ISAÍAS 31:3 - Biblia Guarani Tumpa Iñee

³ Egiptoɨgua reta kuimbaeño ko, Tumpaä ko; ikavayu reta, kavayu tumpaä ko. Jayave yandeYa omopüa ipo oinupa reta vaerä yave, opata ko ñamɨri oporomborɨ vae jare oyemborɨuka vae vi, opaete voita omano reta.

ISAÍAS 31:3 ပူးပေါင်းရင်းမြစ်များ

2 CRÓNICAS 32:8

Jae ndive oï kuimbae reta imbaepuere, ërei yande ndive oï yandeYa Tumpa yandemborɨ vaerä kuae ñeraro pe.” Jare mburuvicha guasu Ezequías iñee oendu reta yave, oñemoäta ngatu opaete vae.

SALMOS 118:8

YandeYa re yayeko vae ko ikavi, kuimbae re yayeko vae güi.

SALMOS 33:17

kavayu mbaetɨ ipuere oporogüɨroasayepe; yepe tëi ipɨ̈rata yae.

SALMOS 9:20

Eiämondo reta cheYa, ¡toikuaa jae reta kuimbaeño ko vae!

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 20:4

Jökoraita ko mburuvicha guasu Asiria pegua opa güɨraja tembipɨɨrä Egipto pegua reta jare Etiopía pegua reta, taɨrusu vae jare ndechi, ipɨgüɨraita jare inandita, jevi oyekuaañota, imara reta vaerä.

ISAÍAS 20:6

Jare jókuae ara opaete yogüɨreko ɨguasu jembeɨ kuae kotɨgua reta jeita: ‘Mase, kërai ou oasa yayerovia yepi jese vae, chupe yaiporu yepi yandereepɨ vaerä mburuvicha guasu Asiria pegua güi. ¿Këraita pa yaasayepe añave?’ ”

ISAÍAS 30:16

jaeño pere: “Ani, rotekuaraita ko kavayu re.” Petekuaraita ko jökorai, añete. Pere vi: “Ropota kavayu reta iñäkua vae re.” Ërei peraɨkuemoña vae reta iñäkua yaeta vi ko.

ISAÍAS 30:5

jeseve pemarata jókuae tëta guasu mbaetɨ pemborɨ vae jeko pegua, mbaetɨ ikavi peve, mbaetɨ ombou peve yemborɨ, jaeño ñemomarai jare susere peväe peyeupe.”

ISAÍAS 30:7

echa Egipto iporomborɨ mbaetɨ osirive. Jáeramo ko körai ambojee: “Mbaeporou iñeeäta tëi vae, ërei mbaetɨ mbae oyapo vae.”

ISAÍAS 36:6

Ko, aecha reyeko reï Egipto re. Egipto ko metei popoka tätambae rami, opë yave jaɨgüe yandepotuku rami. Jökorai ko Faraón, mburuvicha guasu Egipto pegua, opaete oyeko jese vae reta peguarä.

ISAÍAS 36:9

Nde ngaraa ndepuere reñeraro cheruvicha guasu isundaro ruvicha taɨkuegua ete ndive ave, ¡nde rerovia Egipto omeeta ko ndeve kavayu jare sundaro kavayu regua reta vae!

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 15:6

Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

JEREMÍAS 17:5

YandeYa jei körai: “Tijeko jókuae ipɨa opia chegüi vae, kuimbae reta rei güɨrovia katu vae, oeka jare oyeko jese reta vae.

EZEQUIEL 28:2

“Nde kuimbae, ere mburuvicha guasu Tiro pegua pe: CheYa Tumpa jei körai: Nde ndepɨayemboete yae, rere ndeyeupe: ‘Che ko jae metei tumpa aguapɨ aï Tumpa iguapɨa pe ɨguasu mbɨte pe vae.’ Ërei nde jaeä ko Tumpa, nde ko metei kuimbaeño. Ndepɨa pe reyemongeta ndearakuaa katu metei tumpa rami.

EZEQUIEL 28:9

¿Jekuaeñota ra rere ndeyeupe: ‘Che ko jae Tumpa’, ndeyuka vae reta jóvai? ¡Ndeyuka vae reta ipo pe, nde kuimbaeño ko, mbaetɨ ko metei tumpa!

AMÓS 2:15

Kuimbae uvɨ regua ngaraa ipuere, iñäkua osɨi vae ave ngaraa oasayepe, kavayu regua ave ngaraa güɨroasayepe jekove.

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.