ISAÍAS 33:17 - Biblia Guarani Tumpa Iñee

¹⁷ Jekuae reecha yeta Mburuvicha guasu iyemboetea ikavi yae vae; jare reechata kuae ɨvɨ ipɨguasu yae ko vae.

ISAÍAS 33:17 ပူးပေါင်းရင်းမြစ်များ

2 CRÓNICAS 32:23

Jare jeta güeru reta Jerusalén pe mbota yandeYa pe vae, jare vi mbota jepɨ vae Ezequías mburuvicha guasu Judá pegua pe. Jókuae güire Ezequías jërakua yae opaete ïru tëtaguasu rupi.

JOB 19:27

Che etei ko aechata, mbaetɨta kia, cheresa pe etei ko aechata. Yepe tëi chepɨ̈rata oata cheve.

SALMOS 31:8

Mbaetɨ chemee tovaicho reta ipo pe; echa cheñono jëguambaea pe.

SALMOS 45:2

¡Nde ko jae kuimbae kavi opaete kuimbae reta güi vae! ¡Ñee kavi oë ndeyuru güi! Jáeramo, Tumpa iporerekua nderé jekuae avei pegua.

CANTARES 5:10

Che aaɨu vae ko ipireyu, ikañɨmaa jeta yae vae reta ipɨte pe.

ISAÍAS 24:23

Jare yandeYa Imbaepuere yae ete vae oguapɨ mburuvicha guasurä ɨvɨtɨ Sión re, Jerusalén pe yave, yasɨ jare kuaraɨ ngaraa ma oesape, jare tëta imbae pegua tenondegua reta oecha iyemboetea.

ISAÍAS 26:15

CheYa, nde ko rembotuicha tëtaguasu, rembotuicha ko reyemboeteuka vaerä, rembotuicha kuae ɨvɨ jembeɨ.

ISAÍAS 33:21

Joko pe yandeYa oïta yandeveguarä imbaepuere yae reve, ɨ̈aka ipɨguasu vae oime joko pe ramita, ërei ngaraa oporepeña jokoropi tovaicho reta, ibarco pe ani ibarco tuicha yae vae pe ave.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 37:1

Jare mburuvicha guasu Ezequías oendu jókuae yave omondoro jemimonde ipɨatɨtɨ güi, oyemonde temimonde mbɨatɨtɨ pegua pe jare ou yandeYa itupao guasu pe.

ISAÍAS 6:5

Jayave jae: “¡Atataɨ, maera pa ko amanota! Echa che kuimbae iyuru ikɨa Tumpa jóvai reve, jare tëta iyuru ikɨa Tumpa jóvai vae reta ipɨte pe aiko reve aecha Mburuvicha guasu, yandeYa Imbaepuere yae ete vae.”

ZACARÍAS 9:17

Echa ikavi jare ipöra yaeta iɨvɨ. Trigo jeta vae ombovɨakatuta taɨrusu vae reta, jare uva tɨɨgüe kuñatai reta.

San Mateo 17:2

Jare joko pe oyemoambuae jae reta jóvai. Jova jembipe kuaraɨ jembipe rami, jare jemimonde tïiasɨ jembipe.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 14:21

Oyeapɨsaka cheporookuai reta re jare oyapo vae, jae ko cheraɨu vae. Jare cheraɨu vae cheRu oaɨuta, jare che aaɨuta, jare ayekuaaukata chupe.

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

2 Corintios 4:18

Jáeramo mbaetɨ romae mbaembae oyeecha vae re, romae ko mbaembae oyeechambae vae re; echa mbaembae oyeecha vae opa vae ko, ërei mbaembae oyeechambae vae ko opambae.

1 Juan 3:2

Cherɨvɨ aaɨu vae reta, añave yande ko jae Tumpa taɨ reta ma. Jare ndeiño oyekuaa kërai eteita ko yande vae, ërei yaikuaa Cristo ramita ko yande jae ou ye yave, echa yaechata jae etei.