ISAÍAS 31:4 - Biblia Guarani Tumpa Iñee

⁴ YandeYa jei cheve körai: “Yaguapope ani yaguapope raɨ oñee jembia iárambo vae mbaetɨ okɨɨye, yepe tëi vecha iyangarekoa reta oyomboatɨ oiämondo vaerä isapúkai pe, ngaraa oñeiämondouka chupe reta, jökoraita ko yandeYa Imbaepuere yae ete vae ou oepɨ tëta imbae vae ɨvɨtɨ Sión re.

ISAÍAS 31:4 ပူးပေါင်းရင်းမြစ်များ

2 CRÓNICAS 20:15

Jare jei: “Peyeapɨsaka opaete Judá pegua reta jare Jerusalén pegua reta, jare nde, mburuvicha guasu Josafat. YandeYa jei peve körai: ‘Agüɨye pekɨɨye ani peyomongɨɨye jókuae jeta yae vae güi, echa yandeYa ko oñerarota, mbaetɨta ko pe reta.

ÉXODO 14:14

YandeYa ko oñerarota pepoepɨka pe, jare pe reta mbaetɨta peyemoambeko.

ÉXODO 14:25

jare opa vi güɨrokomegua ikäretou reta iruera, jare opa ombopɨa-këraiasɨ. Jayave Egiptoɨgua reta jei oyoupe: —Yatekuarai kuae Israel iñemuña reta güi, echa iYa Tumpa oñeraro jae reta jekovia pe yandekotɨ.

ISAÍAS 10:16

Jáeramo, yandeYa Tumpa Imbaepuere yae ete vae, opɨ̈rota Asiriaɨgua imbaepuere yae vae reta güi imbaepuere, jare oyatapɨta oyemboete jese vae re.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 30:32

jare yandeYa oitɨ ichikote jese ñavo, oyemboputa angúa raɨ jare arpa. YandeYa etei oñerarota jae reta ndive yavaetegüe.

ISAÍAS 42:13

YandeYa oëta, metei jëia yae ñeraro regua vae rami, jare oñerarota, ñeraro regua yavaetegüe rami; osapúkai pukaita jare omoamɨrita jovaicho reta.

JEREMÍAS 50:44

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Babilonia pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

OSEAS 11:10

Jae reta oguatata yandeYa jaɨkue, jare jae oñeeta yaguapope rami. Oñeeta, jare imbae vae reta yogüeruta orɨrɨi reve kuaraɨ oikea kotɨ güi.

AMÓS 3:8

Yaguapope oñee yave, ¿kia pa mbaetɨta okɨɨye? YandeYa Tumpa omoë iñee yave, ¿kia pa mbaetɨta imiari jese?

ZACARÍAS 12:8

Jókuae ara rupi yandeYa oepɨta Jerusalén pegua; ipɨte pe oime yave kia nunga vae ipɨtu, jókuae ara ipɨ̈rata yaeta David rami; jare David iñemuña reta imbaepuereta Tumpa rami, yandeYa iaraɨgua ojo tenonde vae rami.

ZACARÍAS 14:3

Jaɨkue rupi yandeYa oëta jare oñerarota jókuae tëtaguasu reta ndive, ñeraro iara pe oñoraro rami.

ZACARÍAS 2:5

Ërei yandeYa jei: Che aïta chupe reta ikësearä tata rami, jare aïta ipɨte pe mbaemboetea peguarä.’ ”

ZACARÍAS 9:15

YandeYa Imbaepuere yae ete vae oyangarekota imbae vae re Jae reta opɨ̈rota ita tamamboka pegua re. Omboaita jovaicho jare oɨuta jugüɨ re vino re rami jare mbaerɨru tɨnɨe rami jɨ̈vɨatata, ani mɨmba oyeyuka oyeapɨ jese vae regua guakarätiecha vae rami.

ZACARÍAS 9:8

Jare che aïndaivita aepɨ vaerä chembae oipotagüe oasa koropi vae. Jasɨ katu oporogüɨreko vae ngaraa ma oporogüɨrekoasɨ katu, echa añave che ayangarekota jese.”

Apocalipsis 10:3

Jayave täta osapúkai metei yaguapope oñee rami. Jare osapúkai yave, jɨapu ara chiu vese.

Apocalipsis 5:5

Jayave metei tenondegua okuakuaa vae reta güi jei cheve: “Agüɨye eyaeo. Mase, Judá iñemuña reta pegua yaguapope rami vae, David iyɨpɨ oporomoamɨri oyora vaerä chiu tembikuatía imboyaa jare oipea vaerä.”