ISAÍAS 33:8 - Biblia Guarani Tumpa Iñee

⁸ Tape reta opa oñererokomegua, mbaetɨ kia oguata jupi vae, mbaetɨ mboromboete morogüɨrökuavee päve oyeapogüe re, güɨröɨro reta, mbaetɨ mboromboete kia peguarä ave.

ISAÍAS 33:8 ပူးပေါင်းရင်းမြစ်များ

SALMOS 10:5

Oyapogüe oë kavi avei chupe. Neporojäa reta güi oñemoakañɨ etei ko; omotareɨ opaete jovaicho reta.

ISAÍAS 24:5

Ɨvɨ opa oikomegua pɨpe yogüɨreko vae reta jeko pegua, echa mbaetɨ oyapo reta Tumpa iporookuai, mbaetɨ oendu reta mborookuai reta jei vae, oyavɨ reta morogüɨrökuavee päve opambae vae kotɨ.

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 36:1

Ezequías, catorce año ma oiko mburuvicha guasurä Judá pe yave, Senaquerib mburuvicha guasu Asiria pegua ou oporepeña opaete Judá pegua tëta guasu reta oñekëse kavi vae re, jare opa opɨ̈ro.

LAMENTACIONES 1:4

¡Sión kotɨ tape reta ojo vae kïrii ngatu mbɨatɨtɨ jeko pegua! ¡Mbaetɨ etei kia ou arete reta mbaemboete pegua pe vae! Tëta guasu öke reta opaetei oyemboai, isacerdote reta oyaeo, ikuñatai reta ipɨatɨtɨ, jare Jerusalén ipɨatɨtɨ yae vi.

LEVÍTICO 26:22

Ambouta peve mbaeporou reta, peraɨ reta jare perɨmba reta omokañɨtei vaerä, mbovɨ yae pepɨtata, mbaetɨta kia oguata tape rupi peɨvɨ pe.

JUECES 19:17

Jókuae ndechi oecha yave oguata oiko vae tëta guasu joka pe, oparandu chupe: —¿Ketɨ güi pa reyu, jare ketɨ pa reo?

JUECES 5:6

Samgar, Anat taɨ iara pe, jare Jael iara pe, oguata vae reta oeya jape, oguata jupi vae, jare oguata reta tape ikavimbaea rupi;

1 SAMUEL 17:10

—Jare jókuae filisteo jei ye—: “¡Che ayapo añave kuae pomboarasɨ vaerä! ¡Pembou cheve metei kuimbae oñoraro vaerä che ndive!”

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?