ISAÍAS 33:16 - Biblia Guarani Tumpa Iñee

¹⁶ jókuae nunga ko oiko pɨagüive aveita, iñepɨ̈roka ɨ̈vavira katuai vae ramita, ngaraa oata chupe tembíu jare ɨ.

ISAÍAS 33:16 ပူးပေါင်းရင်းမြစ်များ

1 REYES 19:6

Jayave jae omae, jare oecha ko iñäka pe oï mbɨyape tätapɨi re oyɨgüe, jare ɨ metei ɨakua pe; jou jare oɨu, jare oke ye.

SALMOS 107:41

Jae ko güɨnoe avei paravete vae reta mbaravete güi vae; ¡jare omee jeta oñemuña reta vaerä vecha rami!

SALMOS 111:5

oipoɨu chugüi vae reta pe omee tembíu; ¡imaendúa aveita, morogüɨrökuavee päve oyapo vae re!

SALMOS 15:1

CheYa, ¿kia pa oikota ndetupao pe? ¿Kia pa oikota ndeɨvɨtɨ oñeñono tee vae pe?

SALMOS 18:33

Cheäkua cheapo guasukaka rami, chemopɨ̈rata jekuaeño ɨvatea rupi.

SALMOS 33:18

YandeYa oyangareko oipoɨu chugüi vae reta re, oäro iporoparareko re vae reta,

SALMOS 34:10

Yaguapope raɨ reta pe oata mbae jare yɨmbɨaɨ; ërei ngatu yandeYa oeka vae reta pe, ngaraa oata mbae ikavi vae.

SALMOS 37:3

Eyeko yandeYa re, jare eyapo ikavi vae; reikota ɨvɨ pe, jare jae ndeangarekota jupi rupi.

SALMOS 62:7

Tumpa re oï cheyereroasayepe jare cheyemboetea, jae ko ita guasu cheñepɨ̈roa jëguambae jare cheñemía ikavigüe.

SALMOS 90:1

OreYa, nde reiko oreve oreñepɨ̈rokarä, jekuae kuae avei rupi.

SALMOS 91:14

“Echa iporoaɨu oñono cheré ramo, che vi aepɨta; jare añonota ɨvate, echa cheré reikuaa ramo.

PROVERBIOS 1:33

ërei oyeapɨsaka cheré vae, oikota oipoɨumbae reve, oiko pɨagüiveta, okɨɨyembae reve ikavimbae güi.”

PROVERBIOS 10:9

Jupi rupi kavi oiko vae, oiko pɨagüive oiko, ërei jupimbae oiko vae, oiporarata ko.

PROVERBIOS 18:10

Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

ISAÍAS 25:4

Echa, nde ko jae paravete vae iñepɨ̈roka, nde reepɨ oiporara oï vae, okɨrai yave nde ko ñemía, araku yae yave nde ko küaraɨa. Echa kuimbae ipɨapochɨ vae reta iyarasɨ, okɨrai vae oa ovapetea re vae rami ko.

ISAÍAS 30:20

Yepe tëi yandeYa omeeta peve mbaeporara ani mbɨatɨtɨ reta; pemboe vae reta ngaraa ye ma oñemi pegüi; peecha eteita.

ISAÍAS 32:18

Jare tëta chembae vae oiko pɨagüiveta, jëguambaea pe oikota, jare oputuuta,

ISAÍAS 49:10

‘Mbaetɨta peyɨmbɨaɨ ani peɨuve yepe, araku ani kuaraɨ ave mbaetɨta peaporai, echa che poaɨu jare che ko pogüɨroatata, pogüɨrajata ɨesaɨ katuaía rupi.

ISAÍAS 58:14

Jökorai yave reväeta cheré yerovia katu, jare ameeta reiko vaerä tenondeguarä ndeɨvɨ pe. Ameeta reyekou neñemuñagüe Jacob imbaeyekou re.” Che ndeYa etei jae kuae.

JEREMÍAS 37:21

Jayave mburuvicha guasu Sedequías oporookuai Jeremías opɨta vaerä tembipɨɨ tembipɨɨrɨru joka pe, jare ara ñavo oyereraja vaerä chupe metei mbɨyape, kaye pe mbɨyape imeea reta güi. Mbaetɨ ma mbɨyape tëta guasu pe regua. Jökorai, Jeremías opɨta tembipɨɨrɨru joka pe.

JOEL 3:16

YandeYa iñeeäta ɨvɨtɨ Sión güi yave, jae ko Jerusalén pe, ara jare ɨvɨ okanata. Erei yandeYa ko Israel iñemuña reta iñepïroka, jae ko tëta imbae vae iyeroviaka.

HABACUC 3:19

Echa cheYa Tumpa omee cheve mɨ̈rata chetɨma isɨrɨkɨ vaerä guasukaka rami jare chereraja ɨvatea pe aasayepe vaerä.

San Mateo 6:11

Emee ara ñavo orerembiurä.

DEUTERONOMIO 33:29

Peyerovia pe Israel iñemuña reta, ¿kia pa ipuereta oyemboyovake pe ndive? YandeYa etei ko pereroasayepe; jae ko peangareko jare pemborɨ. ¡Jae ko pekɨsepuku peporomoamɨri vaerä! Perovaicho reta oñemomichita peve, jare pe pemboaita jae reta iyemboetea.”