ISAÍAS 32:15 - Biblia Guarani Tumpa Iñee

¹⁵ Ërei yandeYa iEspíritu outa yanderé ɨvate güi, jayave ɨvɨ ipombae, ikavi yeta oñemaetɨ pɨpe vaerä, jare ɨvɨ kavi jeiete yaeta ikavi.

ISAÍAS 32:15 ပူးပေါင်းရင်းမြစ်များ

SALMOS 104:30

Ërei rembou tekove yave, oyeapo ye, jökorai rembopɨau ye ɨvɨ iárambo.

SALMOS 107:33

Jae ko ɨ̈aka reta oipoepɨ, ɨvɨ ipombae vaerä, jare ɨesaɨ reta, ɨvɨ otini vae pe;

SALMOS 107:35

ñuu oipoepɨ, ɨupa pe, jare ɨvɨ otini vae, ɨesaɨ pe;

PROVERBIOS 1:23

Peyeapɨsaka cheporombosɨmbi re, jare che ameeta peve chearakuaa katu, jare aikuaaukata peve cheñee reta.

ISAÍAS 28:6

jare oporojäa vae reta ipɨa pe oñonota jupi vae, jare sundaro reta oepɨ tëta guasu vae pe omeeta mɨ̈rata.

ISAÍAS 29:17

Líbano, oyepoepɨta ete ma ɨvɨ kavirä, jare ɨvɨ kavi oyepoepɨta kaarä.

ISAÍAS 35:7

Ñuu oyeapota ɨuparä, ɨvɨ otini vae opɨtata ɨesaɨrä. Aguarayaɨmba reta yogüɨrekosea rupi oñemuñata käipepeño jare kapii reta.

ISAÍAS 44:3

echa amoëta ɨ ñuu rupi, jare ɨ̈aka reta, ɨvɨ otini vae rupi. Ameeta tekove neñemuña reta pe, cheporerekuata jese reta.

ISAÍAS 45:8

“Che ambouta ɨvate güi mbae jupi vae, ambouta ama rami, ani ɨsápɨi rami. Jare ɨvɨ omboresiveta, yereroasayepe oñemuñata, temitɨ ia oñemuña rami, jare mbae jupi vae, ipotɨta vi temitɨ rami.” Che ndeYa ko ayapo opaete kuaekuae.

ISAÍAS 59:19

Opaete ɨvɨ, kuaraɨ oëa kotɨ güive kuaraɨ oikea kotɨ, omboeteta yandeYa oecha yave iyemboetea. Echa yogüeruta tovaicho reta, ɨ ɨ̈aka rupi tuichagüe ou rami. Ërei yandeYa oñemopüata chupe reta.

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

ISAÍAS 63:11

Ërei jókuae Israel iñemuña reta imaendúa arakae vae re, Moisés re jare opaete vae reta re, jare jei reta körai: “¿Ketɨ pa oime oï jókuae Tumpa güɨnoe imbae vae reta ɨguasu güi vae, ivecha reta iyangarekoa Moisés ndive vae? ¿Jókuae oñono Moisés iyɨvɨte pe iespíritu vae,

EZEQUIEL 37:14

Jare chepɨ̈túe ameeta peve, peikove ye vaerä; jare poñono yeta peɨvɨ ae pe. Jayave peikuaata che peYa ko jae kuae jare ayapo. Che peYa jae kuae.’ ”

EZEQUIEL 39:29

Ngaraa ma ayembosɨrɨ chugüi reta, echa ameeta chembaepuere Israel iñemuña reta pe. Che peYa Tumpa jae kuae.”

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

San Lucas 24:49

Mase, che ambouta peve cheRu güɨrökuavee peve vae. Ërei pepɨta tëta guasu Jerusalén pe ou regua peré mbaepuere ara güi.

San Juan 7:39

Jökorai imiari Jesús Espíritu omeeta güɨrovia jese vae reta pe vae re. Echa ndei ou Espíritu Santo, ndei Jesús oyemboeteuka ramo.

Hechos 2:33

Jare Tumpa güɨraja güire oñono iyakatu kotɨ, jare omee chupe jókuae jei omeeta chupe Espíritu Santo vae. Jáeramo Jesús etei ko ombou kuae peecha jare peendu vae.

2 Corintios 3:8

Vɨtei pa Espíritu pegua morogüɨrökuavee päve ipɨau vae ou yave iyemboetea.