ISAÍAS 30:6 - Biblia Guarani Tumpa Iñee

⁶ Ɨvɨ Neguev pegua mbaeporou reta maratuta vae regua: Ɨvɨ jeta mbaesusere pɨpe vae rupi, jeta pɨpe yaguapope reta, mboi jare mboi oveve vae, jokoropi güɨraja reta imbaembae ikavigüe jare jepɨ vae mburika re jare camello re, güɨraja reta omboepɨ yemborɨ Egipto pe, tëta mbaetɨta ipuere omborɨ vae pe,

ISAÍAS 30:6 ပူးပေါင်းရင်းမြစ်များ

GÉNESIS 12:9

Jare Abram oë joko güi, jare ojo mbegüe mbegüe pe Neguev kotɨ.

1 REYES 10:2

Jare ou Jerusalén pe, jeta jupiegua reta ndive, camello reta ombovoɨta mbae ikäti kavi vae pe, jeta yeyé oro jare ita ipöra yae vae reta; ou Salomón pɨri yave oparandu chupe opaete ipɨa pe güɨnoi vae re.

2 CRÓNICAS 16:2

Jayave Asa güɨnoe korepoti jare oro yandeYa jo pe mbaembae jepɨ vae oñeñovatúa güi jare mburuvicha guasu jo pe mbaembae jepɨ vae oñeñovatúa güi jare omondo mburuvicha guasu Ben-adad Siria pegua Damasco pe oiko vae pe, jei reve:

2 CRÓNICAS 9:1

Mburuvicha kuña Sabá pegua oendu Salomón jërakua yae vae yave, ou Jerusalén pe jeta iyɨvɨrigua reta ndive, güeru mbae ikäti kavi yae vae camello reta re, jare jeta oro jare ita ipöra vae, ou ojäa vaerä Salomón mbarandu yavai vae pe. Ou oväe Salomón jóvai yave oparandu chupe opaete ipɨa pe güɨnoi oparandu vaerä vae re.

JOB 39:11

¿Ndepuereta ra reyerovia jese ipɨ̈rata yae ramo, ani reeya jae oyapo vaerä ndeparavɨkɨ?

ÉXODO 1:14

Oiporarauka yae chupe reta mbaravɨkɨ rupi, oyapouka chupe reta tuyuapo jare ladrillo jare opaete mbaravɨkɨ kó rupigua rupi; jare opaete mbaembae oyapouka chupe reta vae rupi omombaravɨkɨasɨ katu yae.

ISAÍAS 14:29

Agüɨye eyerovia tëtaguasu Filistea, jókuae oiporarauka yepi ndeve vae iporookuai opa chugüi jeko pegua, echa moichɨ güi oëta moitini, ani mboi oveve vae.

ISAÍAS 15:7

Jáeramo, mbaeyekou jae reta güɨnoi vae jare oñovatu vae, opata güɨraja reta ɨ̈aka raɨ sause jeta oimea kotɨ.

ISAÍAS 19:4

Ameeta Egipto, metei mburuvicha imbaeyuvanga yae vae pe, mburuvicha guasu ipïrimbae vae oñeñonota juvicharä.” Jökorai jei yandeYa Imbaepuere yae ete vae.

ISAÍAS 35:9

Jokoropi mbaetɨta oime yaguapope, ngaraa oime ani ou jokoropi mbaeporou reta. Oyeyoragüe retaño yogüeruta jokoropi,

ISAÍAS 5:30

Jare ou oväe jókuae ara yave, jókuae tëtaguasu jɨaputa ɨguasu rami oporepeña Israel kotɨ; jare kia omae yave Israel re oechata pɨtumimbi oñova amapɨtu pɨtumimbi vae.

ISAÍAS 57:9

Reo tumpa-raanga kotɨ, reraja reve asaite jare jeta ikäti kavi vae; remondo mombɨrɨ ñee jerajaa reta nderekovia pe, remondo ɨvɨ kotɨ omanogüe reta ñogüɨnoia pe.

