ISAÍAS 30:9 - Biblia Guarani Tumpa Iñee

⁹ Echa kuae tëta pegua reta ko ipɨapochɨ vae jare yapu yae vae, mbaetɨ oipota reta oendu yandeYa iporookuai vae.

ISAÍAS 30:9 ပူးပေါင်းရင်းမြစ်များ

2 CRÓNICAS 33:10

YandeYa ombou ñee Manasés pe jare imbae vae pe; ërei jae reta mbaetɨ oyeapɨsaka jese.

SALMOS 78:8

agüɨye vaerä iñemuñagüe reta rami: Ipɨarai reta jare ipɨapochɨ reta, mbaetɨ metei reño iyemongeta reta. ¡Tumpa kotɨ ave mbaetɨ jupigüe oyapo reta!

SALMOS 81:12

Jáeramo amaeño oyapo reta ipɨa jemimbota, yogüɨreko reta iyemongeta ae rupi.

PROVERBIOS 28:9

Tumpa iporookuai mbaetɨ oipota oendu vae, Tumpa güɨröɨrota vi chugüi iyerure.

ISAÍAS 1:10

Mburuvicha reta Sodoma pegua, peendu yandeYa iñee; mburuvicha reta Gomorra pegua, peyeapɨsaka ñaneTumpa iporookuai re.

ISAÍAS 1:2

Peyeapɨsaka, ara jare ɨvɨ, echa yandeYa jei: “Ambokuakuaa cheraɨ reta, ambotuicha reta, ërei jae reta oyembopɨapochɨ chekotɨ.

ISAÍAS 1:4

¡Paravete, iyoa vae reta, tëta tɨnɨe ikavimbae pe vae, ipɨapochɨ vae reta iñemuña, jare jeko opa oikomeguagüe reta! Oyembosɨrɨ reta yandeYa güi, omboarasɨuka reta Iyoambae Israel pegua, oyerova reta ye chugüi.

ISAÍAS 10:5

Echa Tumpa jei: “¡Tëtaguasu Asiria! Jae ko popoka ɨvɨra pegua aporonupa pɨpe chearasɨ yave vae, ipo pe añono chearasɨ.

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

ISAÍAS 24:5

Ɨvɨ opa oikomegua pɨpe yogüɨreko vae reta jeko pegua, echa mbaetɨ oyapo reta Tumpa iporookuai, mbaetɨ oendu reta mborookuai reta jei vae, oyavɨ reta morogüɨrökuavee päve opambae vae kotɨ.

ISAÍAS 28:15

Pe reta pere: “Oremiari kavi mano ndive jare omanogüe reta ñogüɨnoia ndive. Jayave mbaesusere ou yave ngaraa maratu roasa, echa roeka royepɨɨ vaerä apu re, jare roñemi vaerä yembotavɨ re.”

ISAÍAS 30:1

YandeYa jei: “¡Paravete, cheraɨ oyembosɨrɨ chegüi vae reta, oyemongeta reta mbae oyapo vaerä, oparandumbae reve cheve, oyupavo reta mbae oyapo vaerä, mbaetɨ reve che añono ipɨa pe, jökorai jeiete omoïru reta mbaeyoa iyeupe!

ISAÍAS 48:4

Rokuaa ndepɨa täta yae ko, jiero täta rami, jare jiero iyu vae rami vae,

ISAÍAS 5:24

Jáeramo, tata oapɨ kapii vae rami jare ñana joogüe rami, jökoraita opa pekañɨtei, temitɨ japo opa ichuumbi vae ipotɨ opa osururu vae ramita ko. Echa peröɨro yandeYa Imbaepuere yae ete vae iñee, jare Iyoambae Israel pegua iporookuai.

ISAÍAS 63:8

Echa jae jei: “Añetete chembae vae reta ko, cheraɨ mbaetɨ yapu vae reta.” Jae ko güɨroasayepe reta,

ISAÍAS 65:2

Ara ñavo arökuavee tëi chepo tëta ipɨapochɨ vae pe, jókuae tëta oguata tape ikavimbae rupi, ipɨa jemimbota rupiño.

JEREMÍAS 35:14

Jonadab, Recab taɨ iñemuña reta, oyapo iñemuñagüe oyókuai vae, agüɨye vaerä jou reta vino, jare mbaetɨi jou reta añave regua, echa oyapo reta iñemuñagüe oyókuai vae. Che poyókuai avei iyɨpɨ güive, ërei mbaetɨ peyapo che jae vae.

JEREMÍAS 7:13

Añave che peYa jae: Opaete kuaekuae reta peyapo jeko pegua; pomomiari tëi iyɨpɨ güive chekueraimbae reve, ërei mbaetɨ peendu; poenɨi tëi, ërei mbaetɨ pemboyevɨ cheve ñee.

JEREMÍAS 7:28

Ere körai: ‘Jae ko kuae tëtaguasu mbaetɨi oyapo iYa Tumpa jeigüe vae, mbaetɨ vi oipota oyeapo kavi. Jupi rupi yogüɨrekose vae opa okañɨ chugüi.’ ”

JEREMÍAS 9:3

Oïndaivi iyapu reta vaerä, uvɨ oñemoïndaivi oñejäa vaerä vae rami. Kuae ɨvɨ pe jeiete apu, mbaetɨ añetete vae; jeiete yae ikavimbae vae oyapo reta; yandeYa jei: “Mbaetɨ oipota oikuaa reta cheregua.”

EZEQUIEL 24:3

Jare kuae tëta oyembopɨapochɨ chekotɨ vae pe ere rembojaanga reve: YandeYa Tumpa jei cheve: ‘Eñono metei yapepo tata pe jare eñono ɨ pɨpe,

OSEAS 4:2

Jei raangaiño mbae oyapo vaerä, apu, yoyuka, maeñomi, aguasa; kuaekuae reta jeta jare oyoyuka vae oyoaɨkue yoaɨkueño.

SOFONÍAS 3:2

Mbaetɨ oyeapɨsaka yandeYa iñee re, mbaetɨ oipota oendu omboeta chupe vae, mbaetɨ oyeko yandeYa re, mbaetɨ ou Tumpa kotɨ.

Hechos 7:51

Pe reta ko pepɨa täta vae, pepɨa jare peapɨsa oyembocircuncidambae. Peyovaicho avei Espíritu Santo kotɨ. Peñemuñagüe reta rami etei vi pe reta.

DEUTERONOMIO 32:20

jare jei: ‘Ayerovata chugüi reta, ¡yaecha maratu oasa reta! Echa kuimbae jeko kavimbae reta ko, cheraɨ jupimbae reta ko.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.