ISAÍAS 30:8 - Biblia Guarani Tumpa Iñee

⁸ Jayave eikuatía añave, kuae mbaembae oasata vae metei ɨvɨra oyemboipegüe re, eikuatía eñono metei tembikuatía pe, kuri peguarä, oporomomaendúa avei vaerä, jekuae avei rupi.

ISAÍAS 30:8 ပူးပေါင်းရင်းမြစ်များ

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

ISAÍAS 34:16

Pemongeta yandeYa iñee reta oyekuatía oï vae, emongeta, oime ra oata mbae nunga mɨmba; mbaetɨ metei pe ave oata iñeïrurä, echa yandeYa ko jei jökorai, iEspíritu etei ko opata omboatɨ.

ISAÍAS 8:1

YandeYa jei cheve: “Eipɨɨ metei ɨvɨra oñeopagüe, tuicha vae jare emboyekuaa kavi eikuatía eñono jese Maher-salal-hasbaz.

JEREMÍAS 23:20

Ngaraa osɨrɨ yandeYa iyarasɨ, oyeapo regua jae oyapota vae, oyapo regua jae ipɨa pe oyemongeta vae. Oväeta ara peikuaa kavi vaerä kuae mbaembae reta.

JEREMÍAS 30:2

“Che, Israel iTumpa jae: Eikuatía metei tembikuatía pe opaete jae ndeve vae,

JEREMÍAS 36:2

“Eipɨɨ metei tupapire oyepomombɨ vae, jare eikuatía jese opaete che jae ndeve Israel jare Judá regua vae, jare ïru tëtaguasu reta regua, mburuvicha guasu Josías oiko yave güive amboɨpɨ chemiari ndeve añave regua vae.

JEREMÍAS 36:4

Jare Jeremías oenɨi Baruc, Nerías taɨ, jare jae oikuatía Jeremías jei oï chupe vae, metei tupapire oyepomombɨ vae pe opaete yandeYa jei vae.

JEREMÍAS 48:47

Ërei metei ara, Moab aru yeta kuri iɨvɨ pe tembipɨɨrä oikoa güi. Che ndeYa ko jae kuae.” Jae kuae Tumpa iporojäa oiko vaerä Moab ndive.

JEREMÍAS 51:60

Jeremías yepe oikuatía metei tembikuatía pe opaete susere reta outa Babilonia re vae, jae ko opaete ñee reta oyekuatía oï Babilonia kotɨ vae,

EZEQUIEL 38:16

Reporepeñata chembae vae reta Israel re, amapɨtu oyasoi ɨvɨ ramita reñova ɨvɨ. Köraita oiko ara iyapɨ rupi: Rogüeruta reporepeña cheɨvɨ re, tëtaguasu reta chekuaa vaerä, ayemboyekuaa ma yave nderupi Gog.’

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

HABACUC 2:2

YandeYa jei cheve körai: “Eikuatía tuyuapo oyemboipegüe re aechaukata ndeve vae, omongeta vae oecha kavi vaerä.

NÚMEROS 24:14

Aja yeta cherëta kotɨ, ërei tamombeu voi ndeve këraita kuae tëta oyapo kuri nerëta vae.

DEUTERONOMIO 31:19

Añave, peikuatía kuae tairari, jare pemboe jese Israel iñemuña reta, otairari reta vaerä, jare jókuae tairari timiari cheré Israel iñemuña reta pe.

DEUTERONOMIO 31:22

Jare Moisés oikuatía jókuae ara kuae tairari, jare omboe jese Israel iñemuña reta.

DEUTERONOMIO 31:29

Echa, che aikuaa amano ma yave, peikomeguata jare pepiata tape che poyókuai jese vae güi; jare outa peve kuri mbaesusere, peyapo ikavimbae yandeYa jesa róvai jeko pegua, echa jökorai pemboarasɨuka perembiapo reta rupi.”

DEUTERONOMIO 4:30

Peï yave mbɨatɨtɨ pe, perupitɨ yave opaete kuae mbaembae, jare taɨkue rupi peyerova ye yave yandeYa Tumpa kotɨ, jare peendu yave iñee jeigüe;

1 Timoteo 4:1

Ërei Espíritu Santo omombeu kavi yandeve kërai ara reta taɨkuegua pe amogüe vae oyerovata iporogüɨrovia güi, ojo vaerä espíritu oporombotavɨ vae reta ndive jare aña reta iporomboe rupi,

2 Pedro 3:3

Aipota peikuaa kuae räri: Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño yogüɨreko vae reta,

Judas 1:18

echa jae reta jei yepi peve: “Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño vae yogüɨreko vae reta.”