ISAÍAS 35:5 - Biblia Guarani Tumpa Iñee

⁵ Jayave, jesambae reta omaeta, iyapɨsambae reta oenduta;

ISAÍAS 35:5 ပူးပေါင်းရင်းမြစ်များ

JOB 33:16

Jayave ko Tumpa oenduka iñee kuimbae pe, oechauka chupe oyavɨgüe jare okɨɨye,

SALMOS 146:8

omomae jesambae vae reta, omopüa ogüɨapi vae reta, oaɨu jupi rupi yogüɨreko vae reta.

ÉXODO 4:11

Jare yandeYa omboyevɨ ñee chupe: —¿Kia pa omee kuimbae iyururä? ¿Kia pa oyapo iñeembae jare iyapɨsambae? ¿Kia pa oyapo jesa vae jare jesambae? ¿Cheä pa ayapo?

PROVERBIOS 20:12

Yandeapɨsa, mbae oendu vae, yanderesa mbae oecha vae; kuae reta yandeYa jembiapo päve ko.

ISAÍAS 29:18

Jókuae ara, oendumbaese vae reta oenduta, tembikuatía oyemongeta chupe reta yave, jare jesambae vae reta oechata.

ISAÍAS 42:16

Jesambae reta arajata tape, jae reta oikuaambaea rupi, jae reta japerä rupi pɨtumimbi amoembipeta, tape pɨ̈chɨi vae ambokavita. Kuaekuae, ayapota chupe reta, mbaetɨta aeya reta jae aeño.

ISAÍAS 42:18

“Iyapɨsambae reta, peendu, jesambae reta, pemae peecha vaerä.

ISAÍAS 43:8

Pembou tëta chembae vae, oime tëi jesa, ërei jesambae rami, oime tëi iyapɨsa, ërei iyapɨsambae rami.

ISAÍAS 48:8

Nde mbaetɨi ko reendu kuae regua, jare mbaetɨi reikuaa, echa ndeapɨsa oyeokenda avei oiko. Che rokuaa ko nde mbaetɨ jupi, ndei rea güive voi ma rombojee ‘ipɨarai vae’ pe.

ISAÍAS 50:4

YandeYa Tumpa omee cheve chepoki vaerä chemiari, ambopɨakatu vaerä ikangɨ vae reta, ñee ñemoäta ngatu pegua pe. Ndeimbove ñavo jae chemomba, jare ayeapɨsaka jese chepɨakatu reve kavi.

ISAÍAS 50:5

YandeYa Tumpa omee arakuaa katu cheve, jare mbaetɨ ayembopɨapochɨ, mbaetɨ ayerova ye cheraɨkue kotɨ chugüi.

JEREMÍAS 6:10

Che jae: “¿Kia pa oenduta cheñee, amoërakua yave kuae re? Oyeapete ko oï iyapɨsa reta, cheYa, mbaetɨ ipuere oendu reta, oyóyai yoyaiño ko neñee reta, mbaetɨ oaɨu reta iyeupe.

San Mateo 12:22

Jayave güeru reta Jesús oïa pe metei kuimbae jesambae, iupa, aña oya jese vae. Jare Jesús ombogüera. Jökorai jókuae kuimbae omae jare imiari.

San Mateo 21:14

Jare yogüeru Jesús oïa pe tupao pe jesambae vae reta jare iköcho vae reta, jare jae ombogüera reta.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

San Juan 11:37

Ërei amogüe vae jei: —Kuae ombogüera jesambae vae, ¿ipuereä ra oyapo mbae agüɨye vaerä tëi omano Lázaro?

San Juan 9:39

Jayave Jesús jei: —Ayu ko ɨvɨ pe amboyao vaerä oyougüi ɨvɨ pegua reta. Ipuerembae omae vae reta omae vaerä, jare ipuere omae vae reta agüɨye vaerä oecha.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Efesios 5:14

Jáeramo Tumpa jei: “Esareko mo, nde reke vae. Epüa ye omanogüe vae reta ipɨte güi, jare Cristo ndemboesapeta.”