ISAÍAS 31:1 - Biblia Guarani Tumpa Iñee

¹ ¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 31:1 ပူးပေါင်းရင်းမြစ်များ

GÉNESIS 47:17

Jayave güeru reta José pe mɨmba, jare José omee chupe reta tembíu: Kavayu regua, vecha regua, guaka regua, jare mburika regua, jökorai jókuae año omee chupe reta tembíu opaete jɨmba reta regua.

2 CRÓNICAS 16:7

Jókuae ara rupi ou mbae re oecha voi vae Hanani opou mburuvicha guasu Asa pɨri, jare jei chupe: “Mburuvicha guasu Siria pegua isundaro reta oasayepe ko ndegüi, echa reyeko mburuvicha guasu Siria pegua re, jare mbaetɨ reyeko yandeYa Tumpa re.

2 CRÓNICAS 16:9

Echa yandeYa omae opaete ɨvɨ re, jae omborɨ ipɨa jupi rupi oiko chupe vae. ¡Kuae reyapo iyarakuaambae rami! Echa kuae güi tenonde kotɨ oimeta ndekotɨ jeta ñeraro.”

JOB 39:11

¿Ndepuereta ra reyerovia jese ipɨ̈rata yae ramo, ani reeya jae oyapo vaerä ndeparavɨkɨ?

SALMOS 20:7

Amogüe reta oyerovia ikäretou reta ñeraro pegua re, ïru reta oyerovia ikavayu reta ñeraro pegua re; ërei ore mbaetɨ oreakañɨ oreYa Tumpa güi.

ISAÍAS 10:17

Jare Tumpa Iyoambae, tembipe Israel pegua, oïta tata jendɨ vae rami, metei ara pe opata omboai opaete ñana jare yuu reta.

ISAÍAS 2:7

Kuae ɨvɨ tɨnɨe oï korepoti jare oro pe, jeta mbaembae ikavigüe pe; kuae ɨvɨ tɨnɨe oï kavayu pe, jare jeta yeyé käretou ñeraro pegua.

ISAÍAS 20:5

Jare opaete vae okɨɨyeta jare imarata, echa Etiopía re oyerovia reta tëi, jare Egipto ko jae reta iyemboetea tëi.

ISAÍAS 22:11

Jókuae tëta guasu ikësea mókoi oyóvai ñogüɨnoi vae ipäu pe peyapo ɨ jɨrurä, jókuae ɨrɨru ñɨma vae kotɨ güi ou vae. Mbaetɨ reve pemboete jókuae iyapoa, arakae yae ma omee vae.

ISAÍAS 30:16

jaeño pere: “Ani, rotekuaraita ko kavayu re.” Petekuaraita ko jökorai, añete. Pere vi: “Ropota kavayu reta iñäkua vae re.” Ërei peraɨkuemoña vae reta iñäkua yaeta vi ko.

ISAÍAS 36:6

Ko, aecha reyeko reï Egipto re. Egipto ko metei popoka tätambae rami, opë yave jaɨgüe yandepotuku rami. Jökorai ko Faraón, mburuvicha guasu Egipto pegua, opaete oyeko jese vae reta peguarä.

ISAÍAS 36:9

Nde ngaraa ndepuere reñeraro cheruvicha guasu isundaro ruvicha taɨkuegua ete ndive ave, ¡nde rerovia Egipto omeeta ko ndeve kavayu jare sundaro kavayu regua reta vae!

ISAÍAS 43:15

Che ko peYa Iyoambae, Israel iyapoa, peRuvicha guasu.”

ISAÍAS 5:12

Pearete pe oime arpa, ngitara, tambora, mimbɨ jare jeta vino; ërei mbaetɨ pemae yandeYa oyapogüe re, mbaetɨ pemae jembiapo reta re.

ISAÍAS 57:9

Reo tumpa-raanga kotɨ, reraja reve asaite jare jeta ikäti kavi vae; remondo mombɨrɨ ñee jerajaa reta nderekovia pe, remondo ɨvɨ kotɨ omanogüe reta ñogüɨnoia pe.

ISAÍAS 64:7

Mbaetɨ metei ave oyerure ndekotɨ vae, mbaetɨ metei ave imaendúa oyeko vaerä nderé; jáeramo orereeya, orereeya orepiru vaerä ñana rami, orembaeyoa reta pe.

