ISAÍAS 31:5 - Biblia Guarani Tumpa Iñee

⁵ Güɨra oveve jaitɨ iárambo rupi oyangareko vaerä, jökoraita yandeYa Imbaepuere yae ete vae oyangareko Jerusalén re, oñovatuta, güɨroasayepeta, oepɨta, oyorata.”

ISAÍAS 31:5 ပူးပေါင်းရင်းမြစ်များ

GÉNESIS 1:2

Jare ɨvɨ ndeiño oyekuaa kavi jare ipombae oiko. Pɨtumimbi ɨvɨ iárambo rupi jare Tumpa iEspíritu omɨi ɨguasu iárambo rupi.

2 REYES 19:34

Echa che ayangarekota kuae tëta guasu re, aepɨ vaerä, che ayeaɨu jeko pegua, jare cherembiokuai David aɨu jeko pegua.’ ”

2 CRÓNICAS 32:22

Körai yandeYa oepɨ Ezequías jare Jerusalén pegua reta, Senaquerib mburuvicha guasu Asiria pegua imbaepuere güi jare opaete ïru reta ipo güi, jare omee mbɨakatu rupi yogüɨreko vaerä opaete iyɨvɨrigua reta ndive.

SALMOS 37:40

YandeYa omborɨta jare oepɨta, oepɨta iyoa vae reta güi jare güɨroasayepeta, echa yandeYa reño oyeko reta.

SALMOS 46:5

Tumpa oime oï pɨpe, ngaraa maratu; Tumpa omborɨta köe yave.

SALMOS 46:6

Jäsémbai tëtaguasu pegua reta, orɨrɨi mborookuaía reta, iñee omoë yave, ɨvɨ opa tɨkui.

SALMOS 91:4

Ipepo pe ndeasoita, jare ipepo igüɨ pe nerëguambae reïta; ¡iporoangareko avei neovatuta yeopiaka rami!

ÉXODO 12:27

Pe pereta chupe reta: ‘Kuae ko oyeyuka Pascua pe yandeYa pe vae, jae oasa güɨraveño Israel iñemuña reta ñogüɨnoia iárambo rupi Egipto pe yave, yandeYa güeru yave mano Egiptoɨgua reta re jare omboasayepe yandero pegua reta.’ ” Jayave Israel iñemuña reta oyetavatɨka jare omboete yandeYa.

ÉXODO 19:4

“Pe reta peecha kërai ayapo Egiptoɨgua reta vae, jare peikuaa kërai pogüeru chekotɨ güɨraké ipepo re rami.

ISAÍAS 10:14

Aipɨɨ tëta reta imbaembae jepɨ vae, jare opaete iɨvɨ, kia nunga vae güɨraja güɨra jupía jaitɨ pe oeyagüe rami, jare mbaetɨ kia ave oyemboavevo vae, ani iyuru ave mbaetɨ opopira ani omoë iñee vae.”

ISAÍAS 26:1

Jókuae ara otairari retata kuae tairari ɨvɨ Judá pe: “Ñanoi tëta guasu jëguambae, yandeYa yandereepɨ vaerä oñono tëta guasu ikësea, omboyokupe oñono.

ISAÍAS 27:3

Che, peYa ko ayangareko avei jese, amboɨu avei ko, ayangareko ko jese ara pe jare pɨ̈tu rupi, agüɨye vaerä kia maratu oyapo.

ISAÍAS 35:4

Pere okɨɨye vae reta pe: “¡Peñemoäta ngatu, agüɨye pekɨɨye! ¡Mase, ko oï peTumpa pereepɨ vaerä, oiporaraukata tovaicho reta pe, jeko reta oï rupi; Tumpa etei outa pereepɨ vaerä!”

ISAÍAS 37:35

Echa che ko ayangarekota kuae tëta guasu re, aroasayepe vaerä, che ayeaɨu jeko pegua, jare cherembiokuai David aaɨu jeko pegua.’ ”

ISAÍAS 38:6

Roepɨta jare aroasayepeta Jerusalén mburuvicha guasu Asiria pegua ipo güi. Aepɨta kuae tëta guasu.’ ”

ZACARÍAS 9:14

YandeYa oyekuaaukata jese reta, imbae vae reta rupi juvɨ oëta ama-vera rami. YandeYa Tumpa omoñeeta mimbɨguasu, jare ojota ɨvɨtuai arayevɨ pegua ndive.

ZACARÍAS 9:8

Jare che aïndaivita aepɨ vaerä chembae oipotagüe oasa koropi vae. Jasɨ katu oporogüɨreko vae ngaraa ma oporogüɨrekoasɨ katu, echa añave che ayangarekota jese.”

DEUTERONOMIO 32:11

Güɨraké oveve oyere jaitɨ re jare omborɨ oveve imembɨ reta, oipɨso ipepo jare ovoɨ, jare güɨraja ikupe re rami.