ISAÍAS 33:24 - Biblia Guarani Tumpa Iñee

²⁴ Sión pegua reta ngaraa ma jei: “Chembaerasɨ aï.” Tumpa iñɨ̈rota opaete iyoa re chupe reta.

ISAÍAS 33:24 ပူးပေါင်းရင်းမြစ်များ

2 CRÓNICAS 30:20

Jare yandeYa oendu Ezequías iyerure jare iñɨ̈ro opaete vae pe.

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ISAÍAS 1:5

¿Maera pa jekuaeñoi peipota peiporara? ¿Jekuaeñota pa peyembopɨapochɨ? Opaetei peäka imbaerasɨ oï, jare opaetei pepɨa pe peiporara peï.

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

ISAÍAS 40:2

pemiari kavi mboroaɨu ndive Jerusalén ndive; pesapúkai reve pere chupe, kërai oiporara vae iyapɨta ma, iyoa re cheɨ̈ro ma chupe; echa aiporarauka yae ma chupe reta, opaete iyoa reta re.”

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

ISAÍAS 58:8

Jayave, reyekuaata tembipe omboesape köembipe yave vae rami, jare ndepere okuerata jarembae pegua, jupi vae oikota nde ndive, ndeYa Tumpa oikota nderaɨkue ndeangareko vaerä.

JEREMÍAS 30:17

Ërei pombogüerata, aipoanota pegüi pepere reta, perovaicho reta jei tëita peve: ‘Sión oyemombo oï, mbaetɨ kia oyemoambeko jese.’ Che peYa ko jae kuae.”

JEREMÍAS 50:20

Che, peYa jae: ‘Jókuae ara Israel jare Judá oyeyorata teko jare mbaeyoa güi, echa che cheɨ̈rota, aeya tekove ndive vae reta pe.’

EZEQUIEL 16:63

Nemaenduata jare nemarata, jare ngaraa ye ma neñee remoë, nemara jeko pegua, cheɨ̈ro ma yave ndeve opaete reyapogüe re. Che ndeYa jae.”

ZACARÍAS 12:8

Jókuae ara rupi yandeYa oepɨta Jerusalén pegua; ipɨte pe oime yave kia nunga vae ipɨtu, jókuae ara ipɨ̈rata yaeta David rami; jare David iñemuña reta imbaepuereta Tumpa rami, yandeYa iaraɨgua ojo tenonde vae rami.

DEUTERONOMIO 28:27

YandeYa oitɨta peré karacha pɨ̈chɨi vae Egipto pe rami, atii, kuru jare pire jemɨi ipoanoämbae vae.

DEUTERONOMIO 7:15

YandeYa ombosɨrɨta pegüi opaete mbaerasɨ reta; jare opaete mbae ikavimbae yae vae reta; pe peikuaa Egipto pe vae ngaraa ombou peré, ërei oitɨta opaete pemotareɨ vae reta re.

Santiago 5:14

Oime yave kia pepɨte pe imbaerasɨ vae, toenɨi oporogüɨrovia vae reta itenondegua reta. Jare jae reta toñono asaite imbaerasɨ vae re yandeYa jee re, oyerure reve jese.

Apocalipsis 21:4

Jare Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.”

Apocalipsis 22:2

Jare tëta guasu ikaye mbɨte pe, ɨ̈aka jovaicho icho pe oï ɨvɨra tekove pegua. Jókuae ɨvɨra ia doce. Yasɨ ñavo ia. Jare ɨvɨra jogüe ikavi tëtaguasu reta oñepoano vaerä.