ISAÍAS 33:22 - Biblia Guarani Tumpa Iñee

²² Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 33:22 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

NEHEMÍAS 10:14

Jare tëta ruvicha reta jae: Paros, Pahat-moab, Elam, Zatu, Bani,

SALMOS 44:4

¡CheRu Tumpa, nde jae ko cheruvicha guasu! Nde reroasayepe Jacob iñemuña reta.

SALMOS 44:5

Ndembaepuere rupi romoamɨri orerovaicho reta; ¡nderee re, oporepeña orekotɨ vae reta re opa ropɨ̈ro!

SALMOS 50:6

Jare ara reta omombeuta jupi ko vae, echa Tumpa jae ko oporojäa vae.

SALMOS 74:12

Arakae güive nde Tumpa, jae ko cheruvicha guasu, ɨvɨ pe jeta reporogüɨroasayepe vae ko nde.

SALMOS 75:7

Echa Tumpa ko jae mburuvicha oporojäa vae, jae oporomomichi jare jae oporombotuicha.

SALMOS 89:18

¡OreYa Tumpa nde ko jae oreyeopiaka! ¡Oreruvicha guasu jae ko Iyoambae Israel pegua!

SALMOS 98:9

jókuae yandeYa ou oï vae pe. ¡Echa, jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare isɨmbi rupi tëta reta kuae ɨvɨ pegua!

ISAÍAS 1:10

Mburuvicha reta Sodoma pegua, peendu yandeYa iñee; mburuvicha reta Gomorra pegua, peyeapɨsaka ñaneTumpa iporookuai re.

ISAÍAS 11:4

oporojäata ko jupi rupi paravete vae reta re, oñemoëta arakuaa katu reve kavi, ipɨa omomichi vae reta re; jare iñee rupi oporonupata, iñee pe oyukata iTumpa potambae.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 16:5

David iñemuña güi metei oguapɨta mburuvicha guasurä mboroaɨu rupi. Jae ko oïta jupi rupi oporojäa vaerä, oyapota jupi vae opaete pe.

ISAÍAS 2:4

Jare oporojäata opaete tëtaguasu reta re, jare ombosɨmbita jeta vae reta jeko. Jare opata oyapo reta ikɨsepuku reta arao itïrä, jare imii reta oyapota tembiporu hozrä. Tëtaguasu reta mbaetɨta ma oñoraro, jare ngaraa ye ma oime yemboe ñeraro peguarä.

ISAÍAS 24:23

Jare yandeYa Imbaepuere yae ete vae oguapɨ mburuvicha guasurä ɨvɨtɨ Sión re, Jerusalén pe yave, yasɨ jare kuaraɨ ngaraa ma oesape, jare tëta imbae pegua tenondegua reta oecha iyemboetea.

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 33:17

Jekuae reecha yeta Mburuvicha guasu iyemboetea ikavi yae vae; jare reechata kuae ɨvɨ ipɨguasu yae ko vae.

ISAÍAS 35:4

Pere okɨɨye vae reta pe: “¡Peñemoäta ngatu, agüɨye pekɨɨye! ¡Mase, ko oï peTumpa pereepɨ vaerä, oiporaraukata tovaicho reta pe, jeko reta oï rupi; Tumpa etei outa pereepɨ vaerä!”

ISAÍAS 37:20

Añave, oreYa Tumpa, orereepɨ jókuae mburuvicha ipo güi, opaete tëtaguasu reta oikuaa vaerä, ndeño ko jae oreYa Tumpa añetete vae.”

ISAÍAS 41:21

YandeYa, Jacob iñemuña reta juvicha guasu jei: “Tumpa-raanga reta, peyu peyeepɨ, peyu peñemoë peyé.

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 49:25

Ërei yandeYa jei körai: “Ipuere ko, sundaro jëia vae güi oñepɨ̈ro mbae ñeraroa güi güerugüe, ipuere ko, tembipɨɨ otekuarai mburuvicha jëia vae güi. Che tañemoë, oñeapo nderé vae reta kotɨ, che etei aroasayepeta nemembɨ reta.

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 51:4

Peyeapɨsaka cheré tëta chembae, peendu cheñee tëtaguasu chembae: Amoërakuata cheporookuai reta, jare jókuae omboesapeta tëta reta peguarä.

ISAÍAS 51:5

Köi yae ma oï aï vaerä mburuvicharä, cheporogüɨroasayepe oyemboɨpɨ ma; chembaepuere rupi aïta mburuvicharä tëta reta re. Tëtaguasu reta ɨguasu jembeɨ rupigua cheräro ñogüɨnoi, chembaepuere re oyeko retata.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

ISAÍAS 60:16

Tëtaguasu reta omeeta ndeve tembíu ikavigüe jare mburuvicha guasu reta güeruta ndeve imbaeyekou reta; jayave peikuaata che peYa ko jae pereroasayepe vae, che, Imbaepuere yae ete vae Jacob pe vae, che ko jae ndeReepɨ vae.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Mateo 21:5

“Pemombeu Sión pegua reta pe: ‘Mase, peRuvicha Guasu ou pekotɨ. Oñemomichi vae. Opo ou mburika kuimbae taɨrusu vae re, mburikamí imembɨ re.’ ”

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Lucas 2:11

Echa kuae pɨ̈tu oa oporomboasa vae David jëta pe. Jae ko yandeYa Cristo.

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

DEUTERONOMIO 33:2

körai: “YandeYa ou Sinaí güi; Seir güi yandemboesape. Jembipe ɨvɨtɨ Parán güive jare ou jeta vae reta pe Cades pe; iyakatu kotɨ güeru yandeve mborookuai tata katuai vae.

Hebreos 5:9

Jare opaete Tumpa jei vae oupitɨ ma yave, ou opɨta yemboasa opambae vae, opaete jae jei vae oyapo vae reta peguarä;

Santiago 4:12

Meteiño ko mborookuai omee vae, jae ipuere oporomboasa jare oporomokañɨtei. ¿Ërei kia pa nde rejäa vaerä ïru vae?

Apocalipsis 19:16

Jare jemimonde re jare iu re oyekuatía oï metei tee, jae ko: “MBURUVICHA GUASU RETA JUVICHA GUASU JARE IMBAEPUERE YAE ETE MBAEPUERE GÜƗNOI VAE RETA GÜI VAE.”

1 SAMUEL 12:12

Ërei peecha oporepeña peree mburuvicha guasu Nahas Amón pegua yave, peiporu cheve peruvicha guasurä, pereroata vaerä, oime reve peYa Tumpa peruvicha guasurä.