ISAÍAS 34:3 - Biblia Guarani Tumpa Iñee

³ Jare jókuae tëogüe reta opaiñota oyemombo, iine yaeta otimbo, jare tugüɨ osɨrɨta ɨ rami ɨvɨtɨ rupi.

ISAÍAS 34:3 ပူးပေါင်းရင်းမြစ်များ

ISAÍAS 10:4

Che mbaetɨ yave aï pe ndive, peñemomichiukata tembipɨɨ reta ndive, jare pemanota oyeyukauka vae reta ndive. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 34:7

Omano retata mɨmba búfalo jee vae rami, jare toro reta jare toro taɨrusu vae reta rami, jare iɨvɨ ñakɨ̈ta tugüɨ pe, jare ɨvɨkúi oñemonata mbaekɨra pe.

ISAÍAS 66:24

Yogüeruta oecha reta, kuimbae reta oyembopɨapochɨ chekotɨ vae reta jëogüegüe. Echa taso reta jou jetegüe vae mbaetɨta omano, jare mbaetɨta vi ogüe tata, ókai reta ñogüɨnoi pɨpe vae. ¡Yavaete yaeta oyekuaa reta opaete vae pe!”

JEREMÍAS 22:19

Mburika omano ramiñota oyapo reta; ombotɨrɨrɨta güɨraja omombo, Jerusalén güi ikatu pe.”

JEREMÍAS 25:33

YandeYa oyukauka jókuae ara vae, oñemoaita ɨvɨ jembeɨ güive ïru jembeɨ pe. Ngaraa etei kia oyaeo jese reta vae, mbaetɨta kia güɨraja jetegüe oñotɨ vae; oñemoaita opɨta ɨvɨ rupi tepoti rami.

EZEQUIEL 14:19

Ani ambou yave mbaerasɨ ovakatu vae reta jókuae ɨvɨ pe, jare aitɨ yave chearasɨ jese amokañɨtei vaerä opaete vae reta jare mɨmba reta,

EZEQUIEL 32:4

Rogüɨnoeta ɨ güi, ropɨsota roeya ɨvɨ re. Ambouta güɨra reta ogüeyɨ nderé, jare mbaeporou reta jɨ̈vɨatata nderé.

EZEQUIEL 35:6

Jáeramo che Tumpa jae cheyé aeño: Romeeta mano ipo pe, jare mano neraɨkuemoñata; echa mbaetɨ reipoɨu reporoyuka, jáeramo jae tandemboai.

EZEQUIEL 38:22

Che aiporaraukata chupe reta mbaerasɨ ovakatu vae, manoɨvɨ, jare amongɨta jese jare isundaro reta re ama ɨvɨtuai reve, amandau, tata azufre ndive vae.

EZEQUIEL 39:11

Jókuae ara rupi ameeta Gog jɨvɨa jendarä ɨvɨ Israel pe, ɨvɨtɨ päu ipe kavi vae, kuaraɨ oëa kotɨ oï ɨguasu güi vae, oyopiata oguatagüe reta jape, echa joko pe oñotɨ retata Gog jare opaete oñemoïru jae ndive vae reta jëogüegüe; jare jókuae ɨvɨtɨ päu ombojee retata Hamón-gog.

EZEQUIEL 39:4

Nde, ndesundaro reta jare tëta reta oñemoïru nde ndive vae, opata pemano ɨvɨtɨ reta Israel pegua re; pomeeta oipotagüe uruapúa reta jare mɨmba pochɨ vae reta jembiurä.

JOEL 2:20

Tuku reta ɨvɨtuguasu kotɨ güi yogüeru vae, opata amondo ñuu kotɨ; jenonde yogüɨraja vae reta opata aitɨ Iguasu Jembochɨ vae pe, jare taɨkue yogüɨreko vae reta íguasu Mediterráneo jee vae pe; jare jetegüe opata juumbi jare iineta. ¡Echa ayapota mɨakañɨ tuichagüe!”

AMÓS 4:10

“Ambou peve mbaesusere reta yavaetegüe Egipto pe rami; ayukauka petaɨrusu reta kɨsepuku pe, jare perovaicho opa opɨ̈ro pekavayu reta pegüi; peïru reta ñeraro pe omanogüe iine aëtuuka tëi peve, ¡ërei mbaetɨ peyerova ye chekotɨ!” Jei yandeYa.

NAHUM 3:3

¡Kavayu regua reta oporepeña! ¡Kɨsepuku jembipe, mii overa! ¡Jetagüe ipere, jetagüe omano! ¡Jeta yeyé tëogüe! ¡Tëogüe re ipɨ̈sa yeyuka vae!

Apocalipsis 14:20

Jare jókuae uva oñetɨamía oï tëta guasu güi ikatu pe, joko pe oñetɨami uva. Jare jókuae uva oñetɨamía güi oë tugüɨ, jare oupitɨ kavayu reta iyayu rupi jare osɨrɨ tresciento kilómetro rupi.