ISAÍAS 32:18 - Biblia Guarani Tumpa Iñee

¹⁸ Jare tëta chembae vae oiko pɨagüiveta, jëguambaea pe oikota, jare oputuuta,

ISAÍAS 32:18 ပူးပေါင်းရင်းမြစ်များ

SALMOS 107:7

Javoi güɨraja isɨmbi, tëta guasu yogüɨrekota pɨpe vae pe.

ÉXODO 9:26

Jaeño ete ɨvɨ Gosén pe, Israel iñemuña reta yogüɨrekoa pe mbaetɨ oa amandau.

PROVERBIOS 24:15

Iyoa vae, agüɨye emomburu jupi vae jo, agüɨye emboai chugüi iputuu renda,

ISAÍAS 11:10

Jare jókuae ara Ɨvɨraɨpɨ rami vae Isaí güi oëta metei jokɨ, jae oñeñonota metei bandera rami opaete vae reta peguarä, opaete vae reta oekata; jare jëta jërakua yaeta.

ISAÍAS 14:3

Tëta Israel, yandeYa ndemombutuu opaete mbɨatɨtɨ reta güi, mbaembae reiporara vae güi, jare yeokuaiasɨ katu pe neñono reta vae güi yave,

ISAÍAS 2:4

Jare oporojäata opaete tëtaguasu reta re, jare ombosɨmbita jeta vae reta jeko. Jare opata oyapo reta ikɨsepuku reta arao itïrä, jare imii reta oyapota tembiporu hozrä. Tëtaguasu reta mbaetɨta ma oñoraro, jare ngaraa ye ma oime yemboe ñeraro peguarä.

ISAÍAS 26:12

CheYa, nde ko remeeta oreve mbɨakatu, nde ko reyapo ore rupi opaete orerembiapo reta.

ISAÍAS 26:3

CheYa, nde reñovatu mbɨakatu pe, ndereño ipɨa oñono vae reta, echa nderé oyeko reta.

ISAÍAS 28:12

Echa chupe reta Tumpa jei tëi: “Kuae pe peiko pɨagüive, ikangɨ vae, toputuu.” Ërei jae reta mbaetɨ oipota oyeapɨsaka jese.

ISAÍAS 30:15

YandeYa Tumpa, Iyoambae Israel pegua jei: “Pepɨagüiveño, agüɨye peyembokepegua, jare peasayepeta ko, echa jayave ko oime mɨ̈rata.” Ërei pe reta mbaetɨ peipota,

ISAÍAS 33:6

jare omeeta oiko pɨagüive vaerä. Arakuaa katu jare mbaembae yaikuaa katu vae ko oporogüɨroasayepe vae; yandeYa güi yaipoɨu vae ko, mbaembae jepɨ yae vae rami.

ISAÍAS 65:21

Oyapo retata o, jare joko pe yogüɨreko retata; oñotɨ retata uva jare jou retata iagüe.

ISAÍAS 65:9

Amoñemuñata Jacob, Judá amoñemuñata yogüɨreko vaerä ɨvɨtɨ re. Cherembiparavo reta oiketa yogüɨreko jókuae ɨvɨ pe, joko pe yogüɨrekota cherembiokuai reta.

JEREMÍAS 33:16

Jókuae ara rupi Judá oyeyorata jare Jerusalén oiko pɨagüiveta, jare ombojee retata: YandeYa ko jae jupi vae yandeveguarä vae.

EZEQUIEL 34:28

Tëtaguasu reta ketɨgua ngaraa ma oyemombae ye jese reta, mbaeporou reta ñana rupi ave ngaraa ma jou; yogüɨreko pɨagüiveta, ngaraa ma kia omongɨɨye.

ZACARÍAS 2:5

Ërei yandeYa jei: Che aïta chupe reta ikësearä tata rami, jare aïta ipɨte pe mbaemboetea peguarä.’ ”

ZACARÍAS 2:8

Echa yandeYa Imbaepuere yae ete vae chembou tëtaguasu reta pepogüɨrai pereeya vae pe kuae ñee ndive. “Echa opoko pere yave kia nunga vae, cheresäɨ kunumi re opoko rami ko.

ZACARÍAS 3:10

Jókuae ara metei ñavo pegüi reta opareata iñeïru pe okaru päve vaerä uva igüɨ pe jare ɨva igüɨ pe, jei yandeYa Imbaepuere yae ete vae.’ ”

Hebreos 4:9

Jáeramo, oimeño vɨteri ko mbutuu Tumpa imbae vae reta peguarä.

1 Juan 4:16

Yaikuaa ko jare yarovia ko Tumpa yanderaɨu. Tumpa ko mboroaɨu; oiko mboroaɨu pe vae oiko ko Tumpa re jare Tumpa oiko jese.