ISAÍAS 8:22

jare oeka reta tëi yemborɨ kuae ɨvɨ pe yave, jaeño oväe retata mbaeporara jare mbɨatɨtɨ; jare jókuae susere pe opata ɨvɨ oñeñono oyeeya.

JEREMÍAS 11:4

Jae ko jókuae morogüɨrökuavee päve ayapo peñemuñagüe reta ndive vae, anoe reta yave Egipto güi, jókuae horno jiero oyemondɨkui pɨpe rami chupe reta vae güi. Jae chupe reta: Peendu cheñee reta, jare peyapo cheporookuai. Jayave peikota chembaerä jare che aikota peTumparä.

JEREMÍAS 2:6

Mbaetɨ oparandu reta: ‘¿Ketɨ pa oime oï yandeYa, jókuae ñanerenoe ɨvɨ Egipto güi vae, yandereroata ñuu ipombaea rupi vae, ɨvɨ otini vae rupi, ñamano rape katu jupi vae rupi, mbaetɨ ɨ vae rupi, ɨvɨ mbaetɨ kia ave oiko pɨpe vae rupi ani oguata yepe jupi vae rupi?’

EZEQUIEL 20:46

“Nde kuimbae, eyerova emae arayevɨ kotɨ, emondo neñee jokotɨ cheree re, emombeu maratuta oasa jókuae kaa Neguev vae,

OSEAS 12:1

Efraín iñemuña reta oyemongaru ɨvɨtu pe rami; ara ñavo yogüɨraja ɨvɨtuakuvo jaɨkue rami. Omoïru iyapu reta jare jekorai oyapo reta morogüɨrökuavee päve Asiria pegua reta ndive, jare güɨraja reta olivo iasaite pe ombopota Egipto.”

OSEAS 12:2

YandeYa ojäata Judá pegua reta. Oiporaraukata Jacob iñemuña reta pe jeko oï reta rupi; oiporaraukata chupe reta teko oyapogüe re.

MIQUEAS 6:14

Pekaruta, ërei ngaraa perɨ̈vɨata, pepɨatɨtɨ aveita peiko; peikota mboriau rupi, pemboatɨ tëita peyeupe, ërei ngaraa jembɨre peve jare pemoembɨregüe che ameeta perovaicho reta omboai vaerä pegüi.

ZACARÍAS 6:6

Käretou kavayu jüu vae reta omoata vae ojo ɨvɨtuguasu kotɨgua reta kotɨ; käretou kavayu tïi vae reta omoata vae ojo kuaraɨ oikea kotɨgua reta kotɨ, jare käretou kavayu ipara vae reta omoata vae ojo arayevɨ kotɨgua reta kotɨ.”

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

NÚMEROS 21:8

jare yandeYa jei Moisés pe: —Eyapo ndeyeupe metei mboiraanga jókuae imbayachi yae vae rami jare eñono metei ɨvɨra iyapɨte re; jare oipotagüe mboi oichuu vae omae yave jese, okuerata.

San Mateo 12:42

Jökoraiño vi Tumpa oporojäa yave, mburuvicha kuña oiko arayevɨ kotɨ vae opüata omboeko vaerä añave yogüɨreko vae reta. Echa jae ou mombɨrɨ güi oyeapɨsaka vaerä Salomón iyarakuaa re. Ërei, ko oï tuichagüe yae Salomón güi vae.

DEUTERONOMIO 17:16

Ërei jókuae mburuvicha guasu agüɨye tomoñemuña iyeupe jeta kavayu, agüɨye vi tomondo togüeruruka iyeupe Egipto kotɨ güi omoïru vaerä ikavayu, echa yandeYa jei peve: ‘Agüɨye ye peyu kuae tape rupi.’

DEUTERONOMIO 4:20

Ërei ngatu yandeYa perenoe jókuae horno omondɨkui jiero vae güi, jae ko Egipto, peapo vaerä jae imbaerä, añave rami.

DEUTERONOMIO 8:15

pereroata ñuu tuichagüe rupi, kɨɨyea jare jeta mboi imbayachi vae rupi, tumɨkarape jare ɨuve rupi, ɨ mbaetɨa pe jae omoë peve ɨ̈vavira güi;