ISAÍAS 34:2 - Biblia Guarani Tumpa Iñee

² Echa yandeYa iyarasɨ oï opaete tëtaguasu reta kotɨ, jare opaete sundaro reta kotɨ, opata omboai, opata omee mano pe.

ISAÍAS 34:2 ပူးပေါင်းရင်းမြစ်များ

SALMOS 2:5

Jaɨkue rupi jae omomiari iyarasɨ reve, iyarasɨ pe omongɨɨye.

ÉXODO 8:14

Jare omboatɨ mboatɨ etei reta pïte jëogüegüe, jare iine yae otimbo opaete ɨvɨ rupi.

ISAÍAS 10:5

Echa Tumpa jei: “¡Tëtaguasu Asiria! Jae ko popoka ɨvɨra pegua aporonupa pɨpe chearasɨ yave vae, ipo pe añono chearasɨ.

ISAÍAS 13:5

Matɨ güi yogüeru reta, matɨ ɨvɨ iyapɨ kotɨ güi, yandeYa güeru iyarasɨ pegua jembiporu reta, opa vaerä omboai ɨvɨ.

ISAÍAS 13:6

Peräse peyaeo, echa oväeta ma yandeYa iporojäa iara, Imbaepuere yae ete vae iporomokañɨtei ko.

ISAÍAS 26:20

Cherëtaɨgua reta, peike pero pe, jare peyokenda öke peike yave. Peñemi räri joko pe, yandeYa iyarasɨ oasa regua.

ISAÍAS 30:25

Ou oväe jókuae yeyuka guasu iara yave, jare oa tëta guasu jëguambae reta yave, oimeta jeta ɨ ɨvɨtɨ guasu reta rupi.

ISAÍAS 61:2

amoërakua vaerä yandeYa ipɨakavi iara ou ma oväe vae, jare ñaneTumpa oyepɨ vaerä iara ou ma vae regua; ambopɨakatu vaerä mbɨatɨtɨ pe ñogüɨnoi vae reta;

ISAÍAS 63:6

Chearasɨ rupi opaetei amboai tëtaguasu reta, opa amboai reta chearasɨ rupi, jare jugüɨ apɨyere chugüi reta ɨvɨ rupi, jei yandeYa.

ISAÍAS 65:12

che pomeeta pemano ñeraro pe, opaete pe reta peyetavatɨkata peäka oyeasɨa vaerä. Echa poenɨi tëi, ërei mbaetɨ pemboyevɨ cheve; pomomiari tëi, ërei mbaetɨ peendu cheve; peyapo ikavimbae cheróvai, peiparavo peyeupe, mbaetɨ etei ipöra cheve vae.”

ISAÍAS 66:14

Peechata jare oyeroviata pepɨa, jare perete, ñana jokɨ pɨau vae ramita. YandeYa oechaukata imbaepuere, jembiokuai reta pe, ërei oechaukata iyarasɨ, jovaicho reta pe.

ISAÍAS 66:16

YandeYa ojäata opaete kuimbae reta tata rupi, jare kɨsepuku rupi; jeta yaeta omano vae.

JEREMÍAS 25:31

Jɨapugüe oyeenduta ɨvɨ iyapɨ kotɨ, echa yandeYa ojäata tëtaguasu reta, oenɨita ojäa vaerä opaete vae reta, omeeta jupimbae reta mano pe. Jei yandeYa.’ ”

JEREMÍAS 25:32

YandeYa Imbaepuere yae ete vae jei: “Susere yavaetegüe outa ma oväe, tëtaguasu reta ñavo rupi ojota; ama ɨvɨtuai reve tuichagüe opüata ɨvɨ iyapɨ kotɨ güi.”

JEREMÍAS 25:33

YandeYa oyukauka jókuae ara vae, oñemoaita ɨvɨ jembeɨ güive ïru jembeɨ pe. Ngaraa etei kia oyaeo jese reta vae, mbaetɨta kia güɨraja jetegüe oñotɨ vae; oñemoaita opɨta ɨvɨ rupi tepoti rami.

EZEQUIEL 36:5

yandeYa Tumpa jei körai: Chearasɨ yae cherägüɨro reve amoë cheñee ïru tëtaguasu reta kotɨ, jare opaete Edom pegua reta kotɨ, echa cheɨvɨ re oyemombae reta oyerovia reve, jare omotareɨ yae reve güɨnoe reta joko güi mbaagüɨye.’

SOFONÍAS 3:8

Jáeramo, cheräro pe reta, ayuta metei ara pojäa. Che, peYa ko jae jökorai: Ayemongeta amboatɨ vaerä tëtaguasu reta jare mborookuaía reta aitɨ vaerä jese reta chearasɨ, chearasɨ yavaetegüe. ¡Cherägüɨro jeko pegua chearasɨ yaeta, opaeteita amboai kuae tëtaguasu reta!

ZACARÍAS 14:3

Jaɨkue rupi yandeYa oëta jare oñerarota jókuae tëtaguasu reta ndive, ñeraro iara pe oñoraro rami.

Romanos 1:18

Tumpa iyarasɨ oyekuaa ara güi opaete jupimbae vae reta kotɨ jare ikavimbae vae oyapo vae reta kotɨ. Echa jae reta omboavai añete vae, ikavimbae vae oyapo reta vae rupi.

JOSUÉ 11:20

echa yandeYa omotäta kuae tovaicho reta ipɨa, jovaicho pota vaerä Israel iñemuña reta re, Israel iñemuña reta opa vaerä omboai, agüɨye vaerä mboroparareko güɨnoi jese reta, yandeYa oyókuai Moisés rami.

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.

Apocalipsis 20:9

Jare yogüeru opaete Israel pegua reta iɨvɨ rupi jare oñova jókuae tëta guasu Tumpa oaɨu vae, oñeñono tee Tumpa peguarä vae reta yogüɨrekoa. Ërei Tumpa ombou tata ara güi, jare opaetei oapɨ reta.