨ nde reñererökuavee remee chupe reta vae pe.

SALMOS 107:35

ñuu oipoepɨ, ɨupa pe, jare ɨvɨ otini vae, ɨesaɨ pe;

SALMOS 46:4

Ɨ̈aka rupi ɨ osɨrɨ vae omboyerovia Tumpa jëta guasu, o mbaemboetea pegua, Tuichagüe yae ete vae oïa.

SALMOS 51:15

CheYa, eipea cheyuru, jare tatairari toromboete.

ÉXODO 17:6

Che aïta nderóvai ɨ̈vavira re, ɨvɨtɨ Horeb re; jare eiporu ɨ̈vavira re, jare oëta ɨ chugüi, jare opaete vae reta oɨuta. Jare Moisés jökorai oyapo, Israel iñemuña itenondegua reta jovake,

ISAÍAS 30:25

Ou oväe jókuae yeyuka guasu iara yave, jare oa tëta guasu jëguambae reta yave, oimeta jeta ɨ ɨvɨtɨ guasu reta rupi.

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

ISAÍAS 32:4

jare iyarakuaambae reta, iyarakuaata, jare iñee ngatumbae reta, iñee ngatuta.

ISAÍAS 33:23

Jókuae barco reta iguataka iɨ iïcha opa okúe, ngaraa ma ikavi omoata kavi vaerä. Oñepɨ̈rota opa oyemboyao yao jeta mbaembae tovaicho reta güi, oguatambae reta ave oiketa güɨnoe mbaembae.

ISAÍAS 35:1

Toyerovia ñuu, ɨvɨ ipombae vae; tijokɨ ñana jare tipotɨ,

ISAÍAS 42:11

Toyerovia ñuu reta jare pɨpegua tëta guasu reta, Cedar iñemuña reta jëta raɨ raɨ rupi. Totairari Sela pegua reta oyerovia güi, tosapúkai reta ɨvɨtɨ reta iyapɨte güi.

ISAÍAS 44:3

echa amoëta ɨ ñuu rupi, jare ɨ̈aka reta, ɨvɨ otini vae rupi. Ameeta tekove neñemuña reta pe, cheporerekuata jese reta.

ISAÍAS 48:21

Yepe güɨraja tëi ñuu rupi, ërei mbaetɨ oiporara reta iɨuve; oyoka ɨ̈vavira, jare omoë jeta ɨ chupe reta.

ISAÍAS 51:3

Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

JOEL 3:18

Ɨvɨtɨ rupi jeta yaeta oñemuña uva, ɨvɨtɨ guasu rupi jeta yaeta neche jare Judá pe oimeta ɨ ïaka ñavo; yandeYa jo güi oëta ɨesaɨ, jókuae omoäkɨta Sitim, ɨvɨtɨ päu ipe kavi vae.

ZACARÍAS 14:8

Jare jókuae ara Jerusalén güi oëta ɨ tɨpambae, mbɨte rupi ojota Ɨguasu Jembochɨ vae pe, jare ïru mbɨte rupi ojota Ɨguasu Mediterráneo pe, kuaraɨ guasu iara pe jare iroɨ guasu iara pe.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

NÚMEROS 20:11

Jayave Moisés oupi ipo, jare oiporu ipopoka ɨ̈vavira re mókoi ye rupi, jare oë jeta ɨ, jare opaete vae oɨu jare jɨmba reta.

San Mateo 11:5

Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omanogüe vae reta oikove ye. Jare iparavete vae reta pe oñemoërakua ñee ikavi vae.

San Mateo 12:22

Jayave güeru reta Jesús oïa pe metei kuimbae jesambae, iupa, aña oya jese vae. Jare Jesús ombogüera. Jökorai jókuae kuimbae omae jare imiari.

San Mateo 21:14

Jare yogüeru Jesús oïa pe tupao pe jesambae vae reta jare iköcho vae reta, jare jae ombogüera reta.

San Lucas 1:64

Jare jupiveiño Zacarías ipuere omoë ye iñee. Jare imiari chupe reta omboete reve Tumpa.

San Lucas 11:14

Metei ara Jesús ombosɨrɨ oï metei kuimbae güi aña oporomboupa vae. Jare aña osɨrɨ ma chugüi yave, jókuae kuimbae imiari. Jare jeta vae joko pe ñogüɨnoi vae ipɨakañɨ.

Hechos 3:2

Jare ïru vae reta güeru ara ñavo metei kuimbae oguatambae oa ramo güive vae oñono tupao jöke pe, Öke Pöra jee vae pe, oyerure vaerä mbae re tupao pe oike vae reta pe.

Hechos 8:7

Echa jeta okuera aña reta oya jese vae reta; täta jäse reve osɨrɨ reta. Jare jeta okuera jete jëogüe vae jare oguatambae vae reta.

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.