ISAÍAS 31:2 - Biblia Guarani Tumpa Iñee

² Ërei jae iyarakuaa vae ko jare oikatu güeru vaerä susere, jae jei yave mbae, mbaetɨ oipoepɨ. Oñemopüata jeko ikavimbae vae reta kotɨ, iyoa vae reta omborɨ vae reta kotɨ.

ISAÍAS 31:2 ပူးပေါင်းရင်းမြစ်များ

JOB 12:13

Tumpa ko yarakuaa vae jare imbaepuere vae, jae oyemongeta oyapo vaerä vae, oyapo.

JOB 12:16

Jae ko imbaepuere vae jare yarakuaa vae, ipo pe ko oï mbae oyavɨ vae, jare mbae oyavɨuka ïru pe vae.

JOB 5:13

Jae oipɨɨ ipoki vae reta jeko pe aeño; jare güɨrokomegua ipɨapochɨ vae reta iyemongeta.

ISAÍAS 1:4

¡Paravete, iyoa vae reta, tëta tɨnɨe ikavimbae pe vae, ipɨapochɨ vae reta iñemuña, jare jeko opa oikomeguagüe reta! Oyembosɨrɨ reta yandeYa güi, omboarasɨuka reta Iyoambae Israel pegua, oyerova reta ye chugüi.

ISAÍAS 14:20

Mbaetɨta neotɨ reta ïru mburuvicha guasu reta rami, echa opa rerokomegua ndeɨvɨ, opa reyuka joko pegua reta. Jeko kavimbae vae reta iñemuña reta ngaraa yogüɨreko avei.

ISAÍAS 21:17

Jare mbovɨ yaeta jembɨre Cedar pegua, uvɨ regua jëia yae vae reta.” Echa yandeYa Imbaepuere yae ete vae, Israel iTumpa ko jei jökorai.

ISAÍAS 22:14

YandeYa Imbaepuere yae ete vae oyekuaa cheve, jare jei cheve: “Mbaetɨta cheɨ̈ro peve kuae mbaeyoa re; opa pemano regua.” Jae ko yandeYa Imbaepuere yae ete vae iñee.

ISAÍAS 28:21

Echa yandeYa oyapota ɨvɨtɨ Perazim pe rami, ɨvɨtɨ päu ipe kavi vae Gabaón pe rami iyarasɨta, oyapo vaerä jembiapo, jembiapo ambuaeyee vae, oyapo vaerä jembiapo yaikuaa rapembae vae.

ISAÍAS 28:29

Jökorai ko yandeYa Imbaepuere yae ete vae yarakuaa katu, oyapo vaerä opaete kuae mbaembae, jare oyapo iyarakuaa katu rupi kavi.

ISAÍAS 30:3

Ërei Faraón iporomborɨ, omomaraiuka retata, jare Egipto re oñepɨ̈ro reta tëi vae, omomichiuka retata.

ISAÍAS 30:7

echa Egipto iporomborɨ mbaetɨ osirive. Jáeramo ko körai ambojee: “Mbaeporou iñeeäta tëi vae, ërei mbaetɨ mbae oyapo vae.”

ISAÍAS 31:3

Egiptoɨgua reta kuimbaeño ko, Tumpaä ko; ikavayu reta, kavayu tumpaä ko. Jayave yandeYa omopüa ipo oinupa reta vaerä yave, opata ko ñamɨri oporomborɨ vae jare oyemborɨuka vae vi, opaete voita omano reta.

ISAÍAS 32:6

Echa kuimbae jeko kavimbae, imiarita ko ikavimbae re, oyemongeta ipɨa pe, oyapo vaerä ikavimbae, ani jei ikavimbae vae yandeYa kotɨ; yɨmbɨaɨ vae güi opɨ̈ro jembíu, ani iɨuve vae güi opɨ̈ro ɨ.

