ISAÍAS 30:32 - Biblia Guarani Tumpa Iñee

³² jare yandeYa oitɨ ichikote jese ñavo, oyemboputa angúa raɨ jare arpa. YandeYa etei oñerarota jae reta ndive yavaetegüe.

ISAÍAS 30:32 ပူးပေါင်းရင်းမြစ်များ

GÉNESIS 31:27

¿Maera pa reñemi reyu jare chembotavɨ? Mbaetɨ remombeu cheve, romboyupavo kavi vaerä yerovia jare tairari ndive, tambora jare arpa pe.

2 CRÓNICAS 32:8

Jae ndive oï kuimbae reta imbaepuere, ërei yande ndive oï yandeYa Tumpa yandemborɨ vaerä kuae ñeraro pe.” Jare mburuvicha guasu Ezequías iñee oendu reta yave, oñemoäta ngatu opaete vae.

JOB 16:12

Ikavi yae aja tëi, ërei opa chemboai, cheayupɨɨ jare opa chemondoro ndoro, jare cheñono cheɨ̈vo vaerä juvɨ pe.

ISAÍAS 10:24

Jáeramo, yandeYa Imbaepuere yae ete vae jei: “Tëta chembae vae, Sión pe peiko vae, agüɨye pekɨɨye Asiriaɨgua reta güi, yepe tëi oiporu peré ipopoka ɨvɨra pegua, Egiptoɨgua reta oiporu peré rami.

ISAÍAS 10:26

Che peYa Imbaepuere yae ete vae ainupata Madián pegua reta ayuka ɨvɨtɨ Oreb pe rami; chembaepuere amboyekuaata Asiria re, Egipto re amboyekuaa rami.

ISAÍAS 11:15

YandeYa oipeata tape chupe reta Epigto pegua ɨguasu rupi, omopüata iyɨva ɨ̈aka Éufrates re, chiu pe opata omboyao jókuae ɨ̈aka, jare ipuereta oasa reta ipɨapaa omboimbae reve.

ISAÍAS 19:16

Jókuae ara Egiptoɨgua reta, kuña reta ramiñota, okɨɨye retata oecha yave yandeYa Imbaepuere yae ete vae omopüa ipo ikotɨ reta.

ISAÍAS 2:19

YandeYa opüa jókuae ara oiporarauka vaerä kuae ɨvɨ pe yave, opaete vae oiketa ɨ̈vavira oyeka vae rupi ɨvɨkua rupi; yandeYa kɨɨyea yae güi, iyemboetea tuicha yae vae güi.

ISAÍAS 24:1

Mase, yandeYa opata oikuavo kuae ɨvɨ, opaeteita omboai jare güɨrokomegua, jare opata omoai moai pɨpegua reta.

ISAÍAS 24:8

Osondo yerovia katu angúa raɨ reta jare arpa reta pegua, osondo oyombokepegua iyapirai vae reta.

ISAÍAS 30:29

Ërei peveguarä oimeta tairari, arete Pascua pe rami; pepɨa oyeroviata, kia nunga vae oyerovia reve mimbɨ iñee ndive ojo yandeYa iɨvɨtɨ kotɨ rami, Imbaepuere yae vae Israel pegua kotɨ.

ISAÍAS 31:4

YandeYa jei cheve körai: “Yaguapope ani yaguapope raɨ oñee jembia iárambo vae mbaetɨ okɨɨye, yepe tëi vecha iyangarekoa reta oyomboatɨ oiämondo vaerä isapúkai pe, ngaraa oñeiämondouka chupe reta, jökoraita ko yandeYa Imbaepuere yae ete vae ou oepɨ tëta imbae vae ɨvɨtɨ Sión re.

JEREMÍAS 31:4

Romopüa pɨau yeta, Israel. Rembopu yeta angúa raɨ, repɨraeta reyerovia katu reve.

EZEQUIEL 28:13

Edén pe reikose Tumpa iko raɨ pe, reñemopöra reyemonde oipotagüe ita reta ipöra vae pe, jae ko: Cornerina, topacio, jaspe, crisólito, berilo, ónice, zafiro, carbunclo, esmeralda jee vae jare oro; opaete angúa jare mimbɨ reta ipöragüe oyeapo ndeve, jókuae ara roapo yave.

EZEQUIEL 32:10

Jare amopɨakañɨ yaeta jeta vae reta ndereko pegua; juvicha guasu reta orɨrɨita okɨɨye güi, chekɨsepuku anoe ambovera yave jóvai reta. Jókuae ara neamɨri yave, opaete vae orɨrɨita okɨɨye yae güi.

Hebreos 12:26

Jókuae ara Tumpa iñee omokana ɨvɨ. Ërei añave jei körai: “Mbaetɨta amokana ye ɨvɨño, ara vi amokanata.”

1 SAMUEL 10:5

Jókuae jaɨkue rupi reota reväe Tumpa iɨvɨtɨ re, sundaro filisteo reta jeyupa güɨnoia pe; jare reike jókuae tëta pe yave, reövaitita mbovɨ ete ñeemombeúa reta yogüeru ɨvɨtɨ mbaemboete renda güi vae, jae reta jenonde yogüɨrajata ngitara imbopúa, angúa raɨ, jare mimbɨ imoñeea jare arpa imbopúa reta, jare jae reta omombeu Tumpa iñee.

1 SAMUEL 18:6

Jökorai jae reta oyerova ye yave, David oyuka güire filisteo, opaete tëta guasu reta güi ñogüɨnoe Israel iñemuña pegua kuña reta otairari jare opɨrae reve, oövaiti vaerä mburuvicha guasu Saúl, angúa raɨ ndive, jare tairari yerovia katu pegua ndive, temimbɨ reta tairari pegua ndive.