ISAÍAS 30:28 - Biblia Guarani Tumpa Iñee

²⁸ ipɨ̈túe ko, ou oväe ɨ yave oyepɨyere rami, ɨ yandeayu rupi yanderé rami, outa opa omboai tëtaguasu reta mbae nunga jiero pegua pe, oñonota kayurupegua opaete vae reta iyuru pe, ombojopa vaerä.

ISAÍAS 30:28 ပူးပေါင်းရင်းမြစ်များ

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

2 REYES 19:28

Ndearasɨ chekotɨ jeko pegua, jare ndepɨayemboete aendu jeko pegua, añonota netï re argolla mɨmba re oñeñono rami, rombokayurupeguata, jare romboyerova yeta romondo jókuae tape reyúa rupi.”

JOB 39:17

Echa che mbaetɨ amee chupe arakuaa, jare mbaetɨ amee chupe arakuaa katu.

SALMOS 18:15

Oyekuaa ɨguasu jugua, opɨta ikatu pe ɨvɨ iguapɨka reta, neñeengata rupi cheYa Tumpa, neäpɨgua rupi nepɨ̈túe remoë vae rupi.

SALMOS 32:9

Agüɨye eiko ndearakuaambae kavayu rami ani mburikaguasu rami, echa kuae reta, kayurupegua jare itïguaa jeia reño yogüɨreko; echa kuaembae reve, ngaraa oya nderé.”

PROVERBIOS 26:3

Tarero, kavayu peguarä ko, mɨmba itïguaa, mburika peguarä ko; jare chikote, yarakuaambae peguarä.

ISAÍAS 11:4

oporojäata ko jupi rupi paravete vae reta re, oñemoëta arakuaa katu reve kavi, ipɨa omomichi vae reta re; jare iñee rupi oporonupata, iñee pe oyukata iTumpa potambae.

ISAÍAS 17:13

Ërei Tumpa iñeeäta rupi matɨ opa otekuarai reta; ɨvɨtu jenonde ɨtɨ güɨraja vae rami, kusumirou güɨraja ɨvɨkúi vae rami.

ISAÍAS 17:14

Kaaru yave yavaete tovaicho reta, ërei köe-pota yave mbaetɨ etei ma. Köraita ko oasa oyuvanga yanderé vae reta, jare opa mbaembae opɨ̈ro yandegüi vae reta.

ISAÍAS 19:3

Amombokereta, arokomeguata iyemongeta chugüi. Jare oparanduta itumpa-raanga reta pe, jare imbaekuaa vae reta pe, omano ma vae jekovegüe reta pe, jare mbae maratuta vae imombeúa reta pe.

ISAÍAS 28:15

Pe reta pere: “Oremiari kavi mano ndive jare omanogüe reta ñogüɨnoia ndive. Jayave mbaesusere ou yave ngaraa maratu roasa, echa roeka royepɨɨ vaerä apu re, jare roñemi vaerä yembotavɨ re.”

ISAÍAS 28:2

YandeYa oime güɨnoi metei jëia yae vae, imbaepuere yae ɨvɨtuai amandau reve vae rami vae, okɨ rai vae mbae omboai vae rami vae, ɨporu rami vae, opaeteita mbae oitɨ oeya ɨvɨ pe rami vae,

ISAÍAS 30:29

Ërei peveguarä oimeta tairari, arete Pascua pe rami; pepɨa oyeroviata, kia nunga vae oyerovia reve mimbɨ iñee ndive ojo yandeYa iɨvɨtɨ kotɨ rami, Imbaepuere yae vae Israel pegua kotɨ.

ISAÍAS 30:33

Echa kuae ɨma ma oyeapo katu oiko Asiria peguarä jare juvicha guasu peguarä, oiporarata pɨpe vae ipɨguasu jare kɨ̈pe, tata oyemoendɨ jeta yepea ndive vae. YandeYa omoendɨta ipɨ̈túe pe, jókuae ko azufre jeta oyepɨyere vae rami.

ISAÍAS 37:29

Aikuaa ko ndearasɨ jare ndepɨayemboete, añonota cheargolla netï re, mɨmba re oñeñono rami, jare rombokayurupeguata, jare romboyerova yeta tape reyúa rupi.”

ISAÍAS 59:19

Opaete ɨvɨ, kuaraɨ oëa kotɨ güive kuaraɨ oikea kotɨ, omboeteta yandeYa oecha yave iyemboetea. Echa yogüeruta tovaicho reta, ɨ ɨ̈aka rupi tuichagüe ou rami. Ërei yandeYa oñemopüata chupe reta.

ISAÍAS 63:17

OreYa Tumpa, ¿maera pa, reyavɨuka oreve nderemimbota, jare orembopɨa täta agüɨye vaerä romboete? Eyerova ye nderembiokuai reta reaɨu jeko pegua, ñemuña reta ndembae ae vae kotɨ.

ISAÍAS 8:8

outa oväe Judá pe jare opaeteita tɨnɨe, iyayu rupi opɨtata jese. Güɨra omoata ipepo vae ramita, opata oyasoi ndeɨvɨ, Emanuel.”

OSEAS 13:3

Jáeramo, ndeimbove yave ɨ̈vɨti oyekuaa vae ramita, ɨsápɨi köe pota yave oa vae ramita, jarembae okañɨ, ama ɨvɨtuai reve vae güɨroveve trigo pire javiyugüe ramita, jare tätati oë horno jemimbɨ rupi ramita.

AMÓS 9:9

Echa che opata amoai moai Israel iñemuña reta, opaete vae tëtaguasu ipɨte rupi, trigo jäɨ oyembogua ürupe pe yave mbaetɨ oa jäɨ ɨvɨ pe rami.

San Mateo 3:12

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”

San Lucas 22:31

YandeYa jei Simón pe: —Simón, Simón, mase, Satanás oyerure ma peré, pemboyao vaerä trigo oyembogua rami.

2 Tesalonicenses 2:11

Jáeramo, Tumpa ombou chupe reta mbaepuere mborombotavɨ pegua, güɨrovia reta vaerä apu re;

2 Tesalonicenses 2:8

Jayave oyekuaata jókuae ikavimbae vae iyapoa. Jókuae yandeYa oyukata ipɨ̈túe pe vae, jare omboaita ko, ou yave jembipeasɨ reve.

Hebreos 4:12

Echa Tumpa iñee ko oikove jare imbaepuere, jaimbe yae metei kɨsepuku jaimbe yoyavi vae güi, ipuere oike yandepɨa pe jare yanderekove pe, yandeyoapɨa pɨa pe jare ñaneäputuu pe; ojäa yandeyemongeta reta jare yandepɨa jemimbota reta.

Apocalipsis 1:16

Jae güɨnoi chiu yasɨtata reta ipo iyakatu pe, jare iyuru güi oë metei kɨsepuku jaimbe yoyavi vae. Jova jembipe yae kuaraɨ jembipe yae rami.

Apocalipsis 2:16

Jáeramo, eeya ndeyemongeta ikavimbae vae ndepɨa pe oï vae; echa mbaetɨ yave ayuta ɨmambae ndeve, añorarota jae reta ndive kɨsepuku cheyuru güi oë vae pe.