ISAÍAS 45:7

Che ko ayapo tembipe jare pɨtumimbi, che ayapo mbɨakatu jare tembiporara. Che, opaete iYa ko ayapo opaete kuae mbaembae.”

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 10:12

YandeYa imbaepuere pe oyapo ɨvɨ; oñono kavi ɨvɨ oikuaa kavi reve; oipɨso ara iyarakuaa yae reve.

JEREMÍAS 10:7

Nde ko tëtaguasu reta Juvicha guasu, ¿kia pa oipoɨu potaä ndegüi? Jupi ko ndegüi oipoɨu vaerä opaete vae. Echa opaete yarakuaa katu vae reta güi jare mburuvicha guasu reta ɨvɨ pegua güi, mbaetɨ kia nde rami.

JEREMÍAS 36:32

Jayave Jeremías oipɨɨ ïru tupapire oyepomombɨ vae jare omee ombaekuatía vae Baruc, Nerías taɨ pe; jae oikuatía opaete Jeremías iñee reta jókuae tupapire pe, jókuae mburuvicha guasu Joacim opa oapɨ vae pe oï vae. Jeremías omboyoapɨ ye jeta ïru ñee reta tenonde oyekuatía tëi vae güi.

EZEQUIEL 29:6

Opaete Egipto pe peiko vae reta chekuaata che ko jae Tumpa vae. Israel iñemuña reta oeka yemborɨ peve, ërei pe reta täkuarasɨ opë ngatu vae ramiño chupe reta:

AMÓS 3:6

¿Mimbɨguasu oñemoñee tëta guasu pe yave, ngaraa pa oiämondo tëta guasu ipo reta? ¿Oimeta pa tëta guasu pe mbaesusere, yandeYa omboumbae reve?

SOFONÍAS 3:8

Jáeramo, cheräro pe reta, ayuta metei ara pojäa. Che, peYa ko jae jökorai: Ayemongeta amboatɨ vaerä tëtaguasu reta jare mborookuaía reta aitɨ vaerä jese reta chearasɨ, chearasɨ yavaetegüe. ¡Cherägüɨro jeko pegua chearasɨ yaeta, opaeteita amboai kuae tëtaguasu reta!

ZACARÍAS 1:6

Ërei, cheñee jare cheporookuai reta amee cherembiokuai cheñeemombeúa reta pe omombeu vaerä vae, ¿mbaetɨ pa oa peñemuñagüe reta re? Jáeramo, jae reta oyerova ye jare jei reta: YandeYa Imbaepuere yae ete vae oyemongeta kërai yanderereko vaerä yandereko jare yanderembiapo oï rupi, jökorai oyapo yande ndive.’ ”

NÚMEROS 10:35

Käjou oyemboɨpɨ oyereroata yave, Moisés jei körai: “¡Epüa cheYa! ¡Topa toñemoai moai nderovaicho reta! ¡Totekuarai ndegüi nemotareɨ vae reta!”

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

San Mateo 24:35

Ara jare ɨvɨ opata ko, ërei cheñee reta ngaraa opa.

Romanos 16:27

Tumpa jaevaeño jare yarakuaa yae vae toyemboeteuka jekuae avei pegua Jesucristo rupi. ¡Amén!

JOSUÉ 23:15

Ërei opaete ñee kavi reta yandeYa Tumpa jei peve vae oyembopo rami, jökorai vi yandeYa güeruta peré opaete ñee kavimbae, opa regua pemokañɨtei kuae ɨvɨ kavi jae omee peve vae iárambo güi,

Judas 1:25

Tumpa jaeño vae jare yarakuaa vae, Yandemboasa vae pe toñemee mbaemboete, yembotuicha jare mbaepuere, añave jare jekuaekuae avei rupi. ¡Amén!

1 SAMUEL 2:3

Agüɨye kia timiari ipɨayemboete reve, agüɨye kia toyembotuicha yae iñee pe, echa Tumpa opaete mbae oikuaa vae jae ko yandeYa, jae ojäa opaete kuimbae jembiapo.