ISAÍAS 31:9 - Biblia Guarani Tumpa Iñee

⁹ jare okɨɨye güi opata oë otekuarai oñemía güi, jare sundaro ruvicha reta opata omombo oeya ibandera. Jökorai jei yandeYa, jae oime güɨnoi Sión pe, Jerusalén pe tata.

ISAÍAS 31:9 ပူးပေါင်းရင်းမြစ်များ

ISAÍAS 10:16

Jáeramo, yandeYa Tumpa Imbaepuere yae ete vae, opɨ̈rota Asiriaɨgua imbaepuere yae vae reta güi imbaepuere, jare oyatapɨta oyemboete jese vae re.

ISAÍAS 10:17

Jare Tumpa Iyoambae, tembipe Israel pegua, oïta tata jendɨ vae rami, metei ara pe opata omboai opaete ñana jare yuu reta.

ISAÍAS 11:10

Jare jókuae ara Ɨvɨraɨpɨ rami vae Isaí güi oëta metei jokɨ, jae oñeñonota metei bandera rami opaete vae reta peguarä, opaete vae reta oekata; jare jëta jërakua yaeta.

ISAÍAS 13:2

“¡Peupi bandera ñeraro pegua metei ɨvɨtɨ jaambae re! ¡Pesapúkai sundaro reta! ¡Peupi pepo chupe reta, oike reta vaerä, mburuvicha reta jöke rupi!

ISAÍAS 17:13

Ërei Tumpa iñeeäta rupi matɨ opa otekuarai reta; ɨvɨtu jenonde ɨtɨ güɨraja vae rami, kusumirou güɨraja ɨvɨkúi vae rami.

ISAÍAS 18:3

Pe reta, opaete ɨvɨ pegua reta, bandera oñemopüa ɨvɨtɨ re yave pemae jese, jare mimbɨguasu oñemoñee yave peyeapɨsaka jese.

ISAÍAS 26:1

Jókuae ara otairari retata kuae tairari ɨvɨ Judá pe: “Ñanoi tëta guasu jëguambae, yandeYa yandereepɨ vaerä oñono tëta guasu ikësea, omboyokupe oñono.

ISAÍAS 27:7

Tumpa mbaetɨ ko oiporarauka Israel pe, Israel jovaicho reta pe oiporarauka rami, mbaetɨ ko oyuka Israel, Israel jovaicho reta oyuka rami.

ISAÍAS 30:33

Echa kuae ɨma ma oyeapo katu oiko Asiria peguarä jare juvicha guasu peguarä, oiporarata pɨpe vae ipɨguasu jare kɨ̈pe, tata oyemoendɨ jeta yepea ndive vae. YandeYa omoendɨta ipɨ̈túe pe, jókuae ko azufre jeta oyepɨyere vae rami.

ISAÍAS 37:37

Jayave mburuvicha guasu Senaquerib oyerova ye Nínive kotɨ jare opɨta joko pe.

ISAÍAS 4:4

YandeYa oporojäata jare oporonupata vae rupi oitɨota Sión pegua kuña reta iyoa, jare oyoeta Jerusalén pe jeta tugüɨ oyepɨyere vae,

ISAÍAS 5:26

YandeYa omopüata metei bandera, jare oenɨita itɨvɨñee pe metei tëta matɨ oï vae; jare outa oväe jarembae pegua voi;

ISAÍAS 66:15

Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

LEVÍTICO 6:13

Tijendɨ avei mɨmba oyeyuka oyeapɨ jese vae re tata oï vae. Agüɨye togüe.

ZACARÍAS 2:5

Ërei yandeYa jei: Che aïta chupe reta ikësearä tata rami, jare aïta ipɨte pe mbaemboetea peguarä.’ ”

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

DEUTERONOMIO 32:31

Echa jae reta jeepɨa ita guasu rami vae, mbaetɨ ko Ita guasu yandereepɨa rami, jae reta oikuaa kavi yae ko jókuae.

DEUTERONOMIO 32:37

Jare jeita chupe reta: ‘¿Jama pa petumpa reta, jókuae ita guasu jese peyeepɨ vae,