ISAÍAS 35:1 - Biblia Guarani Tumpa Iñee

¹ Toyerovia ñuu, ɨvɨ ipombae vae; tijokɨ ñana jare tipotɨ,

ISAÍAS 35:1 ပူးပေါင်းရင်းမြစ်များ

SALMOS 48:11

¡Toyerovia yae ɨvɨtɨ Sión! ¡Toyerovia tëta guasu reta Judá pegua reta, jupigüe reyapo vae re!

SALMOS 96:12

¡Toyerovia kaa reta jare opaete pɨpegua reta! ¡Tosapúkai oyerovia güi opaete ɨvɨra reta ñana rupigua,

SALMOS 97:8

CheYa Tumpa, Sión jare tëta reta Judá pegua oyerovia yae mborookuai remee vae re;

CANTARES 2:1

Che ko jae mbaepotɨ ɨvɨpe kavi Sarón pegua, ɨvɨtɨ päu ipe kavi vae reta rupi tüpa-ɨpɨ ipotɨ rami.

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 27:10

Echa tëta guasu jëguambae vae opa oyemboai, opɨtata o oyeeyagüe rami, ñuu ipombae rami, mɨmba reta ikaruarä, jokoropi okaruta jare oyapakuata oputuu.

ISAÍAS 27:6

Outa oväe metei ara Jacob iñemuña reta oyembojapo vaerä, Israel iñemuña reta jokɨ pɨau yeta jare ipotɨta, jare ia omotɨnɨeta opaete ɨvɨ.

ISAÍAS 29:17

Líbano, oyepoepɨta ete ma ɨvɨ kavirä, jare ɨvɨ kavi oyepoepɨta kaarä.

ISAÍAS 35:6

iköcho vae reta oporiseta guasukaka rami, jare iupa vae reta osapukaita oyerovia güi. Echa ñuu güi, ɨvɨ otini yae vae güi oëta jeta ɨ osɨrɨ vae.

ISAÍAS 4:2

Jókuae ara, yandeYa ombojokɨta vae, ipörata jare imboetea yaeta, Israel pe jembɨreño vae reta peguarä; jare ɨvɨ pe yagüɨyeta vae, imboetea yaeta jare tuichagüe yaeta, Israel pe jembɨreño vae reta peguarä.

ISAÍAS 40:3

Ñeeäta oyeendu ñuu pe körai: “Peñono kavi tape yandeYa pe; pembosɨmbi tape ñaneTumpa pe, tapembaea rupi.

ISAÍAS 42:11

Toyerovia ñuu reta jare pɨpegua tëta guasu reta, Cedar iñemuña reta jëta raɨ raɨ rupi. Totairari Sela pegua reta oyerovia güi, tosapúkai reta ɨvɨtɨ reta iyapɨte güi.

ISAÍAS 43:19

mase, ko ayapota mbae ipɨau vae, jare peechata añave voi. Aipea yeta tape ñuu rupi, jare ɨvɨ otini vae rupi ɨ̈aka reta.

ISAÍAS 51:3

Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

ISAÍAS 6:11

Jare che jae chupe: “¿Kërai yave regua pa cheYa?” Jare jae jei cheve: “Tëta guasu reta opa oyemboai regua, ipombae opɨta regua; o reta ipombae opɨta regua, jare ɨvɨ ipombae opɨta regua,

ISAÍAS 7:21

Jókuae ara rupi, metei ñavo vae güɨnoita metei guaka jare mókoi vecha,

EZEQUIEL 36:35

Jei retata: Kuae ɨvɨ ipombae oikose vae, añave oyeapo kó raɨ Edén pegua rami; tëta guasu reta oyemboai jendagüeño opɨta vae, añave oñemopüa pɨau ye jare yogüɨreko ye ma pɨpe vae.