ISAÍAS 32:7 - Biblia Guarani Tumpa Iñee

⁷ Jeko kavimbae oeka kërai oyapo vaerä ikavimbae, ikaviä oyemongeta ipɨa pe; apu rupi oyapo ikavimbae vae paravete vae kotɨ jare ñeapo rupi oeka tëi oime vaerä jupi rupi ñeñono kavi chupe vae kotɨ.

ISAÍAS 32:7 ပူးပေါင်းရင်းမြစ်များ

SALMOS 119:95

Iyoa vae reta cheräro ñogüɨnoi chemokañɨtei vaerä, ërei che ayeko aï ndeporookuai reta reño.

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 11:4

oporojäata ko jupi rupi paravete vae reta re, oñemoëta arakuaa katu reve kavi, ipɨa omomichi vae reta re; jare iñee rupi oporonupata, iñee pe oyukata iTumpa potambae.

ISAÍAS 26:10

Yepe tëi renoi mboroparareko jupimbae reta re, ërei jae reta ngaraai omomoe jupi vae, jekuae ñotai ko oyapo reta ikavimbae, isɨmbi vae reta ñogüɨnoia pe, echa mbaetɨ oipoɨu reta ndegüi cheYa.

ISAÍAS 29:21

ambuae rei omboya reta iparapiti, jókuae ikɨ̈reɨ oyavɨuka oporojäa vae pe vae reta, jare oporombotavɨ reve oikuaku jupi vae kia jekombae güi vae.

ISAÍAS 5:23

Peipɨɨ vɨari korepoti vae rupi mbaetɨ pemboeko, jeko tëi vae, jare mbaetɨ peñono kavi teko, jekombae vae peguarä.

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

ISAÍAS 59:15

Añete vae mbaetɨ etei ma, ikavimbae güi oyembosɨrɨ tëi vae, oñeñono tembipɨɨrɨru pe. Nde oreYa pe mbaetɨ ikavi jókuae, reecha yave mbaetɨ etei jupi vae.

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

DANIEL 12:10

Jeta vae reta oyetɨota, oñemotïiasɨta jare oñeñono teeta; jare iyoa vae reta jeieteñota oyapo mbaeyoa, metei ave iyoa vae reta ngaraa oikuaa, ërei yarakuaa katu vae reta oikuaata.

MIQUEAS 2:1

¡Paravete, jókuae jupa pe ñogüɨnoi yave ave mbae pɨ̈chɨi re oyemongeta vae, jare köe yave oyapo reta, echa güɨnoi reta mbaepuere!

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

San Mateo 26:4

Jare oyomboemboe reta yembotavɨ rupi oipɨɨ vaerä Jesús jare oyukauka