ISAÍAS 33:5 - Biblia Guarani Tumpa Iñee

⁵ YandeYa ko tuicha vae, echa ara pe oiko; jae ko opa omotɨnɨe Sión isɨmbi vae pe jare mbaejupi pe,

ISAÍAS 33:5 ပူးပေါင်းရင်းမြစ်များ

SALMOS 118:16

¡YandeYa imbaepuere tuicha yae ko! ¡YandeYa imbaepuere oporomoamɨri!”

SALMOS 123:1

CheYa, cherovaɨva amae ndekotɨ, nde, ara pe reiko vae kotɨ.

ÉXODO 15:1

Jayave Moisés jare Israel iñemuña reta otairari yandeYa pe körai: “Che tatairari yandeYa pe, echa oyemboyekuaa kërai jae tuicha yae ete ko; opa omopɨ̈tupa ɨguasu pe kavayu jare kavayu regua reta.

ÉXODO 15:6

CheYa, ndepo ndeakatu kotɨgua omboyekuaa ndembaepuere, ndepo ndeakatu kotɨgua omoamɨri tovaicho reta.

ÉXODO 18:11

añave aikuaa yandeYa tuicha yae ete ko opaete ïru tumpa reta güi vae; echa ipɨayemboete pekotɨ vae reta re oechauka imbaepuere.

ISAÍAS 12:4

Jókuae ara rupi petairarita körai: “Pemee yasoropai jare peyerure yandeYa pe, pemoërakua tëtaguasu reta pe, jae mbaembae oyapogüe, pemomaendúa jae ko tuicha yae vae.

ISAÍAS 2:11

Ipɨayemboete vae reta iñäkatindɨta opɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 2:17

Ipɨayemboete vae reta iñäkatindɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 26:1

Jókuae ara otairari retata kuae tairari ɨvɨ Judá pe: “Ñanoi tëta guasu jëguambae, yandeYa yandereepɨ vaerä oñono tëta guasu ikësea, omboyokupe oñono.

ISAÍAS 28:6

jare oporojäa vae reta ipɨa pe oñonota jupi vae, jare sundaro reta oepɨ tëta guasu vae pe omeeta mɨ̈rata.

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 32:1

Mase, oimeta metei mburuvicha guasu sɨmbi rupi kavi oporookuai vae, jare iyɨvɨrigua mburuvicha reta jupi rupi kavi oporookuaita vi.

ISAÍAS 33:10

YandeYa jei: “Añave apüata; añave aechaukata chembaepuere tuicha yae vae.

ISAÍAS 33:4

jovaicho reta tuku jeta vae rami oporepeña jese reta, opaetei imbaeyekou oitɨvɨro chugüi reta, taso okaru vae rami.

ISAÍAS 37:20

Añave, oreYa Tumpa, orereepɨ jókuae mburuvicha ipo güi, opaete tëtaguasu reta oikuaa vaerä, ndeño ko jae oreYa Tumpa añetete vae.”

ISAÍAS 5:16

YandeYa Imbaepuere yae ete vae oyembotuichaukata iporojäa rupi; Tumpa Iyoambae oechaukata iyoambae ko vae, jupi vae oyapogüe rupi.

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 56:1

YandeYa jei körai: “Peyapo jupi vae, peyapo sɨmbi vae, echa köiño ma ou cheporoyora; amboyekuaa vaerä chembaepuere, cheporogüɨroasayepe.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 61:11

Echa ɨvɨ pe jokɨ ɨvɨra, jare kó raɨ pe jokɨ pɨau temitɨ vae rami ko, jökorai yandeYa Tumpa oyapota jupi vae, jare opaete tëtaguasu reta otairarita ombaemboete.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

ISAÍAS 66:1

YandeYa jei körai: “Ara ko jae cheguapɨa jenda, jare ɨvɨ ko jae chepɨ jenda; jayave, ¿ketɨ pa pepuereta peyapo cherorä?, jare ¿ketɨ pa peñonota cheputuúa rendarä?

JEREMÍAS 23:5

YandeYa jei: “Mase, oväeta ara amopüa vaerä David iñemuña güi, metei jupi vae, jae oikota mburuvicha guasurä yarakuaa katu reve, jare jae ikavi yaeta, jare oyapota morojäa jare jupi vae kuae tëtaguasu pe.

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

JEREMÍAS 31:23

YandeYa Imbaepuere yae ete vae Israel iTumpa jei: “Aru ye ma Judá pegua reta tembipɨɨ güi iɨvɨ pe, jare yogüɨreko ye ma pɨpe yave, jei retata kuae ñee: ‘¡YandeYa tiporerekua kuae ɨvɨtɨ oñeñono tee jare jupigüe oyeapo pɨpe vae re!’

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

Romanos 11:26

kuae oyeapo güire, opaete Israel pegua reta omboasata, oyekuatía oï rami, echa jei: “Sión güi outa Oporoepɨ vae, jae ombosɨrɨta Jacob iñemuña reta güi imbaeyoa reta.

Romanos 3:26

omboyekuaa vaerä imbaejupi añave, echa jae ko jupi vae jare ombojupi Jesús re güɨrovia vae.