ISAÍAS 33:14 - Biblia Guarani Tumpa Iñee

¹⁴ Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ISAÍAS 33:14 ပူးပေါင်းရင်းမြစ်များ

JOB 18:11

Oipota rupi güi omongɨɨye vae, ombotekuaraita oipota rupi.

SALMOS 11:6

Jeko kavimbae reta re ombouta mbaesusere tuicha vae, omongɨta jese reta tata azufre ndive, jare ɨvɨtuakuvo ombouta jese reta oapɨ vaerä. ¡YandeYa oiporaraukata chupe reta jeko re!

SALMOS 21:9

Horno jaku yae vae rami reñonota ndearasɨ iara pe. Ndearasɨ pe remboaita, tata pe remokañɨteita.

SALMOS 50:3

Outa ñaneTumpa, ërei ngaraa kïriiño ou; jenonde outa tata oporomboai vae, iyɨ́vɨri rupi, ɨvɨtuai imbaepuere yae vae.

SALMOS 53:5

Joko pe oime kɨɨye yavaetegüe, yepe tëi mbaetɨ mbae jeko pegua okɨɨye vaerä. Echa Tumpa opa omoai perovaicho reta ikägüe, ñemomarai pe opɨtata, echa Tumpa güɨröɨro reta.

PROVERBIOS 28:1

Iyoa vae otekuarai mbaetɨ tëi reve kia oaɨkuemoña, ërei jupi vae oiko okɨɨyembae reve yaguapope rami.

ISAÍAS 1:28

ërei oyembopɨapochɨ chekotɨ vae reta jare iyoa vae reta opata oñemokañɨtei, jare oyembosɨrɨ chegüi vae reta opata omano.

ISAÍAS 10:16

Jáeramo, yandeYa Tumpa Imbaepuere yae ete vae, opɨ̈rota Asiriaɨgua imbaepuere yae vae reta güi imbaepuere, jare oyatapɨta oyemboete jese vae re.

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

ISAÍAS 32:11

Pe, peiko pɨagüive vae reta, perɨrɨi pekɨɨye güi, jare pepɨa kɨɨye, pemboi jókuae peremimonde reta, jare peyemonde temimonde mbɨatɨtɨ pegua pe.

ISAÍAS 34:9

Ɨ̈aka raɨ reta Edom pegua opata oyepoepɨ ipomo vaerä, iɨvɨ opata oyepoepɨ azufrerä, jare iɨvɨ jendɨta mbae ipomo vae ókai katu rami.

ISAÍAS 47:14

Ërei jae reta ko kapiiño, tata oapɨ reta vae ramiñota, ngaraa ipuere reta oyeepɨ tata güi. Echa tata jätapɨi vaeä ko, oguapɨ jare oyepee vaerä jóvai.

ISAÍAS 5:24

Jáeramo, tata oapɨ kapii vae rami jare ñana joogüe rami, jökoraita opa pekañɨtei, temitɨ japo opa ichuumbi vae ipotɨ opa osururu vae ramita ko. Echa peröɨro yandeYa Imbaepuere yae ete vae iñee, jare Iyoambae Israel pegua iporookuai.

ISAÍAS 66:24

Yogüeruta oecha reta, kuimbae reta oyembopɨapochɨ chekotɨ vae reta jëogüegüe. Echa taso reta jou jetegüe vae mbaetɨta omano, jare mbaetɨta vi ogüe tata, ókai reta ñogüɨnoi pɨpe vae. ¡Yavaete yaeta oyekuaa reta opaete vae pe!”

ISAÍAS 7:2

Jare omombeu reta Acaz, David iñemuña pe körai: “Siriaɨgua reta oñemoïru Efraín pegua reta ndive.” Jayave mburuvicha guasu jare opaete vae orɨrɨi ipɨa okɨɨye güi, kaa pe ɨvɨra reta okana ɨvɨtu yave rami.

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:18

Echa ikavimbae omboɨpɨ jendɨ tata rami, tata yavaete jendɨ vae oapɨ opaete yuu reta jare ñana reta, javoi oasa ɨvɨra ɨvate tëɨ vae reta re, jare ɨvate oñemokusumirou jätati.

ISAÍAS 9:19

YandeYa Imbaepuere yae ete vae iyarasɨ rupi ko opa ókai kuae tëta, opata oyeapɨ, kapii opa oyeapɨ rami; kuimbae ngaraa oiparareko jëtara.

AMÓS 9:10

Ërei omanota opaete iyoa vae reta, tëta chembae vae pegua reta; ‘Ngaraa yanderupitɨ ikavimbae’, jei vae reta.”

NAHUM 1:6

Iyarasɨ yave, ¿kia pa ipuereta oyemboɨ jae jóvai? ¿Kia pa ipuereta güɨropɨa iyarasɨ? Iyarasɨ oñemoai tata rami, jae jóvai osururu ɨ̈vavira reta.

MALAQUÍAS 3:2

Jare, ¿kia pa ipuereta güɨropɨa jae ou yave?, jare ¿kia pa ipuereta oyemboɨ jae jóvai, jae oyeechauka yave? Echa jae tata mbae ikɨagüe oekɨ rami, jare ombaeputuka vae reta ijavo rami.

San Mateo 18:8

Jáeramo ndepo jare ndepɨ jovaicho oyapouka yave mbaeyoa ndeve, eyasɨa emombo ndeyeugüi. Echa jaekaviño ko renoi vaerä tekove ndepo jovaichombae reve ani ndepɨ jovaichombae reve, tata guasu opambae vae pe mókoi ndepo reve ani mókoi ndepɨ reve reo vaerägüe güi.

San Mateo 22:12

Jayave jei chupe: ‘Chevɨa-ïru, ¿kërai pa reike kuae pe temimonde menda peguambae reve?’ Ërei jókuae kuimbae mbaetɨ etei iñee omoë.

San Mateo 24:51

Iya oiporarauka yaeta chupe jare omondota oiko vaerä opaete ïru jova mókoi vae reta ndive. Joko pe oyaeota jare jäi ombokɨrɨrɨuta.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

DEUTERONOMIO 4:24

Echa yandeYa Tumpa ko, Tumpa jägüɨro vae, ¡tata oporomboai vae rami ko!

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

Hebreos 12:29

echa ñaneTumpa ko tata opaetei oapɨ mbae oeya vae rami vae.

Apocalipsis 14:10

jae jouta vi Tumpa iyarasɨ oyeambae etei oï kopa pe vae. Oiporara yaeta tata jare azufre araɨgua reta iyoambae jare Vecha kuimbae taɨrusu vae jóvai.”

Apocalipsis 20:10

Jare aña guasu ombotavɨ reta vae oyemombouka tata guasu azufre ndive jendɨ vae pe, mbaemɨmba guasu jare ñeemombeúa raanga ñogüɨnoia pe. Jare joko pe oiporara retata ara rupi jare pɨ̈tu rupi jekuaekuae avei rupi.