ISAÍAS 9:12

Kuaraɨ oëa kotɨ güi Siriaɨgua reta, kuaraɨ oikea kotɨ güi filisteo reta. Metei jeia pe opa voi omokañɨtei reta Israel. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:13

Ërei kuae tëta mbaetɨ oyerova inupaa kotɨ; mbaetɨ oeka reta yandeYa Imbaepuere yae ete vae.

JEREMÍAS 17:5

YandeYa jei körai: “Tijeko jókuae ipɨa opia chegüi vae, kuimbae reta rei güɨrovia katu vae, oeka jare oyeko jese reta vae.

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

JEREMÍAS 37:7

jókuae yogüeru ípɨri vae reta pe: “Pere mburuvicha guasu Judá pegua pe, jókuae pembou peparandu vaerä cheve vae pe, Faraón isundaro reta yogüeru tëi pereepɨ vaerä vae, opa ye oyerova Egipto kotɨ.

JEREMÍAS 42:14

jare pere: ‘Ikavi ko yaja yaiko Egipto pe, joko pe mbaetɨta yaiko ñeraro rupi ani mimbɨguasu iñee ñeraro pegua ave ngaraa yaendu jare ngaraa yaiporara karuai’,

EZEQUIEL 17:15

Ërei kuae mburuvicha oñemopüa mburuvicha guasu Babilonia pegua re, omondo jekovia pe kuimbae reta imiari vaerä Egipto pe, omee vaerä chupe kavayu reta jare jeta kuimbae. ¿Perovia pa kuae oyapo yave oasayepeta? ¿Ipuereta ra morogüɨrökuavee päve mbaetɨ ombopo vae oasayepe?

EZEQUIEL 29:16

Israel pegua reta ngaraa ye ma oyeko Egipto pegua reta re, echa oecha retata oyavɨ reta yepe yogüɨraja yave oiporu yemborɨ Egipto pegua reta pe. Jayave chekuaa retata che ko jae peYa Tumpa vae.’ ”

DANIEL 9:13

Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

OSEAS 11:5

Ngaraa ma yogüɨraja ye ɨvɨ Egipto kotɨ. Asiria pegua etei ko oikota juvicha guasurä, echa mbaetɨ oyerova ye chekotɨ.

OSEAS 11:9

Ngaraa ayapo chearasɨ jeia rupi: Ngaraa ave amboai Efraín, echa Tumpa ko che, kuimbaeä ko che. Pepɨte pe Ikɨambae ko che, ngaraa aike amboai tëta guasu.”

OSEAS 14:3

Asiria pegua reta ngaraa ipuere orereroasayepe, ngaraa vi orepuere rotekuarai kavayu re. Ngaraa ye ma roe ‘oretumpa’, mbae iä royapo orepo pe vae pe, oreYa, ndeño reiparareko tɨ̈reɨ.”

OSEAS 7:7

Opaete vae jakuvo, horno jaku yae rami, opa omokañɨtei reta juvicha oporojäa vae reta. Opaetei mburuvicha guasu reta ogüɨapi, mbaetɨ etei chugüi reta kia yepe oyerure cheve.

HABACUC 1:12

CheYa Tumpa, ¿jaeä pa ko nde reiko avei vae cheTumpa Iyoambae omanombae vae? CheYa, ita guasu cheñepɨ̈roa, nde remee Caldeaɨgua pe neporojäa, remopüa jae reta oiporarauka vaerä.

HABACUC 3:3

Tumpa ou ɨvɨ Temán güi: Tumpa Iyoambae ou ɨvɨtɨ Parán güi. Iyemboetea oñemoai opaete ara re jare opaete ɨvɨ tɨnɨe imbaemboetea.

ZACARÍAS 10:5

Sundaro jëia yae vae ramita ñeraro pe. Opɨ̈rota jovaicho reta re tuyuapo re rami. Oñoraro retata, echa yandeYa oïta jae reta ndive; jare kavayu regua reta oñemomaraiukata.

DEUTERONOMIO 17:16

Ërei jókuae mburuvicha guasu agüɨye tomoñemuña iyeupe jeta kavayu, agüɨye vi tomondo togüeruruka iyeupe Egipto kotɨ güi omoïru vaerä ikavayu, echa yandeYa jei peve: ‘Agüɨye ye peyu kuae tape rupi.’

DEUTERONOMIO 20:1

Peë yave peñoraro vaerä perovaicho ndive, jare peecha kavayu regua reta, käretou ñeraro pegua jare jeta sundaro pegüi yave, agüɨye pekɨɨye chugüi reta, yandeYa Tumpa ɨvɨ Egipto güi perenoe vae ko oï pe ndive.