ISAÍAS 32:2 - Biblia Guarani Tumpa Iñee

² Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

ISAÍAS 32:2 ပူးပေါင်းရင်းမြစ်များ

SALMOS 143:9

CheYa Tumpa chereepɨ cherovaicho reta güi, echa nde ko jae cheñepɨ̈roa.

SALMOS 32:7

Nde ko jae cheñepɨ̈roa; cheövatuta mbɨatɨtɨ güi; cheövata tairari yereroasayepe pegua pe.

SALMOS 63:1

¡CheRu Tumpa, nde ko jae cheTumpa! Ndei köe mbove roekata, echa cheɨuve yae rami nderé, cherete etei ndereeka, ɨvɨ otini jare ɨ mbaetɨa pe rami.

SALMOS 91:1

Nde, reiko Tumpa Tuichagüe yae ete vae iporoangareko igüɨ pe vae. Reiko Imbaepuere yae ete vae ipo pe.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 16:3

Jei reta Sión pe: “Eyapo yemongeta orereepɨ vaerä, eñeñono orereepɨ vaerä, emoñemi, iɨvɨ güi oyembotekuaraigüe reta, otekuaraigüe reta agüɨye emee jovaicho pe.

ISAÍAS 25:4

Echa, nde ko jae paravete vae iñepɨ̈roka, nde reepɨ oiporara oï vae, okɨrai yave nde ko ñemía, araku yae yave nde ko küaraɨa. Echa kuimbae ipɨapochɨ vae reta iyarasɨ, okɨrai vae oa ovapetea re vae rami ko.

ISAÍAS 28:17

Jókuae o re aiporuta jupi vae, plomada rami, jare sɨmbi vae, nivel rami.” Amandau opata omboai jókuae apu, peeka peñepɨ̈ro jese vae, jare peñemi pɨpe vae, ɨ opata omboai pegüi.

ISAÍAS 41:18

Ɨvɨtɨ reta rupi aipeata ɨ̈aka, jare ɨesaɨ reta ɨvɨtɨ päu ipe kavi vae rupi; ñuu rupi aipeata ɨupa reta, jare ɨvɨ otini vae rupi ɨ̈aka raɨ reta.

ISAÍAS 43:19

mase, ko ayapota mbae ipɨau vae, jare peechata añave voi. Aipea yeta tape ñuu rupi, jare ɨvɨ otini vae rupi ɨ̈aka reta.

ISAÍAS 43:20

Chemboeteta mbaeporou kaa rupigua reta, aguarayaɨmba reta jare yandu raɨ reta, echa amoëta ɨ ñuu rupi, jare ɨvɨ otini vae rupi aipeata ɨ̈aka reta, oɨu vaerä tëta chembae vae, cherembiparavo,

ISAÍAS 44:3

echa amoëta ɨ ñuu rupi, jare ɨ̈aka reta, ɨvɨ otini vae rupi. Ameeta tekove neñemuña reta pe, cheporerekuata jese reta.

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 33:14

YandeYa jei: “Mase, oväeta ara, che ambopo vaerä cheñererökuavee Israel pegua reta pe jare Judá pegua reta pe vae.

LAMENTACIONES 4:20

Oa tembipɨɨrä yandeYa jembiparavo, ñanemoäta ngatuse vae, jókuae mburuvicha guasu re yande yaese körai: “Jae iporoangareko rupi yaikota tëtaguasu reta ipɨte rupi.”

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

San Juan 7:37

Jókuae ara ma arete opata yave, arete tuichagüe jare ikavi yae vae pe, Jesús oyemboɨ jare iñeeäta reve jei: —Oime yave kia iɨuve vae, tou chekotɨ jare toɨu.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.