ISAÍAS 33:10 - Biblia Guarani Tumpa Iñee

¹⁰ YandeYa jei: “Añave apüata; añave aechaukata chembaepuere tuicha yae vae.

ISAÍAS 33:10 ပူးပေါင်းရင်းမြစ်များ

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 12:6

YandeYa iñee ikɨambae ko; ¡korepoti oyeambae rami ko, oyekɨa yoe kavi yae horno pe vae rami!

SALMOS 46:10

“¡Peñemokïrii! ¡Peikuaa che ko jae Tumpa! ¡Che ko aï opaete tëtaguasu reta iárambo! ¡Chetuicha yaeta opaete ɨvɨ iárambo!”

SALMOS 7:6

¡Epüa, cheYa Tumpa, ndearasɨ reve! ¡Eyemboɨ cherovaicho reta pochɨ vae pe! Nde ko remee morojäa jupi vae oyeapo vaerä. ¡Eñemoe cheré cheYa!

SALMOS 78:65

Jayave yandeYa opa, kia oke vae güi opa rami, jëia yae vae osapúkai vino omboakuvo vae rami.

SALMOS 94:16

¿Kia pa chereepɨta jeko kavimbae reta güi? ¿Kia pa chereepɨta ikavimbae iyapoa reta güi?

ÉXODO 14:18

Egiptoɨgua reta oikuaa vaerä che ko jae peYa, ayemboeteuka yave Faraón rupi, isundaro kavayu regua reta rupi jare opaete ikäretou maratuta oasa vae rupi.

ISAÍAS 10:16

Jáeramo, yandeYa Tumpa Imbaepuere yae ete vae, opɨ̈rota Asiriaɨgua imbaepuere yae vae reta güi imbaepuere, jare oyatapɨta oyemboete jese vae re.

ISAÍAS 10:33

Mase, yandeYa Tumpa Imbaepuere yae ete vae, opa oitɨ ipïrimbae reve ɨvɨra reta; opa oyasɨa ɨvɨra ɨvate vae reta, opa oa ɨvɨra ɨvate yae vae reta.

ISAÍAS 2:19

YandeYa opüa jókuae ara oiporarauka vaerä kuae ɨvɨ pe yave, opaete vae oiketa ɨ̈vavira oyeka vae rupi ɨvɨkua rupi; yandeYa kɨɨyea yae güi, iyemboetea tuicha yae vae güi.

ISAÍAS 2:21

jare oike retata ɨ̈vavira oyeka vae rupi, ɨvɨkua rupi; yandeYa kɨɨyea vae güi, iyemboetea tuicha yae vae güi, yandeYa oiporarauka jókuae ara kuae ɨvɨ pe yave.

ISAÍAS 5:16

YandeYa Imbaepuere yae ete vae oyembotuichaukata iporojäa rupi; Tumpa Iyoambae oechaukata iyoambae ko vae, jupi vae oyapogüe rupi.

AMÓS 6:1

¡Paravete, Sión pe yogüɨreko pɨagüive vae reta! ¡Jare tëta Samaria ɨvɨtɨ re oï vae pe yogüɨreko pɨagüive vae reta, tenondegua reta, iyemboetea yae tëtaguasu pe vae reta, kuae reta re ko oyemboya Israel iñemuña reta!

SOFONÍAS 3:8

Jáeramo, cheräro pe reta, ayuta metei ara pojäa. Che, peYa ko jae jökorai: Ayemongeta amboatɨ vaerä tëtaguasu reta jare mborookuaía reta aitɨ vaerä jese reta chearasɨ, chearasɨ yavaetegüe. ¡Cherägüɨro jeko pegua chearasɨ yaeta, opaeteita amboai kuae tëtaguasu reta!