ISAÍAS 34:16 - Biblia Guarani Tumpa Iñee

¹⁶ Pemongeta yandeYa iñee reta oyekuatía oï vae, emongeta, oime ra oata mbae nunga mɨmba; mbaetɨ metei pe ave oata iñeïrurä, echa yandeYa ko jei jökorai, iEspíritu etei ko opata omboatɨ.

ISAÍAS 34:16 ပူးပေါင်းရင်းမြစ်များ

GÉNESIS 6:17

Aruta ɨporu guasu ɨvɨ re, amokañɨtei vaerä opaete oikove kuae ara igüɨ pe vae reta. Jökorai opaete vae omanota.

SALMOS 33:6

YandeYa oyapo ara reta iñee peño, ipɨ̈túe peño oyapo opaete ara ipo reta.

SALMOS 33:9

Echa jae jei vae, opaete oyeapo; omee mborookuai vae, jökorai oiko.

PROVERBIOS 23:12

Eñono ndepɨa mboromboe kotɨ, jare ndeapɨsa reta ñee arakuaa pegua kotɨ.

ISAÍAS 1:20

ërei ngatu mbaetɨ yave pekɨ̈reɨ, jare peyembopɨapochɨ chekotɨ yave, opata ko pemano ñeraroa pe.” Echa yandeYa etei ko jei jökorai.

ISAÍAS 14:31

¡Neräse tëta guasu jöke, pesapúkai, tëta guasu reta Filistea pegua! Echa ɨvɨtuguasu kotɨ güi outa tätati rami sundaro reta; chugüi reta mbaetɨta metei ave ipɨtu vae.

ISAÍAS 21:17

Jare mbovɨ yaeta jembɨre Cedar pegua, uvɨ regua jëia yae vae reta.” Echa yandeYa Imbaepuere yae ete vae, Israel iTumpa ko jei jökorai.

ISAÍAS 30:8

Jayave eikuatía añave, kuae mbaembae oasata vae metei ɨvɨra oyemboipegüe re, eikuatía eñono metei tembikuatía pe, kuri peguarä, oporomomaendúa avei vaerä, jekuae avei rupi.

ISAÍAS 40:26

Perovaɨva pemae ara kotɨ: ¿Kia pa oyapo opaete jókuae mbaembae reta? Jae ko oipapa jare oñono jenda pe kavi kavi, ombojee metei ñavo, ngaraa metei ave oata. Jökorai ko imbaepuere yae jare ipɨ̈rata yae.

ISAÍAS 40:5

YandeYa omboyekuaata iyemboetea, jare opaete kuimbae reta oecha päveta. Echa yandeYa etei ko jei.”

ISAÍAS 58:14

Jökorai yave reväeta cheré yerovia katu, jare ameeta reiko vaerä tenondeguarä ndeɨvɨ pe. Ameeta reyekou neñemuñagüe Jacob imbaeyekou re.” Che ndeYa etei jae kuae.

DANIEL 10:21

Añave amombeu kavita ndeve tembikuatía añetete vae pe oyekuatía oï vae: Jae reta ndive añeraro yave jaeño chemborɨ araɨgua Miguel, mburuvicha tenondegua ete ɨvɨ Israel pegua.

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

ZACARÍAS 4:6

Jayave jei cheve: “Kuae ko jae yandeYa iñee Zorobabel peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.

MALAQUÍAS 3:16

(Jayave yandeYa güi oipoɨu vae reta imiari oyoupe; yandeYa oyeapɨsaka jese jare oendu. Kuae reta jee oyemboguapɨ yandeYa jóvai metei tupapire pe, yandeYa güi oipoɨu vae reta jare omboete vae reta regua.)

San Mateo 5:18

Añete che jae peve, ara jare ɨvɨ oiko ramboeve ngaraa oyemboai metei kuatía michi yae vae ani yeai ave yepe Moisés iporookuai güi ndei opaete oyembopo mbove.

San Lucas 21:33

Ara jare ɨvɨ opata ko, ërei cheñee ngaraa opa.

San Juan 10:35

Echa Tumpa iñee ou chupe reta vae pe, jae etei ombojee tumpa reta vae. Jare Tumpa Iñee pe oyekuatía oï vae añete ko.

San Juan 5:39

Pe reta peyemboe kavi Tumpa Iñee re. Echa peyemongeta pɨpe peväeta tekove opambae vae. Ërei jae ko imiari cheregua.

DEUTERONOMIO 31:21

Ërei ou ma jeta ikavimbae jare mbɨatɨtɨ chupe reta yave, jayave kuae tairari jeita chupe reta etei cheregua, echa iñemuña reta imaenduata jese jare otairari retata; echa che aikuaa voi ma iyemongeta ndei aroike reta mbove jókuae ɨvɨ pe.”

JOSUÉ 1:8

Agüɨye embosɨrɨ ndeyuru güi kuae mborookuai, ara pe jare pïtu yave eyemongeta jese, reyapo jare reñovatu vaerä opaete oyekuatía oï pɨpe vae; echa jayave oë kavita ndeve opaete mbaembae reyapo vae.

2 Pedro 1:19

Ñanoi vi ñeemombeúa reta omoërakua vae, jókuae re perovia vae ikavi yae ko. Jókuae ñee ko metei mechero omoembipe pɨtumimbía pe rami köe regua, yasɨtata köembiya omoembipe pepɨa pe regua;