ISAÍAS 33:21 - Biblia Guarani Tumpa Iñee

²¹ Joko pe yandeYa oïta yandeveguarä imbaepuere yae reve, ɨ̈aka ipɨguasu vae oime joko pe ramita, ërei ngaraa oporepeña jokoropi tovaicho reta, ibarco pe ani ibarco tuicha yae vae pe ave.

ISAÍAS 33:21 ပူးပေါင်းရင်းမြစ်များ

SALMOS 29:3

YandeYa iñee oyeendu ɨguasu iárambo, Tumpa iyemboetea vae jɨapu; ¡yandeYa oï ɨguasu reta iárambo!

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 33:17

Jekuae reecha yeta Mburuvicha guasu iyemboetea ikavi yae vae; jare reechata kuae ɨvɨ ipɨguasu yae ko vae.

ISAÍAS 41:18

Ɨvɨtɨ reta rupi aipeata ɨ̈aka, jare ɨesaɨ reta ɨvɨtɨ päu ipe kavi vae rupi; ñuu rupi aipeata ɨupa reta, jare ɨvɨ otini vae rupi ɨ̈aka raɨ reta.

ISAÍAS 43:19

mase, ko ayapota mbae ipɨau vae, jare peechata añave voi. Aipea yeta tape ñuu rupi, jare ɨvɨ otini vae rupi ɨ̈aka reta.

ISAÍAS 43:20

Chemboeteta mbaeporou kaa rupigua reta, aguarayaɨmba reta jare yandu raɨ reta, echa amoëta ɨ ñuu rupi, jare ɨvɨ otini vae rupi aipeata ɨ̈aka reta, oɨu vaerä tëta chembae vae, cherembiparavo,

ISAÍAS 48:18

¡Reyeapɨsaka mona cheporookuai re yave! Ɨ omboɨpɨ tuicha vae ramita tëi ko, reiko kavi vae omboɨpɨta tëi ko tuicha, ani ɨguasu iɨaparúa ramita tëi ko.

ISAÍAS 66:12

Echa che peYa, körai ko jae: “Ko aru jese mbɨakatu, ɨ̈aka pe ɨ ou oväe rami, jare tëtaguasu reta imbaeyekou reta, ɨ̈aka pe ɨ jembeɨ oyepɨyere rami. Jae reta pemongaruta jare pereruta iyɨva re, jare täpapau pe pemboyaru yaru retata.

ZACARÍAS 2:9

Mase, ko chepo añono jese reta, jembiokuai ae reta opɨ̈rota imbaembae reta chugüi.” Jökorai peikuaata yandeYa Imbaepuere yae ete vae ko chembou.

NÚMEROS 23:21

Mbaetɨi oecha ikavimbae jare yembotavɨ Israel iñemuña reta re. YandeYa Tumpa oime oï jae reta ndive. Jare jae reta osapúkai omboete mburuvicha guasu rami.

Hechos 7:2

Jayave Esteban jei joko pe ñogüɨnoi vae reta pe: —Tëtara reta, tëta guasu itenondegua reta, peyeapɨsaka cheré: Tumpa imboetea yae vae oyekuaa ñaneñemuñagüe Abraham pe, Mesopotamia pe oiko yave, ndei oiko Harán pe mbove.

DEUTERONOMIO 23:15

Metei tembiokuai otekuarai yave iya güi jare ojo oiporu peve oñepɨ̈ro vaerä peré yave, agüɨye pemee ye iya pe.